Цензура на интернетот - SOPA/PIPA/ACTA/PCIP (Генерална дискусија)

[123456]

го донесоа законот или не уште?

 

[Kostur123]

Законот ќе важи по објава во службен весник. А за донесување сигурно ќе го донесат. Со време да си свиткаме опашките...

 

[Dexter26]

http://www.24vesti.com.mk/gragjanski-sektor-–-stop-za-zakonot-za-kleveta-i-navreda-problematichni-20-od-35-chlenovi

Граѓански сектор – стоп за Законот за клевета и навреда, проблематични 20 од 35 членови

10.10.2012 | 17:10

Вовед во диктатура и цензура вака невладиониот сектор го оценува предлог Законот за навреда и клевета.

Решението се кроело нетранспарентно, без да се консултира пошироката јавност. Владата по скратена постапка сака да протурка закон што ќе ги засега дури и интерент – медиумите – тврдат невладините .

Најпроблематичен според нив е челнот што ги превидува казните.

Хелсишкиот комитет предупредува дека донесувањето на ваков закон ќе има последици по слободата на говорот. Со реакции се огласија дел од партиите. Опзиционерите од СДСМ нема да го подржат Законот.

Предлог Зконот за навредеа и клевета, зад кој застана ЗНМ - треба да влезе во собраниска процедура најпрво преку комисиите а потоа и на пленарна седница.


Михајло Видимлиски

 

[Dexter26]

http://www.dw.de/замира-ли-јавната-дебата-на-интернет-во-македонија/a-16318156

Замира ли јавната дебата на интернет во Македонија?

Датум 19.10.2012

Предлог-законот за граѓанска одговорност за клевета и навреда го криши македонскиот устав. Одговорноста за јавно напишаниот збор ќе падне на авторот, но и на интернет провајдерот.

Усвојувањето на Предлог-законот за граѓанска одговорност за клевета и навреда, кој се однесува на комуникацијата преку интернет, негативно ќе влијае по слободата на говор, реагираат невладините организации и интернет заедницата. Предлог законот содржи спорни делови кои ќе ги затворат можностите за јавна дебата преку сајтови регистрирани во Македонија, алармираат неколку граѓански организации. Тие истакнуваат дека Законот во таква форма поттикнува цензура и со тоа го крши Членот 16 од Уставот на Република Македонија. Според нив особено е спорен членот 11 кој предвидува дека провајдерот на интернет услуги, заедно со авторот, е одговорен за надоместување на штетата која произлегува од овозможување на пристап до навредливи или клеветнички информации.

„Загрижувачки е што со овие законски измени директно е опфатен и интернетот, како последна јавна сфера која не е под целосна контрола на политичките партии или поврзаните бизнис-интереси. Драконските парични казни најавени со предлог законите ќе послужат како средство за заплашување. Поради тоа интернет провајдерите и е-издавачите ќе се натераат да воведат цензура со оневозможување коментари, блогови или форуми, за да го намалат ризикот по автоматизам да бидат вмешани во судски спорови за изјави врз кои немаат ефективна уредувачка контрола“, вели Филип Стојановски од фондацијата Метаморфозис.

Закон насочен кон медиумите

Роберто Беличанец од Центарот за развој на медиуми се согласува дека законот ќе ја наруши слободата на говор бидејќи содржи цензорски елементи и голем потенцијал за самоцензура.

Најчесто ставовите се изразуваат на социјалните мрежи


„Како прво, Законот ги издвојува медиумите од другите субјекти во општеството како специјална категорија дури и таму каде што за тоа нема никаква потреба. Тоа јасно кажува дека е насочен кон медиумите примарно - што е проблем затоа што слободата на изразување е општа категорија. Второ, на ваков начин се признава дека клеветењето може да се прави на организаиран начин што значи дека и другите правни лица треба да се изедначат со медиумите - партиите и компаниите и заедничката одговорност да важи и за нив. Најбитниот дел е одредбата во која се листаат надоместоците за штета, каде се гледа дека не е битно кој е тужен од тријадата новинар, уредник, медиум - сите плаќаат“, вели Беличанец.

