Интер на продажба
Сопственикот на Интер Масимо Морати изјави дека е подготвен да го продаде клубот, доколку се појави вистински купувач.
Морати го презеде Интер во 1995 година а до приказната за продажба на клубот дојде по последните неуспеси кога клубот не успеа да ја освои титулата во Италија и отпадна од ЛШ. Последен пат Интер бил шампион на Италија пред 17 години.
„Ако има некој кој може да ја работи оваа работа подобро од мене и има желба да се посвети на тоа, зошто да се противам“ – изјави Морати.
„Се обидувам да бидам практичен. Кога го презедов Интер немав намера да останам вечно на чело на клубот“ додаде тој.
Морати во јануари 2004 година претседателското место во клубот му го отстапи на Фачети.
„Го купив Интер од страст и со желба кога ќе го продадам да го продадам со трофеи ,но по се изгледа нема да биде така. За жал тимот не успеа да одговори на предизвиците“. Констатираше Морати.
Во текот на 11 годишното сопствеништво на Морати над Интер, успеаја само два пати да се закитат со титула и тоа во 1998 година во купот на УЕФА и 2005 година освојувајќи го купот на Италија.
Интер моментално се наоѓа на третата позиција и е во финалето на купот на Италија.
П.С. ај можеби со нов газда ќе им тргне на подобро.

