Анорексија и булимија

[Acid]

Иако станува збор за две различни нарушувања, опседнатоста со телесната тежина и изгледот е заедничка. Лицата заболени од нив се всушност перфекционисти, често интелектуалци со високи критериуми и мотивација за успех.

Обично "најпаметните" и "најпопуларните" девојки имаат потреба да бидат "совршено" слаби, сакајќи да го зачуваат својот рејтинг и да ги оправдаат комплиментите кои ги добиваат од околината. Во желбата да им угодат на другите, најчесто ги губат "своето јас".
Кога им се чини дека се далеку од својот идеал, чувствуваат голема вина која резултира со самоказнување.
Казната се состои од прегладување кај анорексичните, и од прејадување со повраќање кај булимичните. Основната разлика е во начинот на постигнувањето на целта. Анорексичните ја одржуваат телесната тежина со скоро целосно одрекување од храна, а целта на булимичните лица е да јадат колку што сакаат, но притоа да останат слаби. Разликата е и во старосната граница-анорексијата започнува во периодот на адолесценција, а булимијата се јавува подоцна.
Последиците се исти - дехидрација, хормонална нерамнотежа, губење на важните минерали во организмот, оштетување на виталните органи и не ретко и смрт.
Преовладува чувство на внатрешна празнина, несигурност и беспомошност, безволност, незаинтересираност, отсуство на животна радост и позитивна енергија.

Најчесто овие лица лажат дека јаделе или колку јаделе, дека земале или не земале лекови.

 

[The`bItCh]

Анорексија - болест на духот и на телото

Посебно е важно да не се предизвика посериозно ментално растројство-примарна депресија или шизофренија

Изгледот на младата девојка секогаш бил многу важен од психолошки аспект. Убавиот физички изглед носи самозадоволство, сигурност во себе, поголемо вреднување од околината, овозможува полесна општествена комуникација. Модните трендови лансираат тенко, вито тело на кое сите облеки стојат убаво. Не е чудно зошто девојките во развој се стремат да изгледаат токму како моделите од списанијата или од филмовите. Меѓутоа, се би било добро ако вниманието што се посветува на изгледот остане во тие, да речеме - нормални граници. За жал, телесниот изглед може да премине во опсесија и да доведе до психолошко растројство - анорексија.

Менталната анорексија е синдром што се карактеризира со екстремно губење на телесна тежина, аменореја, нарушување на телесната шема, интензивен страв да се стане дебел, во отсуство на какви било медицински, органски причини за слабеењето. Иако најверојатно има невробиолошка база, анорексијата моментално спаѓа во групата психогени болести. Се смета дека една до две на 100 девојки се подложни на ова растројство. Најстрашното е што 8 до 10 отсто од болните девојки умираат од компликации сврзани за болеста, а дури два отсто од нив се самоубиваат. Значи, анорексијата не е болест на "модата", туку сериозна состојба на духот и на телото.

Во минатото болеста била типична за девојки на возраст од 18 до 22 години, т.е. период на адолесценција и млада адултна возраст. Многу типично за нашиов регион е појавата на анорексијата на се помала возраст - најголем број наши пациентки се деца од 11 до 13 години. Најмалата пациентка со ментална анорексија на Клиниката за педијатрија оди во прво одделение.

За анорексијата е најтипично губењето на телесната тежина најмалку од 15 отсто, што девојчето го постигнува со нејадење, провоцирано повраќање, интензивни физички вежбања или, пак, со земање на лаксативни средства. Иако изгледа како костур покриен со кожа, девојчето си замислува дека е дебело, што значи - има извртена слика за сопственото тело. Како последица се јавува секундарна аменореја (престанок на менструалните циклуси), неможност за добра терморегулација. Таа се манифестира со ладни екстремитети и чувство на студ и во овие врели летни денови, забавен срцев ритам - брадикардија, како и со нарушувања во водено-електролитната рамнотежа, ацидобазната состојба и други метаболни растројства што, во зависност од степенот на болеста и од тоа дали девојчето повраќа, провоцира проливи. Анорексичното девојче без исклучок е интелигентно, одличен ученик, но никогаш не признава дека е истоштена или уморна. Напротив, вели дека има силна енергија за физичка активност, додека детаљниот преглед обично открива депресивна состојба. Многу е важно да не се предизвика посериозно ментално растројство што почнало како анорексија, на пример, примарна депресија или шизофренија. Поради тоа, водењето на девојките со анорексија бара тимски приод.