Групата која го изготвуваше Предлог-законот беше предводена од академик Владо Камбовски. Во неа учествуваа претставници од Здружението на новинари на Македонија, судии, јавни обвинители и претставници од Министерството за правда. За реакциите на граѓанскиот сектор одговор побаравме од министерството. Од таму кратко ни соопштија дека текстот веројатно ќе биде изменет преку поднесени амандмани. Останува да се почека исходот од собраниската процедура, велат од министерството.

Учество на јавноста во носење на законите

Казна, освен авторот на напишаната објава, може да добие и интернет провајдерот

Роберто Беличанец предупредува дека верзијата која е влезена во собраниска процедура не е доработена: Приказната дека законот ќе се испегла со амандмани е приказна за мали деца. Кога имате закон од 26 члена, а во 20 треба да интервенирате амандмански, подобрто е да му го вратите на предлагачот на доработка. Значи, најдобриот пат до сега беше собранието после првото читање да го врати во Министерството за правда и министерството да отвори широка партиципативна дебата. За жал тоа не се случи, наместо тоа второто читање следеше експресно“.

Стојановски додава дека во постапката за изготвување на законите треба да бидат вклучени и засегнатите страни: „Невладините организации кои заеднички настапуваат како ад-хок коалиција „Фронт за слобода на изразување“, бараат властите да овозможат инклузивно учество на граѓаните и граѓанскиот сектор во носењето на законите кои моментално се носат со ултра брза постапка. Се носат врз основа на нацрти кои содржат многу недоречености, но и одредби кои може да доведат до воведување цензура или други злоупотреби, како малициозни тужби со кои може финансиски и на други начини да се наштети дури и на оние лица за кои ќе се утврди дека не биле виновни за навреда и клевета“.

Најголемата опозициска партија СДСМ во меѓувреме соопшти дека ја поддржува декриминализацијата на клеветата и навредата, но и дека поднеле амандмани кои се однесуваат на спорните делови од законот. Невладините организации најавија дека доколку не бидат прифатени нивните забелешки ќе ги искористат сите правни средства за да се спречи донесувањето на законот.

Автор Владимир Калински
Редактор Александар Методијев

 

[Dexter26]

Со новиот закон за навреда и клевета, и Интернет порталите ќе превземаат одговорност за податоците кои ги објавуваат и ќе подлегнуваат на парична казна за навреда и клевета.

А македонската Интернет заедница молчи и не превзема ништо против ова.

Бог нека ни е на помош.

http://www.sitel.com.mk/sobranieto-...predlog-na-zakon-za-gragjanska-odgovornost-za

Собранието ја заврши расправата за Дополнетиот предлог на закон за граѓанска одговорност за навреда и клевета, гласањето в понеделник

9. ноември 2012 - 19:14

Собранието на Република Македонија во попладневниот дел од денешната работа по дневниот ред на 45. седница ја заврши расправата за Дополнетиот предлог на закон за граѓанска одговорност за навреда и клевета, во второ читање.

Поради немање кворум претседателот на Собранието Трајко Вељаноски гласањето го закажа за в понеделник во 11 часот. В понеделник ќе се гласа и за предлог законите за странска информативна дејност во Република Македонија, и за изменување на Законот за судовите, и двата во второ читање.

Претходно во расправата Билјана Казанџиска од СДСМ истакна дека во измените се предвидува новинарите, уредниците и медиумиот да платат заедно казна во износ од 27.000 евра доколку некој ги обвини за навреда и клевета.

- Новинарите кога работат на сторија или истражувачко новинарство можат да бидат обвинети за навреда или клевета доколку се докаже на суд, рече Казанџиска.

Заменик министерката за правда Билјана Бришковска Бошковски во реплика истакна дека со дополнителниот предлог јасно се дефинира што е предмет на законот, а што не, и додаде дека оваа одредба пред се се однесува за електронските публикации и интернет порталите кои, како што рече, објавуваат се и сешто без претходна потврда.

Митре Вељаноски од СДСМ посочи дека за еден ист текст за кој ќе биде оценето дека претставува навреда и клевета може да се поднесе поставка против авторот, уредникот и до медиумот со што, како што рече, заедно ќе следи казна од 27.000 евра.

