Владиката Петар посилен од звучниците на џамиите и од сите домашни изроди
Овие денови Владиката Петар јасно, гласно и сосем Македонски се спротистави на "поплаките" за литургиите во недела што одат преку звучници во центарот на Битола.
Тој врати со реторика - А дали ви сметаат звучниците од џамијата? Кога тие ќе престанат и ние ќе престанеме. Не заборавајте дека изминативе години Владиката Петар беше критикуван и од ИЗ како наводно гради многу цркви во неговата Епархија и се бунеа за градба на нова црква во Битола. Тогаш тој им одговори дека џамиите нивни се градени врз цркви и ќе треба да се срушат па да одат на друго место да градат.
Колку од Вас знаат дека Владиката Петар е пред се голем Македонец?
На времето во Југославија, многумина од МПЦ се чуствуваа како Југословени. Само Петар се изјаснуваше како Македонец и имаше големи проблеми. УДБА нареди на тогашниот Поглавар, мислам беше Гаврил (корегирајте ме ако сум погрешил) ... да го разреши Петар од функцијата Владика. Поглаварот од голем притисок и под дејство на таблети, сам ја испечати оваа "одлука". Но тоа не беше валидно поради фактот што таква одлука ја донесуваат на собир сите Владици со Поглаварот. После тоа се смирија страстите и одлуката немаше никава важност.
Но оваа сага, како и Нишкиот договор е оружје на домашните Јуди, како и приватните црквени компаниски лидери во Австралија, да го девалвираат Владиката Петар. За Нишкиот договор мора да спомнеме дека ова беше работен договор со записник, на кој се забележуваше секој предлог, идеја и слободна мисла како да се надмине проблемот со СПЦ поради големите ораторски способни на тогашниот Српски Поглавар Павле, кој од црното правеше бело и на крај ќе ги "убедеше" сите дека тој не рекол ништо а сите други го рекле тоа и направиле. Петар секогаш на Павле и на СПЦ им велел во очи дека МПЦ е мајка на СПЦ и има големи докази кои ги чува на сигурно место.
Мисијата на Петар е голема и како посредник помеѓу народот и Господ. Знае да биде милостив, но и цврст и непоколеблив со изродите кои се против МПЦ и Македонскиот народ. Не им попушта ни милиметар на самобендисаните Директори во Македонските храмови во Австралија. Иако пробува пет пати да ја регистрира МПЦ во Парламентот и Владата на Австралија, домашните Јуди заедно со Панмакедоники ја спречуваат оваа историска можност со оправдување дека МПЦ е странска институција од непостоечка нација и народ. А истите се внатре како компаниски приватни Директори кои заработуваат плати и продаваат црковни земјишта и објекти баш преку МПЦ, притоа не давајќи ни еден долар разрез поради користење на името МПЦ. Инаку Петар изгради 6 нови цркви и 3 манастири со вредност од преку 200 милиони долари, додека другата страна продаде црквени земјиста во Бризбен и Мелбурн, старечки дом во Рути Хил, градинка и 6 станови од Св Петка Рокдаил... во вредност од преку 30 милиони долари.
Сега вие бидете судии кој е Владиката Петар и дали е во право. Ова со звучниците е како играчка во однос на другите предизвици. Да живее МПЦ-ОА, Македонија и нашиот Владика Петар и се разбира сите Македонци низ целиот свет каде и да се. А ние ќе се молиме и за другите, господ да им даде памет и да им ги прости гревовите и погрешните мисли и дела