Се почнува со медицинска евалуација на состојбата, што ќе ни помогне да се исклучи органско заболување, нутритивна проценка што ќе даде увид во навиките на исхраната и на крајот психолошка проценка. Последната е комплексна, но дава увид во карактеристиките на личноста, интелектуалното и емотивното ниво, како и во можните психопатолошки особености. Притоа е неопходна проценка и на семејството, особено на мајката, која се смета клучна личност во детскиот развиток.

Зависно од сите добиени показатели се почнува со третман. Кај полесните случаи не е неопходно болничко лекување, туку пациентите се водат во дневен престој и се во постојана консултација со терапевтот. Важно е овозможување договор за неопходната исхрана како по квантитет така и по квалитет. За жал, многу често девојките во болница ги примаме во извонредно тешка здравствена состојба, кога е неопходна венска исхрана, мониторирање на сите биохемиски параметри, додавање на трансфузии на крв и на плазма.

Лекувањето е долго, трае со месеци, па дури и години. Затоа е многу битна соработката со родителите и блиските на девојчето.

Специфичност во нашето лекување на анорексиите е примената на неур офидбек и мултимодален биофидбек, кои претставуваат компјутерски поддржани методи за оперантно условување.

И при најмал сомнеж дека девојчето упаднало во анорексична состојба родителите се должни навремено да побараат стручна помош зашто раната дијагноза и лекување, како и кај сите други болести, ветува подобри резултати.

 

[The`bItCh]

Цинкот - клучен при анорексија, булимија и здебеленост

Под анорексија подразбираме долготрајно одбивање храна. Причини за ова нарушување во исхраната може да бидат физички, ментални и емоционални фактори. Анорексијата се јавува главно кај жените, но најчесто кај тинејџерките, кои за да се ослободат од (по нивна процена) прекумерната телесна тежина, почнуваат на своја рака да применуваат некакви диети (најчесто гладување) и не знаат како да престанат.

За булимијата, т.н. "волчја глад", се карактеристични периоди на интензивно прејадување, проследено со повраќање.

Не подлегнуваjте на наметната "идеална убавина"

Наметнатиот модел за телесна тежина, кој нема никаква врска со човековата физиологија, средствата за јавно информирање, како и резултатите од изборот на убваица на земјата, придонесуваат младите девојки да создадат искривена слика за "идеалната" телесна убавина. Тоа доведува до една парадоксална ситуација кога младите девојки се срамат од природните секундарни особености на здравото женско тело. Повеќето девојки од тинејџерска возраст сметаат дека облините, кои се природна особеност на секое здраво женско тело, се непотребни бидејќи не соодветствуваат со модниот тренд на т.н. "идеална тежина" и манекенски изглед. Девојките треба да знаат дека "слабоста" на манекенките е нивна професионална обврска и нема врска со т.н. "идеална тежина", која впрочем и не постои. Ако девојките сакаат да бидат истовремено и убави и здрави, тие треба да имаат исклучиво "оптимална телесна тежина", односно тежина во рамките на тежината и обликот на коскениот систем. Се разбира дека освен природните облини, тие не треба да имаат дополнително мрсно ткиво. Тоа ќе го постигнат само ако правилно се хранат, а не да гладуваат, по што кожата ќе им стане како "футрола" за коските.

Нужност од предмет исхрана во училиштата

Поради неправилна исхрана и недоволната информираност за начинот на внесување храна, може да дојде и до трето нарушување - непотребно создавање токсичен отпад во организмот, односно дебелина. Информациите како треба да се хранат тинејџерките за да бидат убави, витки и истовремено здрави, би требало да ги добиваат во рамките на образовниот систем. За жал, поради непостоење предмет исхрана во училиштата, младите ги добиваат информациите буквално - на улица.