- Казна од 15.000 евра во Франција или Белгија не е еквивалент на казна од 15.000 евра за сопственик на медиум во Македонија. Тоа значи дека сопствениците на медиумите во Македонија ќе мора да го контролираат секој текст, рече Вељаноски.

Горан Мисовски од НСДП потенцира дека доколку сопственикот на медиумот го очекува казна од 15.000 евра, уредникот од 10.000, а новинарот од 2.000 евра нема да има медиум кој нема да ангажира неколку адвокати.

- Слободоумните новинари кога ќе сакаат да напишат критика за работењето на Владата ќе се премислат пет пати, уредникот десет пати, а сопственикот 100 пати, рече Мисовски.

Со предложеното во законското решение, додаде, им се одзема и правото на имунитет на пратенциите за искажаните ставови во Собранието доколку тужителот докаже дека се злонамерно дадени, што е спротивно на членот 64 во Уставот на Република Македонија.

Заменик-министерката Бришковска Бошковски во реплика рече дека пратеникот Мисовски ги извртува тезите и додаде дека ваквите одредби се познати во македонското законодавство години наназад.

- Овде не станува збор дали ќе одговара пратеник за дадена изјава за клевета или навреда, туку лице кое ќе пренесе став даден на собраниска говорница, појасни Бришковска Бошковски.

Маринела Тушева од СДСМ законското решение го оцени како средство за зголемување на автоцензурата кај новинарите, а нејзината сопартијка Весна Бендевска како можност за контрола и на интернет порталите.

Во реплика Косана Николиќ Мазнева од ВМРО-ДПМНЕ рече дека денеска во Македонија ќе се донесе закон со кој се гарантира слободата на медиумите и се декриминизира клеветата, што, како што, рече е поздравено и од Здружението на новинарите на Македонија. Во законското решение, посочи, се користени искуствата од многу европски земји.

 

[Dexter26]

На денешен ден, понеделник, 12 ноември 2012, македонскиот парламент, ги усвои законот за навреда и клевета и законот за странска информативна дејност.

Бог нека ни е на помош на сите.

http://www.vesti.alfa.mk/default.aspx?mId=36&eventId=58105

Усвоени законите за навреда и клевета и за странска информативна дејност

понеделник, 12 ноември 2012, 11:59

Собранието на Република Македонија денеска на продолжението на 45. седница ги донесе дополнителниот предлог-закон за граѓанска одговорност за навреда и клевета и предлог-законот за странска информативна дејност во Република Македонија.

Дебатата за двата предлог закони се одвиваше во петокот, но поради немање кворум претседателот на Собранието Трајко Вељаноски гласањето го закажа за денеска.

Пратеникот Бекир Фазлиу од ДПА смета дека Предлог-законот за странска информативна дејност треба да се најде пред Комитетот за односи меѓу заедниците и да се дебатира по него пред гласањето. Според Вељаноски согласно Деловникот, овој дел не е предвиден за дебата на Комитетот освен доколку предлозите се однесуваат за културата, употребата на јазиците и слично.

Поради дуплирање на тонот на преводот од албанскиот јазик на македонски јазик, а по барање на Фазлиу, претседателот Вељаноски даде еден час пауза.

 

[Dexter26]

После ACTA, сега политичарите од целиот свет, без никакво присуство на претставници од ниту една компанија која се занимава со информатичка технологија, во Дубаи преговараат за воспоставување целосна контрола врз Интернетот од страна на Меѓународната Телекомуникациска Унија.

Единствено не се договориле околу тоа кој колкаво влијание треба да има во МТУ.

Ако некој досега веруваше дека блокирањето и бришењето на одредени содржини на Интернет е за нечие добро, како на пример блокирање или бришење на сајтови кои содржат дигитални содржини за возрасти со цел да се заштитат децата од истите тие содржини, или блокирање или бришење на сајтови кои содржат дигитални содржини чиишто автори ги задржале и ги заштитиле своите авторски права со цел спречување на пиратеријата, сега сето тоа паѓа во вода, бидејќи без разлика каква одлука ќе донесат политичарите во Дубаи, тоа ќе биде политичка одлука од која корист ќе имаат само политичарите и никој друг.

http://www.24vesti.com.mk/trka-za-kontrola-na-internetot

Трка за контрола на Интернетот

23.11.2012 | 10:47

Најголемиот светски пребарувач Гугл предупреди дека претстојната Светската конференција за меѓународни комуникации, која ќе се одржи од 3 до 14 декември во Дубаи во организација на Обединетите нации претставува опасност за слободниот и отворен Интернет.

