Драги
Сфатив дека за да бидеш кул овде треба да се исмеваш на нечија трагедија или несреќна ситуација, што е патетично. Да се замисли човек два пати дали да сподели тука некоја мака. Срамота.
И тие што не можат да читаат километарски постови, се прашувам како па читаат книги. Ако воопшто.
Кај мене? Абе океј е. Уште се љупам ко леопардски гекон, само не до таа мера да не можам да шетам у јавност без да ме помислат луѓево дека имам лепра или некој лишај, кожна болест или што и да е. Од сега и до продавница ќе идам со млеко за сончање. Ебати сонцево, кој трол е еј. Коа беше свежо, со се нерамномерно распоредениве изгореници бев ко розево-белине Кики бомбони (кој бил уште детуле почетокот на 90те знае за што зборам).
Си зел да гледаш театарска претстава во живо, бесплатна патем, и се собираат чопор првокласна сељачана пред тебе ко жив ѕид небаре некој пенал треба да шутира накај тебе у фаца. Ни срам, ни перде. Ако посочиш, и фино лепо замолиш да ти ослободат видик, ризикуваш убиствен поглед ко на мандрил, небаре си во Конго, или не дај боже, драњеж од калибар на Годзила. Дојдов да гледам претстава, да си ги задоволам културно-рекреативните јадежи кои одамна ме пецкаат, не да гледам "елегантно пополнети" задници, кои мрдаат на две секунди, а се тресат ко на стриптиз на најмало смеење (претставата содржеше комични елементи).
Ако нешто најмногу ме нервира кај луѓево е, кај се криви, па уште и ќе ти се издерат, а во случајот да се работи за машки особи, па ќе сука ракави и да те затепа
. Ало беее!? Во држава живееме или племенски табор? Али тоа е, сакаме цивилизација, а не знаеме како да ја градиме (дома, додека ни расте, од мали нозе). Разбирам дека е бесплатна претстава и дека секаков народ ќе биде присутен, ама ова е претеризам. Возрасна жена да се тепа за место (столченце) со мало детенце - ако ништо друго, баш тоа е патетика. На кое долно ниво сме паднале ко народ, понекогаш мислам дека Американциве вода можат да ни носат.
