Доколку Марк Хјуз остане менаџер на Манчестер Сити и за наредната сезона, сигурно ќе го продаде бразилскиот офанзивец во тимот - Елано. И покрај заинтересираноста на Елано да потпише нов договор со клубот, Марк Хјуз јасно соопшти дека Елано не се вклопува во неговите планови за наредната година, каде го планира Робињо на таа позиција.
Евертон покажа заинтересираност за напаѓачот на Њукасл - Мајкл Овен, кој сигурно би го напуштил клубот доколку не обезбеди опстанок во Премиерлигата. Во договорот на Овен со Њукасл, постои клаузула дека може без обесштетување да си замине од "Сент Џејмс Парк" доколку тимот испадне од лигата, а иако веќе му беше понуден нов договор, Овен изјави дека не е заинтересиран за продолжување се до лето. Покрај тимот на Евертон и Манчестер Сити ја покажа својата заинтересираност за напаѓачот, во кого гледа идеален модел кој би привлекол останати квалитетни фудбалери во тимот.
Контроверзниот избор за најдобар фудбалер во Премиер-лигата, според Здружението на професионални фудбалери во Премиер лигата (ПФА) не наиде на одобрување кај некои поранешни фудбалери.
Поранешниот репрезентативец на Република Ирска, популарниот Тони Каскарино изјави: "Фактот дека Гигс е прогласен за играч на годината за мене е апсолутна бесмислица. Немам ништо против него, но искрено Стивен Жерард сезонава беше барем десет пати подобар од него.".
А, малку помек во изјавата бил поранешниот фудбалер и миленик на навивачите на Енфилд, Џон Барнс:
"Рајан Гигс е голем амбасадор на фудбалот, одличен играч и одличен човек, но оваа награда се доделува за игрите оваа сезона. Според мене, неа ја заслужи Жерард. Тој е најдобриот играч во Премиер лигата, го предводи Ливерпул во победите годинава. Гигс беше стартер за Манчестер Јунајтед само на 12 натпревари" - изјавил Барнс.
Астон Вила, Ливерпул и Тотенхем ја покажаа својата заинтересираност за десниот бек на Портсмут и поранешен член на Челзи - Глен Џонсон.
И покрај тоа што од Портсмут изјавија дека немаат намера да го продадат младиот Џонсон, последните информации велат дека би се сложиле за сума од 16 милиони фунти. Веќе добиле понуда од Тотенхем во која била вклучена парична надомест и плус двајца играчи во замена, но Портсмут веднаш ја одбил од причина што веќе има премногу млади играчи во составот, па заинтересирани единствено сега се за финансиска понуда. Се очекува со конкретни понуди да настапат и Ливерпул и Астон Вила во наредниот период.