Претставници на владите на земјите-членки на ОН на конференцијата ќе се обидат да усвојат нова спогодба за информирање и комуникација.

Некои земји се обидуваат да го преземат надзорот врз техничките делови на мрежата и системот на домеини од американските тела и да го префрлат на меѓународната организација.

Гугл побара од своите корисници да го додадат своето име на онлајн петицијата против најавените измени.

- Меѓународната телекомуникациска унија (ИТУ) се обидува повторно да ја активира со децении старата спогодба за комуникации, јави сајтот Тејк Екшн.

Некои од предлозите, кои ќе се разгледуваат може да им овозможат на владите да ги цензурираат легитимните говори или дури да оневозможат пристап до Интернет. Други предлози бараат од сервисите како што се Јутјуб, Фејсбук и Скајп да платат нови давачки за да бидат достапни до луѓето во целиот свет. Ова може да го лимитира пристапот до информации, особено на пазарите во раст.

Компанијата Гугл додаде дека е загрижена поради тоа што само владите имаат пристап во ИТУ, а не и компаниите или други кои имаат учество во мрежата. - Светската конференција за меѓународни комуникации е погрешно место за донесување одлуки за иднината на Интернетот, нагласува Гугл.

Меѓутоа ИТУ вели дека нова спогодба е потребна за да се обезбеди „слободен проток на информации ширум светот, да се промовира еднаков пристап за сите и да се постават темелите за тековните иновации и растот на пазарот“.

ИТУ нагласува дека секоја земја, може да повика кого сака да биде дел од делегацијата на состанокот. Оваа агенција на ОН смета дека растот на Интернетот и напредокот на мобилната телефонија ќе влијаат на одлуката постоечката спогодба, усвоена во 1998 година, да се надгради.

Иако агенцијата не ги објавува предлозите на секоја влада пред конференцијата, на сајтот Wcitlekas, кој го водат научниците од Универзитетот Џорџ Мејсон се појавија некои детали. Последен е објавен предлогот на Русија, која смета дека САД треба да имаат помала контрола врз Интернетот.

Најавените измени предвидуваат промена на сегашниот систем, со кој прашањата за функционирање на Интернетот ги регулираат непрофитни тела, кои официјално се под надзор на американското Министерство за трговија. Руските медиуми претходно јавија дека Кина и Индија ја поддржале Русија ИТУ да ја преземе функцијата на управување и регулирање на светската мрежа. Меѓутоа американската амбасадорка на конференцијата Тери Крамер, веќе испрати сигнал дека дека тоа нема да го поддржи, нагласувајќи дека сегашните институции работат ефикасно и оти тие и натаму ќе ги „обезбедуваат растот и здравјето на Интернетот“.

Генералниот секретар на ИТУ, Хамдоун Туре претходно ги коментираше начинот на кој ќе функцонира конференцијата и како новите прописи ќе бидат усвоени. Тој тврди дека ќе се направи обид да се избегне мнозинското гласање, доколку има големи несогласувања околу некои прашања и оти расправата ќе се води во насока на компромис.

 

[Dexter26]

Сите кои сакаат Интернетот да остане отворен и слободен, потпишете ја оваа Интернет петиција на Гугл:

http://www.google.com/takeaction

http://off.net.mk/vesti/internet/internetot-kje-dobie-gospodar

Интернетот ќе добие господар

Досегашниот успех на интернетот се должи на отвореноста на целата платформа која се развиваше низ дискусијата на научниците, инженерите и корисниците, без притоа да биде контролирана од која било организација. Наскоро се ова може да се смени и контролата на интернетот да заврши во О.Н. организација озогласена по својата тенденција да ги затупи работите.

