Може ли некој да ми каже кои видови риби се најповолни за чување во кугла?
Мене ми рекоа дека Бета Борецот, Неон Тетра Гупи се најдобрите врсти за чување во кугла.
Може да ми кажете која од овие врсти на риби е најдобра за во кугла, и кои други риби може да се чуваат во кугла. Поздрав!
Вака - според мене, чувањето риби во кугла е нехумано, затоа што на некој начин ја малтретираш рибата. Чуваат во кугла и караси, и неон тетри, и бета борци (за гупи не сум слушнал, ама зошто да не, би можел и нив да ги чуваш)... Јас кога почнував со акваристика пред десетина години пробав да чувам риби во кугла (сум чувал бета борци и караси), и ни една не ми издржа подолго од 4 -5 месеци. Бидејќи не постојат филтри, воздушни пумпи и греачи за кугла (или барем јас не знам дека постојат) мораш многу често (на секои 3 дена) да ја менуваш водата на рибата (особено ако чуваш караси, кои многу ја загадуваат водата). Со промената на водата ти ризикуваш да го загрозиш здравјето на рибата од две причини:
1. Доколку 100% ја менуваш водата, истата нема да биде исциклирана, т.е. во нејзе нема да ги има полезните бактерии кои се неопходни за правилен раст и развој на рибите.
2. Мораш рибата да ја прилагодуваш на температурата на новата вода при секоја промена на водата, инаку постои огромна веројатност дека истата ќе доживее температурен шок и ќе ти умре.
Затоа уште еднаш ќе ти напоменам - според мене - риби во кугла НЕ СЕ ЧУВААТ: ем е потешко, ем ги малтретираш рибите.
Ако сепак не ме послушаш и се решиш да чуваш риба во кугла, мој совет е:
1. Да чуваш бета борец, а не карас или било што друго, затоа што бета борците помалку загадуваат од карасите.
2. Бидејќи немаш воздушна пумпа и филтер, менувај ја водата што почесто (ако можеш - на секои два до три дена)
3. Не би ти препорачал да правиш 100% промени на водата, направи промена од максимум 70%. Или доколку сакаш да ја измиеш добро куглата, сочувај во посебен сад барем 30% од старата вода, и врати ја назад во куглата по чистењето на истата. ЗНАЧИ - ПРОМЕНА ОД МАКСИМУМ 70% ВОДА. На тој начин се задржуваат полезните бактерии во водата (колку-толку).
4. Вода од чешма - НИКАКО! Водата мора да е отстојана минимум 24 часа пред да ја употребуваш за чување риби.
5. Користи кондиционер - SERA за водата, со плаво капаче - го разградува калциумот во водата кој во скопската вода го има во изобилство, и ја омекнува водата, со што ја прави попогодна за живот на рибите. Една капка за два литри вода е сосема доволно!
6. Пред да ја ставиш рибата во водата при промена на водата, мораш да ја прилагодиш: стави ја рибата во кесичка со дел од старата вода и заедно со кесичката стави ја на површината на новата вода која си ја ставил во куглата, и остави ја така минимум половина час, додека не се изедначат постепено температурите на водата во куглата и водата во кесичката. Потоа исечи го врвот на кесичката и рибата полека пушти ја во новата вода во куглата.
7. При миење на куглата во никој случај не употребувај никакви детергенти, сапуни, хемикалии или оцет (за вадење на бигорот). Сето тоа може да биде кобно за рибата.
8. Не ставај во куглата бели камчиња, варовник, школки или било што друго што содржи калциум, зошто истиот се раствора во водата и е штетен за рибата. Доволни се како украс вештачки камчиња и некое пластично растение. Друго не ти треба.
Шала на страна - сосем им е доволно 27 до 30 литри вода, со тоа што ќе мораш да менуваш поголем дел од водата колку што можеш почесто. Прочитај го убаво мојот претходен пост, се е напишано таму.