По месеци пак го сонував татко ми.
Се стрчав да го гушнам тој ме застана. Не дозволи да му се доближам.
,,Ама ти беше толку совршен татко."
,,Ако е така, многу беше лесно. Не ме барај во луѓето, јас и без тоа сум блиску, на земјава веќе татко не ти треба, ти гледај си веќе за таткото на твоите деца. А јас ќе си го чекам внучето. Сѐ ќе биде многу убаво, слушај го ти стариов."
Секогаш така велеше, ,,слушај го ти стариов ,не собрал толку години в торба бадијала"
Уште не можам да си дојдам на себе си.
Мислам дека единствено нешто полошо од траума од лош татко и да бираш мажи како него и да ти е нормално и насилство и се' односно daddy issues , е токму спротивното, да си имал совршен татко, да си го изгубил и кај и да е, 3 години да се лутиш на себе си и на сите околу тебе за секоја несовршеност,погрден збор повеќе и кукавичлук во споредба со него.
Да не зборам за празнината којашто ја оставило неговото заминување. Само мајка ми да е добра, што подолго.
Никогаш не бев непримерно дете, дисциплинирана бев дури и повеќе од што се бараше од мене, на мајка ми дури ѝ е жал, ќе каже, кешки малку помалку да нѐ слушаше, малку повеќе да се забавуваше во животот , не ни е некоја грижа на совест во прашање, ете има родители толку добри, што ни 3 животи со нив не се доволни.
Ако имате добри родители, колку подолго ги гледате нивните имиња на екран на телефон, толку повеќе сте во ќар. Сите други, според заслуга.
24rakomet.mk