Најголемиот дел од 193-те членки на О.Н. имаат проблем со неконтролираната природа на интернетот заради која не можат да цензурираат, не можат да оданочуваат и не можат да прават еден куп активности кои инаку им поминуваат во аналогниот свет.

Повеќе од една година Кина, Русија, Иран и Арапските држави лобираат во О.Н. (организација која нема никаква врска со интернетот) да ја преземе контролата врз правилата и функционирањето на мрежата.

Задолжена за ова ќе биде ИТУ (International Telecommunications Union) која е основана во 1865-та, за контрола на телеграфскиот сообраќај. ИТУ која би требало да го контролира најживиот сегмент на технологијата, е организација која работи на правила последен пат ревидирани во 1988-ма.


"Да се даде интернетот да биде преработен од бирократи е како да му дадеш Страдивариус на горила," пишува Гордон Корвитз во Вол Стрит Журнал.

Предлогот за новиот договор на ИТУ е на повеќе од 200 страни. Една од идеите во него е аплицирање на правилата од меѓународните телефонски разговори, врз интернет сообраќајот. По овој предлог Гугл, Фејсбук или Скајп ќе треба да платат данок за секој корисник што им пристапува на нивните содржини од странство. Исто така Кина и Русија веќе побараа од ИТУ во новиот договор да се вметне правило кое ќе им дозволи мониторирање на интернетот.

Гугл веќе започна петиција за "слободен и отворен интернет," која треба да го спречи наметнувањето на новите правила и новите власти. Хаштагот е #freeandopen

Конференцијата на ИТУ во врска со ова прашање ќе се одржи во Дубаи од 3-ти од 14-ти декември.

http://on.net.mk/vesti/internet/ne-smee-da-go-prezeme-internetot

ОН не смее да го преземе интернетот

ОН сака да ја преземе контролата врз целиот интернет, а САД тоа мора да го спречат како знаат и умеат, пишува американски советник за медиуми.

Глобалната мрежа е толку успешна бидејќи не е водена од ниедна влада. Но токму затоа многу земји се противат на отворената природа на интернетот, заради која е многу тешко да се цензурира или оданочи, пишува Л. Гордон Кровиц за Wall Street Journal.

Кина, Русија, Иран и Арапските земји лобирале за Интернационалната телекомуникациска унија - „агенција на Обединетите Нации која нема никаква врска со интернет“, да го превземе целосно.

ИТУ ќе одржи преговарачка конференција наредната недела, а некои од идеите за новиот предлог договор за комуникации вклучуваат надоместоци кои сајтовите ќе треба да ги исплаќаат за секој што ќе го отвори сајтот од странство (за да се охрабрат да ги запрат сите услуги кон меѓународните корисници), и правила кои им дозволуваат на земјите да го следат или блокираат интернет сообраќајот во нивниот домен.

„Да се менува интернетот преку бирократија би било како да му се даде Страдивариус на горила“, пишува Кровиц, а главниот делегат на Стејт Департментот изјави дека САД не сака да „звучи како да им проповеда на другите.“

„Да ги проповедаме на доблестите на отворениот интернет најмногу што можеме“, според Кровиц, е тоа што е потребно во моментов.

За целата колумна, клик овде.

 

[Dexter26]

На денешен ден, четврток, 13 декември 2012, без никакво гласање, или подобро кажано, без никакво демократско одобрување, политичарите од државите географски лоцирани претежно источно од Гринич, во Дубаи донесоа одлука за воспоставување заедничка глобална контрола и цензура на Интернетот, кој во својата 24 годишна историја успешно опстојуваше токму бидејќи беше слободен, отворен, и пред се, независен од било какви политички структури.

Ако Македонија или било која друга држава своеволно ја усвои и ја ратификува оваа антидемократска и анти-Интернет резолуција, тоа само ќе потврди дека не сме ништо поасални од истите овие ѓубриња кои ја усвоија истата оваа резолуција БЕЗ НИКАКВО ГЛАСАЊЕ.

http://kajgana.com/kraj-za-slobodata-na-internetot

Крај за слободата на интернетот?

