Чајот е поздрав од водата
Консумирањето три или повеќе шолји чај дневно има ист позитивен ефект врз здравјето на луѓето како и пиењето неколку литри вода, покажале резултатите од истражувањето на британските нутриционисти.
Резултатите од истражувањето, објавени во Европскиот журнал за клинички нутриционизам ги демантираат тврдењата дека чајот го дехидрира организмот.
Чајот не само што рехидрира, како што тоа го прави водата, туку и го штити организмот од болести на срцето и крвните садови, па дури и од некои видови рак.
Експертите веруваат дека причина за тие позитивни ефекти се флавоноидите, полифенолските антиоксиданси кои ги има во растенијата, па и во листовите на чајот, а за кои е докажано дека ги штитат клетките од оштетување. Дополнителни позитивни ефекти на чајот кој содржи и флуор се заштитата на забите од кариес и јакнењето на коските.
Британските истражувачи утврдиле дека чајот може да ја намали способноста на организмот да го апсорбира железото од храната, па им препорачуваат на луѓето кои имаат анемија да него консумираат додека го јадат оброкот.
....се имам неколку пати напиено,дур го испив...е сега ме потсети ќе одам да си купам зелен чај,ко е здрав мора да се пие.
А заборавив да кажам и кинезите баш кои најповеке го консумираат овај пијалок се едни од најздравите луѓе на светот
