Каква сезона...
Од скромни очекувања за место во топ 4, до доминантни шампиони. И сето тоа е заслуга на еден човек, Антонио Конте. Не ни помислував дека ќе може после Мурињо да донесеме менаџер со кој ќе бидеме задоволни и успешни. Ама човеков верувам дека уште на првиот натпревар не освои сите, со 90 минутното делење инструкции на аут линијата и прославата по голот на Коста. И после слабиот старт, наместо да продолжи да ја форсира играта и формацијата за која се спремаше цело лето, он најде начин како да го среди тимот и за ептен кратко време успеа да им го пренесе на играчите сето тоа што го замислил. Човекот е роден победник и работник. Секој играч што збореше за него сезонава кажа дека оваа сезона имаат најнапорно работено во кариерата, играчи кои имале веќе долги кариери исполнети со трофеи. Кажуваат дека не биле толку физички спремни никогаш во својата кариера. А и уште на првата прес конференција си кажа, work, work, work, work, work...
И сета таа работа носи резултати нормално. Четири години по ред е шампион со тимовите кои ги менаџира, има неверојатна статистика
И тимот нормално заслужува пофалби. После ланската катастрофална сезона, сфатија дека ќе мора стварно многу да се потрудат оваа ако сакаат да се вратат на врвот. Нема играч во тимов кој имаше лоша сезона. Секој играч кој доби минути сезонава, играче како што треба. Ако почнам да набројувам, треба баш сите да ги пишам. Имаме веќе доста зборено за сите во текот на сезонава, би сакал само да го спомнам Мичи, затоа што стварно импресионираше во малкуте минути кои ги доби. Наредна сезона со ЛШ сигурно ќе добие повеќе шанси и се надевам дека уште повеќе ќе напредува.
Уште од кога се искачивме на првото место, во ниеден момент не се посомневав дека ќе го изгубиме. Тимов стварно издоминира сезонава и ги заслучува сите пофалби. 13 победи по ред, со што го срушија клубскиот рекорд и го израмнија ПЛ рекордот. 30 рекордни победи во сезоната. Стварно е импресивно од 38 кола да имаш 30 победи. Уште еден рекорд кој долго ќе остане несрушен.
За крај нормално дека мора да зборам за Тери, иако стварно не можам да најдам погодни зборови. Знаевме дека кога тогаш ќе дојде денот кога ќе мора да се збогуваме со него, но верувам дека ниту еден од нас не беше подготвен. Многу губи клубот, нема зборови со кои може да се опише влијанието на Тери во Челзи. Прекрасен гест денес со стартот и измената во 26та минута, браво. На говорот на крајот не верувам дека имаше фан на кој не му се измешаа секакви емоции. Никогаш нема да има Челзи подобар дефанзивец, никогаш нема да има подобар капитен, поголем лидер, поголема легенда. Стварно сме привилегирани што можевме да го следиме клубот во времето на Џон Тери.
