http://kajgana.com/katar-najavi-otvoranje-na-ambasada-vo-makedonija
Малце офф топик еве една добра работа за почеток
Катар најави отворање на амбасада во Македонија
Текст: Макфакс
Отворање на амбасада на Катар во Македонија најави денеска Емирот на Катар, Шеик Хамад Бин Калифа Ал Тани на средбата со македонскиот претседател, Ѓорге Иванов во Скопје.
Како што е соопштено до кабинетот на Иванов, на средата било оценет дека овој чин многу позитивно ќе се одрази на развојот на билатералната соработка.
За време на средбата било изразено задоволство од блиските билатерални односи меѓу двете држави и биле разгледани можности за натамошно интензивирање на соработката во повеќе сфери.
Македонскиот претседател и Емирот на Катар ја искористиле можноста за размена на мислења за состојбите во регионите на Југоисточна Европа и на Блискиот Исток.
„Двајцата соговорници со задоволство заклучија дека, со денес потпишаните билатерални договори, сериозно унапредената правна рамка помеѓу државите ќе отвори нови перспективи за интензивирање на соработката, особено на економски план, како и на планот на образованието, културата, и во сите останати сфери“, стои во соопштението.
На средбата биле разгледани можностите за привлекување на катарските инвестиции во Македонија, а на Eмирот му биле презентирани поволностите кои Македонија ги нуди за странските инвеститори.
„Особено беа разгледани секторите енергетика, финансискиот сектор, туризмот, производството на храна и на вода. Беа разгледувани можностите за вклучување на градежната оператива на Република Македонија во претстојните крупни проекти планирани во Катар“, стои во соопштението.
)
