По спектакуларниот концерт во Охрид минатото лето, во организација на Talent Box, Дино Мерлин повторно во Македонија. Овој пат во македонската метропола. Концертот на овој најпознат босански пејач, е закажан за 18 септември во Метрополис Арената.
По успехот на последниот албум „Ispocetka“ Мерлин во вистинско време доаѓа во Скопје. По минатогодишната промоција на албумот на стадионот Билјанини извори овој пат, доаѓа релаксирано без потреба да провери дали македонската публика ги знае песните од новиот албум. Организаторите, за 18 септември, во Метрополис арената на скопското сајмиште, најавуваат вистински спектакал и уживање со големото име од екс југословенските простори.
Дино Мерлин доаѓа со својот комплетен бенд, кој што го следи на сите турнеи, и се очекува како и секогаш на публиката да и понуди повеќе од тричасовно концертно уживање.
Естрадниот магазин Бекстејџ и телевизија Сител по трет пат, последователно, се концертни промотори на Дино така што оние кои од оправдани причини нема да присуствуваат на концертот деталите ќе ги имаат на фреквенцијата на Тв Сител.