Научните истражувања покажале дека до анорексија, булимија па и до здебеленост доаѓа главно поради недостиг од минералот цинк во организмот. Тој недостиг е последица од неправилна исхрана, било да е таа еднолична или прекумерна. Научните студии укажуваат дека сите што страдаат од овие нарушувања со исхраната, а не се во состојба да го надоместат недостигот од цинк преку исхраната и додатоците, имаат малку шанси да ги надминат овие состојби.

Цинкот во телото на жената е "складиран" во мускулното ткиво. Затоа не е изненадување што како симптом на анорексијата се јавува оштетување на мускулното ткиво, бидејќи ако цинкот не го внесуваме преку храна, организмот ги троши залихите на цинкот од сопственото мускулно ткиво за да го дополни кусокот. Кога на пример ќе се потрошат залихите на цинкот во срцевиот мускул може да дојде до нарушувања како што се: брадикардија (забавен пулс), тахикардија (забрзан пулс) или аритмија (нерамномерен пулс). Ако тие

луѓе нагло ја зголемат телесната тежина, тоа може дополнително да го оптовари ослабеното срце. Недостигот од цинк предизвикува и губиток на чувството за вкус.

Како една од причините за анорексија е и продолжениот (хроничен) стрес, кој може да го забрза губитокот на цинк во организмот.

Поради недоволна и неправилна исхрана се појавува недостиг и од други минерали, како што се калиумот и јодот, кои се неопходни за оптимална функција на тироидната жлезда. Избегнувајќи ја редовноста во исхраната со "прескокнувања" на оброците и со драстично гладување не се намалува телесната тежина туку се нарушува здравјето. Како симптоми на анорексијата освен губитокот на мускулната маса кај девојките доаѓа и до губиток на менструацијата. Со булимија (принудно прекумерно јадење) се предизвикува повраќање на храната и дехидрирање на организмот, со што исто така слабее срцето и се нарушува здравствената состојба. Со континуирано прекумерно внесување енергетска храна во организмот доаѓа до дебелеење, а непотребното масно ткиво исто така го слабее срцето.

Внесување на цинкот преку храната може да биде недоволно во овие случаи така што е неопходно да се внесува цинкот и како додаток на исхраната во вид на таблети, капсули или во течна состојба. Земањето на цинкот треба секогаш да биде под контрола на лекарите или нутриционистите за да не се предозира. Додатоците со цинк се само дел од програмата за надминување на анорексијата и булимијата. Со цинкот, како и со другите неопходни минерали, организмот најдобро ќе се снабди со редовно консумирање морски плодови, морски риби (харинга), морски ракчиња, телешки џигер, мисиркино и пилешко месо и семки од тиква. Цинкот се наоѓа и во интегралните жита, кои се консумираат во вид снегулки или интегрален леб. Минералната нерамнотежа во организмот најдобро ќе се надмине со редовно земање синозелени слатководни микроалги (АФА, спирулина и хлорела).

Младите треба да се едуцираат дека со физички активности и разни вежби може ефектно да го обликуваат своето тело. Ако го сфатат тоа, храната внесена на правилен начин во текот на денот, а не ноќе ќе ја прифатат како единствено гориво што ги овозможува сите физички и интелектуални активности.

Треба да ги научиме младите да се хранат правилно, а не да консумираат исклучиво т.н. "брза храна", која може да доведе до зголемена телесна тежина и до други здравствени проблеми.

Основно што треба младите да знаат е дека свежата храна, во која се наоѓа "искрата на животот" - ензимите, е основа на здравото живеење. Свежиот зеленчук и свежото овошје, особено со зелена боја, кое содржи хлорофил, е најчистиот извор на енергија на светот. Хлорофилот претставува трансформирана сончева енергија во хемиска и се создава во процесот на фотосинтеза за мошне кусо време.

