Која е всушност поентата на казнувањето од Бог ?
На кој начин тој казнува ?
Земи го овој пример. Во раката држиш јајце. Го пушташ и тоа се смачкува на земја. Дали е тоа Божја казна за јацето, никогаш да не се роди живот од него?
Ако ти е познат законот за гравитација, нема да зборуваш за злосторство и казна туку за последица од непочитување на тој закон.
Не само во физиката, туку и во духовното постојат закони кои, кога ќе бидат прекршени, носат последици. Самиот го потврдуваш тоа:
Постојат морални вредности, чувството за морал е вродено.
Основните морални вредности се универзални, неменливи и цврсти до ниво колку што е цврст законот за гравитација. Токму затоа, основата на моралот во сите религии е една иста. Спореди го учењето на Исус од Новиот Завет со Осумкратниот Благороден Пат на будистите. Моралните вредности, етичките закони кои поединец мора да ги почитува за да постигне просветление во будизмот се до влакно истите закони што човек мора да ги почитува за да постигне просветление во христијанството.
Последицата од непочитувањето на овие закони е чувството на внатрешен немир, збунетост, нејасни мисли. Она што во будизмот се нарекува самсара, а што Исус го нарекува “огнената геена“. Последицата од целосно почитување на овие закони е чувството на совршена среќа, она што Буда го нарекува нирвана, а Исус - Царството Божје. Дека овие закони важат за секого, без разлика на која религија и припаѓа, или воопшто не верува, потврдуваш и ти:
Тоа што ние го чуствуваме како вина е емоција , истото важи и за љубовта и за другите емоции . Тие си се природна појава , нешто што е најразвиено кај нас луѓето , за разлика од другите животни ( и они имаат емоции ) ..
Поенатата на сето ова ми е , дека грижата на совест, каењето , чуството на вина , не треба да го тражиме во некоја виша сила , туку во самите себе . барем така е со мене , ако јас згрешам , се чуствувам крив и обратно за добро дело , се чуствувам одлично . Тоа не доаѓа од “горе “...
Тоа не доаѓа од “горе“ - туку однатре, слободно речи така ако сакаш. Со една забелешка: Фројд го нарекува истото “супер-его“, т.е. нешто што е над индивидуата. Различните религии го нарекуваат различно, но она што е битно, е дека, макар да доаѓа “однатре“, тоа сепак доаѓа и однадвор, од вечното, од еден универзален и неменлив закон, поставен од истиот Законодавец кој го поставил и законот за гравитација.