Текст: Д.П.
13 декември 2012

Резолуцијата со која се одобрува поголема улога на владите во контролата на интернетот, денеска беше усвоена на конференцијата на Меѓународната телекомуникациска унија на Обединетите нации, што до петок ќе се одржува во Дубаи.

САД и повеќе други земји остро се спротивставуваат на новите правила, поради стравот дека зголемувањето на можноста за поголема владина контрола на интернетот ќе го отвори патот за рестрикции и надгледување.

Претседателот на конференцијата Мохамед Насер ел Ганим, соопштил дела предлогот е усвоен со консензус и дека немало гласање.

Шефот на американската делегација, амбасадорот Тери Крејмер, изјавил дека ќе се заложува за поништување на одлуката, која беше усвоена по долгите преговори во Меѓународната телекомуникациска унија на ОН.

Преговорите ќе траат до петок, а потоа, за првпат по 24 години ќе бидат ажурирани правилата за интернет и јавноста ќе биде запознаена со нивните одлуки.

Предлогот на Русија, Кина, Саудиска Арабија и Обединетите Арапски Емирати, за специјализирана агенција на ОН како наднационален орган за контролирање на активностите на провајдерите, домејните и адресите е одбиен по спротивставувањето на западните земји.

Критичарите на конференцијата во Дубаи сметаат дека ќе се смени слободното функционирање на интернетот бидејќи се отвора можност за контрола и за државна цензура. Google претходно организираше петиција на интернет за да се одложи конференцијата се додека не се востановат нови правила за нејзиното одржување.

Една од главните замерки се однесува на тоа што за судбината на интернетот одлучуваат политичарите, односно претставниците на земјите на ОН, а не професионалци кои се занимаваат со интернетот.

 

[Dexter26]

Поради одбивањата од страна на САД, Канада, Велика Британија и Австралија да го потпишат озлогласениот Договор за Меѓународни Комуникации предложен од страна на Меѓународната Телекомуникациска Унија (МТУ), неговата ратификација е ставена на пауза на неодредени време, што не значи дека истиот тој договор е мртов, доколку Американците, Канаѓаните, Британците и Австралијците најдат заеднички јазик до ѓубрињата кои го предложија ова ѓубре од меѓународен договор, за жал, истиот би можел да стане реалност, не дај Боже.

А кога сме кај демократијата, многу чудно е тоа што Република Македонија немала право на глас од засега сеуште непознати причини.

Замислете Македонци, можат да усвојат ѓубре од договор без воопшто да ни дозволат да го кажеме нашето мислење, а притоа да бараат од нас да го испочитуваме истиот тој договор и да го имплементираме во нашата држава.

НУЛТА ДЕМОКРАТИЈА !!!

http://off.net.mk/vesti/internet/propadna-dogovorot-za-kontrola-na-internetot

Пропадна договорот за контрола на интернетот

САД, Канада, Австралија и Обединетото кралство одбија да го потпишат Договорот за меѓународни комуникации, со што целата идеја за контрола на интернетот, барем сега за сега, е ставена на пауза. Македонија немаше право да бира дали ќе потпишува или не, бидејќи или не си го платила членството во МТУ или имала проблем со документите.



Откако рускиот предлог (подржан од Кина и арапските држави) за надзор и цензура на интернетот беше комплетно одбиен, членките на МТУ (Меѓународната телекомуникациска унија) беа подготвени да го изгласаат новиот договор. На денот на гласањето африканскиот блок, предложил во договорот да се додаде дека - правото на интернет е и човеково право. Ова САД го прогласи како обид "да се прошират овластувањата кои се даваат со договорот," и се повлекува од потпишувањето.

Иако договорот беше прифатен со околу 40 гласа разлика, тој не успеа бидејќи според правилата на ИТУ сите несогласувања мора да се решат со консензус а не со мнозинско гласање. До сега договорот го потпишаа 89 држави, 55 одбиваат да го потпишат а 51 (меѓу кои и МКД) немаат право да одлучуваат. (извештајот тука)

Конференцијата на ИТУ беше организирана со цел да се ревидира договорот за комуникации стар 24 години. Противниците на новите промени имаа забелешка на тоа дека во договорот се бара сите држави да имаат исто право на управување со интернетот.

