dragonsky
Hate leads to suffering
- Член од
- 25 декември 2010
- Мислења
- 42.906
- Поени од реакции
- 84.307
Barry е серија на HBO креирана од страна на Алек Берг и Бил Хејдер.
Серијата почна со прикажување пред 7 недели и во моментов на отварање на темава не делат само неколку дена до финалето на првата сезона.
Во кратки црти, Бери е серија за платен убиец кој што за време на една навидум рутинска задача решава да си го преиспита животот и притоа помислува дека можеби актерството е неговата иднина.
Главна ѕвезда на серијата е Бил Хејдер. Тие што го знаат и сакат Бил Хејдер чекаа нешто вакво со години. Бил Хејдер е премногу талентиран лик кој што без никакви проблеми може да глуми и сериозни и комични ликови. Својата слава ја добива преку неговиот уддел во SNL, а пред пар години имаше и солидна улога во (играната) комедијата "Trainwreck".
Во Бери може да го видиме целосно неговиот талент и дефинтиивно ова е серијата која што ќе му ја донесе славата која што ја заслужува.
Е сега, да не се заебе некој, можеби Бил Хејдер е пресмешен комичар и можеби тој главна улога во серијата која што тој (и Алек Берг) ја креираш ама серијава не е комедија. Жанровски не може да се стави во еден жанр серијава бидејќи има навистина квалитетни и комични и драма елементи. За некого можеби серијава би потсетила на Декстер, бидејќи дефинитивно има таков вајб серијава.
Главниот женски специмен во серијава е Сара Голдберг. Ако се прашувате "Која е Сара Голдберг, прв пат ја слушам?" ќе ви одговорам "Таа е плавушата од последниот филм на Милчо Манчевски.". Ако после ова кажете "Го немам гледано филмот и неам чуено за актеркава" тогаш... па добро, нема од што друго да ја знаете Сара Голдберг најверојатно, ова би требало да бидат некои нејзини први чекори во посериозните води, и се надевам ќе и успее.
Ако за Сара не сум сигурен, тогаш дефинтиивно сум сигурен дека Хејдер после серијава ќе го фати вниманието на Холивуд и ќе почнете да го гледате почесто во филмови/серии.
Исто така да напоменам од до сега седумте излезени епизоди само троја се јавуваат како режисери на епизодите. Алек Берг, Бил Хејдер (кој што богами го бива и за тоа) како и Хиро Мураи. Хиро Мураи е човек кој што е познат по неговата работа на серијата Атланта и Legion, а најново нешто што има режирано е спотот за песната "This is America"
Една епиода трае 30 минути.