Институт за јавно здравје: Нема листерија во производите на Екстра Меин
Јавната здравствена установа – Институт за јавно здравје на Република Македонија до месната индустрија од Куманово ”Екстра Меин” достави дел од извештаите од тестирањата на земените мостри и брисови од вонредниот увид во фабриката, и потврди дека се негативни на бактеријата листерија.
До попладневните часови сите објавени анализи од Институтот се негативни на присуство на листерија моноцитогенес што значи дека производствениот погон на Екстра Меин не е контаминиран со бактеријата листерија.
Од Екстра Меин изјавуваат дека сите нивни производи, вклучително и сечканиот свински врат, се термички третирани, на температура од 73 до 79 Целзиусови степени, што значи загарантирано се уништува бактеријата листерија. Она што не е во нивниот домен и врз кое компанијата нема контрола е начинот на понатамошно чување на производите во малопродажбата откако ќе ја напуштат компанијата и нејзините капацитети.
Агенцијата за храна и ветеринарство на 25 јули, а за потребите на анализата, зеде брисови и мостри од сите машини, од машини во тек на производство, од амбалажата, како и од полуготовите производи.
Резултатите од останатиот дел од започнатата анализа до компанијата се очекува да биде доставен во текот на утрешниот ден. Исто така, за утре се очекуваат и резултатите од суперанализата на спорниот производ – вакумиран чаден сечкан свински врат, најден во малопродажен објект во Гевгелија, јавува Нетпрес.
ако знае некој?
, незнам...
, некој некому праи Фуцк ин Браин ... а имаше дека во Србија излегоа со барања за враќање на Афлатоксинот на дозв.вредности х10 од ЕУ норми, поради Поплавите и влажното лето!!