За најголемиот дел од земјите е проблем што во моментов американските власти се тие кои одредуваат кое тело треба да го регулира интернетот, само врз основа на тоа дека токму САД го имаат финансирано развивањето на мрежата преку Арпанет. Во своја одбрана Американците објаснуваат дека тоа им дозволува на техничките експерти да прават "брзи и редовни одлуки" околу иднината на интернетот.

Ставот на САД беше поддржан од основачите на интернетот Винт Серф и Тим Бернерс - Ли, кои предупредија дека предложените промени претставуваат "закана за стабилноста на системот."

 

[Ireal]

http://www.dnevnik.com.mk/default.asp?ItemID=E3783F50DA6B0D49B4DD9D0B8A632257

ne e baš sprema temata, ama da ne optvaram nova...

 

[Dexter26]

Вчера, четврток, 18 април 2013, со 288 гласа ЗА и 127 гласа ПРОТИВ, американскиот Конгрес, исто како и во април 2012, повторно го усвои озлогласениот закон CISPA (Cyber Intelligence Sharing and Protection Act).

Со овој старонов закон, американските Интернет корисници се оставени буквално без Интернет приватност, бидејќи Интернет провајдерите со овој закон ќе бидат обврзани да ги набљудуваат, или подобро кажано, да ги шпионираат сопствените корисници по наредба на американските власти, кои нема да имаат потреба од судски налог за да ги шпионираат сопствените граѓани на Интернет.

За да законот стапи на сила, истиот мора да биде усвоен и во американскиот Сенат, кој го отфрли законот во август 2012, но доколку овој пат законот биде усвоен, ќе биде потребен само потписот на претседателот на САД, Барак Обама, за да законот стапи на сила.

http://www.pcworld.com/article/2035682/house-approves-cispa-over-privacy-objections.html

House approves CISPA over privacy objections

Apr 18, 2013 10:55 AM

Grant Gross, IDG News Service
@GrantGross

The U.S. House of Representatives has voted to approve a controversial cyberthreat information-sharing bill, despite opposition from the White House and several privacy and digital rights groups.

The House on Thursday voted 288-127 to approve the Cyber Intelligence Sharing and Protection Act (CISPA), a bill that would allow U.S. intelligence agencies to share cyberthreat information with private companies. It would also shield private companies that voluntarily share cyberthreat information with each other and with government agencies from privacy lawsuits brought by customers.

The bill would still need to be passed by the U.S. Senate before heading to President Barack Obama for his signature. The Senate declined to act on another version of CISPA during the last session of Congress, and earlier this week, Obama's advisors threatened a veto, although that was before the House approved a handful of amendments intended to address privacy concerns.

CISPA would allow private companies to share a broad range of customer data with each other and with government agencies, privacy groups have complained.

Supporters, however, argued the legislation is needed to encourage better information sharing about active cyberattacks, resulting in better defense of U.S. networks. Federal law now prohibits intelligence agencies from sharing classified cyberthreat information with private companies.

Cyberattack protection addressed
The bill will help protect the U.S. against cyberattacks from China, Iran and other countries, supporters said. Cyberespionage has cost the U.S. tens of thousands of jobs, as foreign companies steal the blueprints of U.S. products, said Representative Mike Rogers, a Michigan Republican and primary sponsor of CISPA.

"If you want to take a shot across China's bow, this is the answer," he said to applause on the House floor.

The bill correctly balances privacy concerns with the need for security, added Representative Dan Maffei, a New York Democrat. Rogue nations and "even independent groups like WikiLeaks" are taking aggressive measures to attack the U.S. power grid, air-traffic control systems and customer financial data, he said.

"Every day, international agents, terrorists and criminal organizations attack the public and private networks of the United States," he said. "While I do always have some concern that the U.S. government may access our private information in the cyber sphere, I am more concerned that the Chinese government will access our private information."

The House on Thursday voted for a handful of amendments to the bill intended to improve privacy protections in the bill. Lawmakers approved an amendment designating the U.S. Department of Homeland Security and U.S. Department of Justice as the primary repositories of cybertheat information shared by private companies, addressing a concern by several privacy groups that CISPA would give the U.S. National Security Agency unfettered access to customer data.