Редовно и правилно внесување разновидна храна (пет пати дневно) во мали количества, во согласност сокрвните групи, а по принципот "ад либитум" (според потребите), е еден од предусловите за оптимален и здрав психофизички развој на младата генерација.

 

[Acid]

Бај д веј, анорексични девојки - бљак.

 

[The`bItCh]

Бај д веј, анорексични девојки - бљак.

Како падна коментаров, ко гром од ведро небо.:wink:

Него пазете ова..

Истражниот судија од Ливерлпул, изјавил дека тинејџерските магазини се поврзани за смртта на една 17 годишна девојка, која боледувала од болимија. Судијата нагласи дека за смртта на Мелиса Бут исто така се виновни и лаксативите кои се лесно достапност на пазарот. Мелиса Бут всушност починала од срцев удар до кој дошло поради компликаците настанати од болеста "болимија неуроза", која се карактеризира со конзумирање на екстремно големи количества храна и нејзино повраќање.
Судијата објасни дека тинејџерските магазини форсираат девојки, кои се премногу тенки, а тинејџерките со ниско ниво на самодоверба го прифаќаат тој имиџ и се обидуваат да изгледаат како девојките од сликите.
Судијата изјави дека модните и тинејџерските магазини треба сериозно да размислат околу ова прашање бидејќи досега предизвикале големи здравствени пробелми кај младите.


:pop:

 

[Toreador]

Булимија

Булимија е психолошка состојба, (болест?) кога после јадењето личноста е сколна на повраќање. Многу луѓе тоа го прават намерно за да си ја намалат тежината. Колку што знам, булимијата има огромен број на нус ефекти меѓу кои и почетни фази на анорексија, мал број на витамини, проблеми со здравјето итн итн. Дали сте практикувале вакво нешто? Да бидам искрен, јас тоа го правам ептен ретко. Само кога сум болен и едноставно не можам да го поднесам јадењето во мене, исто ко да влечам камења. Но, еднаш пробав, не сакам пак. Тешко и гадно искуство.

Колку далеку би отишле за да бидете физички убави?

Дали ја прифаќате булимијата?

 

[ragazza]

Kako prvo ne e Bulemija pocetok na anorexia nego se dva razlicni bolesti . Vo Bulemijata jadis , jadis si food addict zboram porcii i porcii celi torti sve vo eden obrok , jadat ko prasina posle odat na povkaranje .. Da ,psiholoska bolest e i se leci so pomos na psiholog , lekar i dieticar . Ovie luge se cesto ne srekni i si naogaat utehata vo jadenjeto ama da sme na cisto ne se zbora za nesto malce poveke jadenje nego JADAT ogromni kolecini hrana na obrok .

 

[Слушаш Ли]

ok tema!
a da ve prasam... dokolku boleduvas od bulimija dali togas organizmot ti bara hrana ili ne? i posle otkako ke jades ja povrakas ili...? ili pak voopsto ne te tera na jadenje?

 

[Toreador]

Бара. Јас лично знам луѓе што насилно повраќаат за да одржаат/имат линија. Понекогаш, како што потенцира Рагаца станува збор за ооогромни количества храна и после личноста ги повраќа. Верувај гадно е ти зборам од искуство.

 

[schtranga]

ok tema!
a da ve prasam... dokolku boleduvas od bulimija dali togas organizmot ti bara hrana ili ne? i posle otkako ke jades ja povrakas ili...? ili pak voopsto ne te tera na jadenje?

Licnosta koja boleduva od bulimija moze da povraka povremeno to est ednas mesecno ili mnogu cesto to est poveke pati na den . Kao sto pisa toreador organizmot bara hrana , obolenite nekoe vreme ne jadaat ili pijat tableti za gubenje na apetit koe pokasno doveduva do uste pogolemo prejaduvanje .

 

[The`bItCh]

Гените се пресудни за анорексијата

Научниците при Универзитетот од Северна Каролина, утврдиле дека 56 проценти на факторите за појавување на анорексија може да бидат напишани од гените.

