Благодарност

[Ankica]

Вчера беше ден на благодарноста , па ми се роди идеа да ставам ваква тема ако ја имало слободно избришете ја или ако не и е тука место ставите ја во општи муабети.
Одела една мајка на пазар со своето дете ,го држела за рака и брзала но детето се загледало во купот со помаранџи и не се мрднало . Човекот го приметил тоа зел една помаранџа и му ја дал на детето.О немојте така се побунила мајката, нема смисла или кажете колку кошта да ви платам , не одговорил продавачот јас сакам да му ја подарам на детето. Тогаш мајката му рекла на детето ,што треба да му кажеш на чичкото ?-- Детето молчело ,ама кажи ,продолжила мајката но детето пак молчело. Мајката веќе изгубила трпение и по трет пат малку пооштро му рекла па кажи веќе еднаш.Чичко, ќе ми ја излупиш ли ? Ова ме натера да размислам дали веќе е изгубено чувството на благодарност,дали е толку тешко да се каже благодарам.По мене благодарноста е храна на душата ,ме интересира што мислите вие за тоа.

 

[ada]

Тоа чувство не е загубено. Не може да биде загубено, затоа што е нераскинлив дел од она што не прави луѓе, што не прави човечни.

Но, како и сите благородни нешта, тешко е да се искаже. Нашата суетност, нашата опседнатост самите со себе, нашата огорченост од животот...Се тоа, не прави крути, ладни како камен, и неспособни за искажување на толку потребното чувство на благодарност.

А, има толку луѓе и толку нешта за кои треба да бидеме благодарни.
Се во нашиот живот е подарок. И добрите, и не толку добрите нешта, и ужасните нешта...се е тоа скапоцено искуство и начин на животот да ти рече, жив си, радувај се и биди благодарен за секој здив, секоја насмевка, секоја солза.

 

[GorGeOuS]

Se soglasuvam deka cuvstvoto ne e izgubeno no rabotata e vo toa deka vo denesno vreme e ogromen brojot na neblagodarnite luge..Sepak jas toa ne bi mozela ni vo najmala raka d go sporedam so navedeniot slucaj zatoa sto sepak tuka stanuva zbor samo za edno malo dete koe seuste verojatno ne go ni razbira znacenjeto na toj zbor..No zatoa pak tuka ja gledame svesnosta kaj majkata deka treba da se zablagodari, sto znaci deka toa cuvstvo kaj nea ne e izgubeno, tuku naprotiv taa ke se pogrizi da go prenese toa i na deteto, ako ne uspeala vo ovoj slucaj togas vo nekoj nareden..

 

[Ankica]

правиш ручек покануваш гости се трудиш се да биде убаво , доаѓаат гостите се најадуваат убаво и си одат без да кажат благодарам .Во почетокот тоа многу тешко ми паѓаше не можев да сватам зарем е ова возможно . Полека почнав да сваќам дека грешката е во мене затоа што очекувам благодарам . Ми требаше доста време да успеам да го победам тоа и да правам работи затоа што сакам, без очекување на благодарност. Сега можам со сигурност да кажам дека воопшто не ми е битно дали некој ќе ми каже благодарам . Инаку по природа сум личност која ја цени и најмала добрина се заблагодарува и за најмал повод.Темава ја отворив баш заради тие личности што не сакаат или не можат да кажат благодарам ,би сакала да ми се јават токму такви личности, за да можам да ја сватам причината за тоа ,бидејќи јас не можам да го разберам тоа.

 

[wot]

Ankica, no hard feelings sister, но мислам тоа тебе ти е како комплекс.
Да не навлегувам во детали..

Јас секад се заблагодарувам, како и што спомна погоре, за секоја најмала добрина/ситница.
А дали ке ми речат благодарам, баш и не обраќам многу внимание.
Сепак тоа се манири на една индивидуа и дали ке ги изразат или не зависи од нивната општа култура.

 

[Raziel]

Што носи зборот како таков освен една мала,полуништожна светлина во срцето на човекот кој сака да го слушне?
Онаа,вокална благодарност,јас повеќе ја сведувам на степен на добро воспитување,манири и бон-тон...ама далеку од тоа дека ако некој не ми се заблагодари за свареното полуводенесто кафе,автоматски сметам дека вистински не го исперцепирал позитивниот гест.

За да не биде обична хипокризија,или навика да се вика фала,јас единствено благодарноста преку дела ја сметам за веродостојна.Ја давам,но и ја очекувам.Несебично и себично.Бидејќи дадената помош на која не било возвратено,а се имало можност,автоматски укажува дека таа личност или не го ценела вашиот гест или ве искористила за одредена добивка.

За човек да не се претвори во експлоатирано муле,мора да создаде баланс на примање и давање вистинска благодарност,настрана од поклонувањето и бакнувањето рака.