Lawmakers also approved an amendment prohibiting companies that receive cyberthreat information from others from using the data for marketing purposes. The House also approved another amendment that strictly prohibits government agencies from using the shared data to conduct surveillance on U.S. residents.

What about privacy?
Still, some Democrats said the bill did not include enough privacy protections. CISPA does not require private companies to scrub unnecessary customer information from the data they share with each other and with government agencies, and it includes overly broad protections from lawsuits for companies that share information, said Representative Nancy Pelosi of California, the Democratic leader in the House.

Private companies can "just ship the whole kit and caboodle," Pelosi said.

Companies should ship only information that is relevant to national security, she said. "The rest is none of the government's business," Pelosi added.

A broad range of tech companies and trade groups voiced support for CISPA. "Every day, Internet service providers see and respond to a growing number of cyber threats that could cause significant economic damage and personal privacy breaches," the National Cable and Telecommunications Association said in a statement. "[CISPA] enables private companies and the government to share information that will enhance protection of our Internet infrastructure, consumers and America's economy."

Digital rights group Free Press said it was disappointed in the vote.

"CISPA would still obliterate our privacy laws and chill free expression online," policy director Matt Wood said in an email. "We need to make sure companies remove irrelevant personal information when they share our data, and that companies can be held accountable for ignoring and abusing Internet users' civil liberties."

 

[Ashburton Grove]

Кај се анонимус сеа ? Кога се потребни ...
Лани они да не се покренаа сите ќе страдавме заради овие срања

 

[Dexter26]

Апелационен Суд во САД даде амин за цензурирање на Интернетот.

Ова е специфичен вид на цензура, не е политичка, туку комерцијална цензура.

Со ваквата пресуда, Апелациониот Суд во Вашингтон им дава амин на американските Интернет провајдери да обезбедуваат помала брзина до едни веб сајтови и поголема брзина до други веб сајтови, или па дури и да блокираат одредени веб сајтови и сето тоа по нивен избор.

Во суштина на Интернет провајдерите им се доделуваат права слични како тие на кабелските оператори, како што кабелските оператори имаат право да бираат кои радио и ТВ канали ќе ги нудат, а кои не, така и Интернет провајдерите ќе имаат право да бираат кои веб сајтови ќе бидат достапни и по кои брзини, а кои не.

Се очекува Интернет сервисите како YouTube и Netflix да бидат меѓу првите жртви на ваквата комерцијална цензура, со оглед на фактот дека се, ако не најпопуларните, тогаш дефинитивно едни од најпопуларните Интернет сервиси на САД.

Бог нека им е на помош на американците !!!

http://off.net.mk/vesti/internet/tolku-od-internet-neutralnosta

Толку од интернет неутралноста

15 Јануари 2014 - 11:39

Американскиот апелационен суд ја префрли слободата на интернетот во рацете на неколку супер моќни и супер лакоми компании. Провајдерите ќе можат да ги гузат корисниците како ќе им се ќефне.

Судот реши дека Федералната комисија за комуникации веќе нема надлежности да обезбедува рамноправен пристап кон интернетот и дека тоа прашање е целосно во рацете на интернет провајдерите.

Тоа значи дека тие во иднина ќе можат слободно да лимитираат пристап до некои страници, некои да ги прават бавни, некои дополнително да ги наплаќаат, да блокираат пристап до конкурентски апликации и сè друго што можете да замислите во оваа насока.

Не се работи за стандарден американски би-политички проблем. Не се работи за Демократи и Републиканци туку за ефикасност на гола корпоративна лакомост, пишува Есквајер.

AT&Т, Веризон, Комкаст и неколку други огромни провајдери во иднина ќе имаат комплетна контрола врз платформата која досега се сметаше за слободна. Тие ќе решаваат кој каде ќе може да оди и по која цена.

Се нагаѓа дека сервисите како Нетфликс и Јутјуб ќе бидат наплаќани дополнително бидејќи се габаритни сервиси на кои провајдерите одамна се жалат дека им ја гушат инфраструктурата.

повеќе

 

[^^GoRiLLaZ^^]

^ Не, овие се болни... не се здрави.