Смртоносното пореметување во прехраната е честа појава кај младите луѓе, односно најмногу кај девојките кои не се задоволни од својот физички изглед.

Испитувањето е спроведено со помош на податоците кои се собирани во Шведска а се направени на 31.406 близнаци и близначки. Така е утврдена врската помеѓу депримираност и тегобите во детската доба со зголемување на ризикот од анорексија во подоцнежните години.

Личностите кои патат од анорексија имаат погрешно гледање кон своето тело, поради што се исхрануваат минимално. Податоците покажуваат дека луѓето кои патат од анорексија имаат 10 пати зголемен ризик за смртност.
​

​

 

[ThA-BiTcH]

Анорексијата е губиток на апетит.

1.губење на апетит
2.губење на тежина )со тешки општи пореметувања)
3.аменореа (изостанување на менструалниот циклус)

Булимијата е чувство на преумерен глад.

1.Булимијата е поопасна од анорексијата и колку побрзо се открие толку побрзо се лекува.
2.Може да доведе до тешки психички и физички пореметувања.
3.Кога варењето на храната е завршено и желудникот е празен се јавува чувство на нелагодност што ги свртува овие тегоби кон невротични појави.

Пошо гледам прашуваа која болест што е...

 

[TWEETY***]

Sosema sportivno od debelinata, postoi OPASNO gubenje na telesnata masa, se do ekstremno slabeenje koe go zagrozuva srceto, zdravjeto i zivotot.
Ziveeme vo sekojdnevniot kult na vitka linija.Vo seesetite godini, angliskata manekenka Tvigi, takanarecenata slaba ubavica, stana primer za nova moda i hit.
Prelistuvajki modni spinija i revii, reklami na televizija, vo pecatot, pri prodazba na avtomobili se pojavuvaat vitki devojki vo bikini.
Treba li da go zagrozime sopstvenoto zdravje samo poradi vitka linija?
ANOREKSIJATA e poznata veke okolu 300 godini pod imeto KLOROZA. Toa e bolest na gubenje na apetitot i zelbata za jadenje. Toa doveduva do golema slabost, iscrpenost i ostetuvanje na celiot organizam, a nekogas i do smrt.
Pretezno se javuva kaj naivni devojki pomegu 13-19 godini i mladi zeni
i toa 9:1 vo odnos na mazite.Karakterot e mnogu povazen od izgledot, no devojkite od nekoi svoi pricini go smetaat za presuden nadvoresniot izgled,IZGLEDOT NA SVOETO TELO.Bez ogled dali se sportisti, glumici, manekenki ili balerini, bi sakale da bidat vitki predvodeni od idejata koja sekojdnevno se nametnuva vo drustvo, deka samo vitkite, slabite i ubavite devojki uspevaat vo zivotnata trka kon uspehot, zanemaruvajki go faktot deka 50% od debelite licnosti se nekomu simpaticni i pozelni.
ANOREKSIJATA zapoznuva postepeno, koga deteto stanuva zrtva na gladuvanje so golema zelba za slaveenje.Postepeno vleguva vo depresija, strav , povrakanje, otsustvuva mesecniot ciklus.I koga site toa ke go zabelezat veke e docna.Takvata opsednatost so izgladnuvanje ako ne prestane go ostetuva srceto i zdravjeto i moze da bide smrtno. Odbivanjeto na hrana ne e samo prasanje na INAET, tuku e sozdaden otpor so sigurni posledici.Vo teloto strada i se poremetuva rabotata na site organi, se namaluva krvniot pritisok i telesnata temperatura.Na mestata na muskulite i mastite se nasobira voda i se javuvaat otoci na nozete i teloto.
Ne e ednostavno da se odgovori zosto nekoja devojka zapocnuva so izgladnuvanje? Mozebi e toa protest kon roditelite?
Mozebi samo STRAV od rastenje kako posledica na prigusena samostojnost vo semejstvoto.Gledajki se vo ogledalo,doaga do zaklucok deka e debela ili deka ima okruglo lice, zaklucuva deka treba da se otkaze od hranata so izgovor deka nema dobar vkus.
Potoa pocnuva da se ottuguva od prijatelite, se iscrpuva so fizicka aktivnost, stanuva hiperaktivna, tvrdi deka ne e gladna,a ako nekoj i ukaze na sprotivnoto se luti.Taka ako izgubi 10% od telesnata masa, licnosta se naoga vo kriza i
majkata mora da pokaze isklucitelno RAZBIRANJE. Ne smee da se osuduva, naprotiv treba da se razgovara so analiza na TOA ODNESUVANJE i odnesuvanjeto na ostanatite vo semejstvoto.
Devojcinjata skloni kon anoreksija obicno se poslusni kerki koi gi slusaat svoite roditeli, no koga samite treba da odlucuvaat ne znaat da reagiraat.Vo toj slucaj DIETATA e najednostavnoto resenie, koe treba da ja prikrie nesigurnosta. Vitkata linija i dava cuvstvo na sigurnost i sila, osobeno koga ke se vljubi vo nekoj decko na kogo nejziniot izgled mu e vazen, no i ako se razocara saka da bide sovrsena i nikoj da ne e podobar od nea.Sekoe poremetuvanje na ishranata kaj adolescentot so psihicki tegovi treba da predizvika vnimanie bidejki e samo eden cekor do ANOREKSIJA.
Vo anoreksijata ne pomagaat uveruvanjata i dokazuvanjata, zakanite i molbite, davanje na sporedbeni premeri ili kaznuvanje.poveke pomaga promenata na odnesuvanje na semejstvoto, pravovremeno da se zabelezat promenite vo ishranata i da se najde PSIHOLOSKA PODRSKA OD ISKUSEN lekar.
Vo organizaciite se praktikuva anoreksicnoto lice prvo FIZICKI da se lekuva so pomos na specijalen nadzor.PRISILNOTO lekuvanje ne e preporaclivo. Od 50 anoreksicni 70% uspevaat da se izlekuvat, 10% se lekuvaat bezuspesno a okolu 20% umiraat, taka sto ovaa bolest spaga vo zbirot na bolesti koi se so mnogu visoka smrtnost.
Nagloto hranenje na iscrpeniot anoreksicar moze da dovede do prestanok na rabotata na srceto i smrt.Anoreksicnite lica zaboravaat sto si pravat sebe si, na roditelite, lekarite i okolinata a sami ne go znaat odgovorot zosto toa go pravat.
Igrajki si so svojata telesna tezina, igarte i so svoeto zdravje.Celta na dobroto zdravje e da odrzuvate razumna telesna masa so zdrav nacin na zivot i pravilna ishrana.

