А мене ме чуди како успеа да паднеш на тоа
Ајде, ајде.. Мораше некој да заебам... Вчера, симпатијата моја ми кажа дека се „верила“, како ми беше мене вчера, тогаш !? М ?
Еве, нешто шо не е априлилили...
Зошто на Арсенал му е потребен Џанлуиџи Буфон?
Секоја чест на фудбалското знаење на Арсен Венгер, но човекот има една маана, што се провлекува со години, а тоа е дека не знае да купи квалитетен голман. „Топчиите“ можеби го играат најубавиот фудбал во Европа и можеби Венгер знае да процени млад играч и од него да направи вистинска ѕвезда, но откако Дејвид Симан се пензионираше, реално клубот немаше квалитетен чувар на мрежата. Леман, Алмунија, Фабијански, Маноне и Шчесни, сите си имаа свои незаборавни киксови и голем удел во постот без трофеи. Очигледно, тоа го сфати и Венгер, па затоа во последно време е сè погласен и најавува обид да го купи Џанлуиџи Буфон од Јувентус.
Ако на планетава постои голман кој би бил идеално решение за лондончани, тоа е Буфон. Венгер последната шампионска титула во Англија ја освои кога на располагање имаше искусни и проверени фудбалери и конечно се свести дека само со млади фудбалери на кои им треба години и години искуство не може да се ловат трофеи. Буфон е идеално решение за Арсенал поради неколку причини. Откако дебитираше за Парма на 18 години, тој важи за еден од најдобрите голмани во светот. Италијанецот го има квалитетот и искуството, што секогаш се решавачки во освојувањето на трофеите. Сетете се на годинешното финале на Карлинг купот помеѓу Арсенал и Бирмингам и киксот на Шчесни. Јувентус по десет години летово веројатно ќе ја прекине соработката со 33-годишниот голман. Емотивната поврзаност помеѓу двете страни значи дека Буфон нема да се пресели во некој ривал од Серија А, што го прави идеална трансфер-цел на Арсенал. Иако тука сметките може да ги замрси Манчестер Сити, кој е заинтересиран за сите квалитетни фудбалери во светот. Во шпанската Примера нема место за него, а ниту во Бундеслигата.
Арсенал ќе мора да издвои околу 20 милиони евра за искусниот чувар на мрежата, што е разумна цена, бидејќи се работи за вистинска голманска легенда. На „Емирати“ навивачите конечно нема да стравуваат кога некој ќе шутира кон нивниот гол или ќе нафрлува високи топки од страничните позиции. Мал проблем за Арсенал при купувањето на Буфон би можела да биде неговата хронична повреда на грбот, но со оглед на голманите со кои располага Венгер во моментов, ризикот би требало да се исплати. Доколку Буфон ова лето биде единственото засилување, Арсенал двојно ќе си ги зголеми шансите за освојување на Премиерлигата.
http://sport.mnogoo.mk/mk/articles/Fudbal/zoshto-na-arsenal-mu-e-potreben-dzhanluidzhi-bufon
