Ако некој ја прелиста темава, мислам дека на првите страни поставив едно прашање: дали е вистина дека ќе се делат 65.000 компјутери по основните (значи, нови компјутери), а за студентите ќе нема ваучер.
И јас сум студент и ги бранам правата на студентот. А правата на студентот, во поголем дел, ги опфати Крејзи Ин Лав во постот. Ова не е право, ова е привилегија. Нејсе, како таква, ајде уште еднаш да ја анализираме - на крај ќе ви кажам и зошто:
Рецесија. Уау. Терор. Страв и ужас. Лук и вода. Македонија нема економија, за да влезе во рецесија. Просто ко грав. Ние сме во рецесија цела самостојност. И ќе бидеме, уште некое време. Де-факто рецесија (ако се прашуваат економските дефиниции) или подобро да ја наречеме Финансиска Криза.
Во ред е да се забележи дека штом има пари за скулптури, треба да има и за ваучери за апсолвентите. Се согласувам дека доделувањето на ваучерите е одличен гест, и би било феноменално да продолжи. Најдобро би било да е само првиот од многуте подобрувања кои во иднина ќе се случат, а ќе се во насока на одбрана на студентските интереси и подобрување на квалитетот на студентскиот живот, односно олеснување на процесот на студии во сферата на помагалата и финансиските обременувања (поефтина партиципација, попристапни материјали итн итн).
По една слична логика, во ред би било да се забележи дека и Охрискиот театар би можел да протестира пред Владата т.е. Министерството за култура затоа што не им доделило пари за ниту една од седумте премиери со кои аплицирале (ова е само пример, измислен). Во ред е да протестира, затоа што ако има пари за скулптури, треба да има и за претстави.
Понатаму (уште еден симулиран пример) професионалните војници би требало да протестираат бидејќи ќе ги пратат во пензија на 38 години без решен статус и половина живот ќе треба да го минат на улица. Кај има пари за скулптури, мора да се најдат и за војската.
Повторно симулација: млекарите од Нордмилк треба да протестираат затоа што владата не им помогнала да се справат со економската криза, неоткупувањето на млекото. Зошто? Затоа што има пари за скулптури, мора да има и за земјоделците!
Доволно е, мислам дека ме сфативте што сакам да кажам досега. Сите овие примери, измислени - бидејќи не располагам со точна фактографија, лесно би можеле да се аплицираат во нашево општество. И за сите, во случајот имаме едно врзно ткиво, еден НЗС - скулптурите, фамозни и оговарани со што (бар на добар дел од нив, по мое скромно мислење) им се подига рејтингот повеќе него што заслужуваат. Ама тоа е мое скромно лично мислење.
Факт е дека би било супер сите проблеми да ги решиме - ама толку пари се нема. Е кога ќе се нема, и секој ќе го гледа првично својот задник, први на удар ќе ги земеме скулптурите и спомениците. Зошто? Затоа што без нив се живее, ама без „нашиот проблем, дефицитет“ никако. Тоа го докажува нивото на општеството во кое живееме, не сфаќајќи дека иако не може сите проблеми да се решат со магично стапче, може да се почне колку се може, дел по дел; иако има милион места каде може да се потрошат неколку милиони евра, тоа не значи дека дел од тие пари не треба да завршат во културата (скулптури, театри, претстави, премиери, чуда). Не смее една гранка да заостанува премногу за сметка на друга. Особено културата, која ни фали.
Затоа го поставив почетното прашање за компјутерите за основците: ако е точно дека на 100.000 набавени компјутери во проект за кој се покажа дека е преизбрзан - и - неуспешен во посакуваните рамки - од неколку аспекти, се одвоиле пари за уште 65.000 - го имате сето право на светот да се буните, бидејќи станува збор за планирани средства од еден ист ресор. Кецот во ракавот ќе ви биде успешноста на првиот дел од проектот, како и потребата постарите (апсолвентски) генерации да употребуваат компјутери за лична и професионална надоградба и прилагодување кон новото време.
Ама ако тоа не е вистина и се направиле нови пресметки според кои во буџетот за оваа година не може да се одвојат пари за ваучери бидејќи во време на штедња има и други, да речеме еднакво важни работи и токму ваучерите биле закачени од ивицата на критериумот за подомаќински планирани пари, нема лутиш.
Не заборавајте и на другите фактори (математички) во смисол на држење на глобалното задоволство кај народот односно една не мала гласачка група. Јас се обложувам дека Владата би сакала на сите да ви подели ваучери. На сите пензионери 15-та пензија да им даде (и да не редам пак...). Ама некогаш, нема. И не треба за тоа да се чукаме со главата во ѕид.
Се впуштам во дискусија, не од инает и зајадливост, туку за да ви воочам дека некои работи во одреден момент се такви какви што се, а Вие (Ние) треба да ги осознаете правата, да ги препознаете потребите и да ги формулирате барањата, што пореално се може.
Не сакам мојата генерација да се истренира на начин кој ќе ја тера да исправува „социјални неправди“ кога ќе ги нема. За доброто на Македонија.
Со Господ напред,
и да ви успее иницијативата.
Ама после тоа, седнете и размислете - што јадел бурек Серпико, Гарфилд, Петко, Трајко... Не велам дека сум во право, туку само нудам еден поинаков аспект на гледање на работите од како шо би рекол другар ми со Идиот во никот, „целата апсолвентска фела“. Не од инает, туку од желба да се подобриме како личности и да имаме поздрав пристап утре, кога ќе ја земеме државата во наши раце.