 

[TWEETY***]

Анорексијата е генетски условена

Истражувач во една американската клиника вели дека еднодецениското истражување на анорексија нервоза почнува да дава резултати што покажуваат дека оние кои страдаат од болеста најверојатно имаат генетски предиспозиции за тоа.

Студијата "Генетиката на анорексија нервоза" се спроведува во осум градови во Северна Америка, меѓу кои и Тулса, и во два европски града, под спонзорство на Националните институти за здравје.

Истражувачот Крег Џонсон вели дека ако човек има член на семејството кои страда од анорексија, тој или таа е 12-пати повеќе изложен на ризик да заболи од болеста.

"Генетиката го полни пиштолот. Околината го притиска чкрапалото", вели Џонсон, кој е директор на Одделението за нарушувања во исхраната во Психијатриската болница "Лауреат" во Тулса и кој е еден од главните истражувачи вклучени во студијата.

Џонсон вели дека истражувачите посветиле големо внимание во минатите 40 години како културата што го промовира држењето диети предизвикува нарушувања во исхраната.

"Сега знаеме дека болестите се случуваат кога ќе настане совршена бура на случувања што вклучуваат генетска предиспозиција и култура што промовира слаба линија преку диети и вежбање", вели Џонсон.

Извор: Вест

 

[joki]

А препрепрејадување спаѓа во булимија?...(без повраќаници)