5X Филмски предизвик

[Zlatikevichius]

Драги филмаџии,

Уште еднаш среќна ви Нова 2016-та! Јас како Дедо Мраз, ветив, и еве си исполнувам уште едно изненадување во Филм и ТВ подфорумот.

Идејата се роди од филмските 5Xn предизвици кои си ги задаваат сами членовите на letterboxd, креирајќи листи со по пет филмови од неколку теми кои ќе треба да ги изгледаат во 2016-та. Една таква листа имаше направено и нашиот член @MyloXyloto , ако не се лажам. Е па нашиот предизвик ќе функционира на истиот начин:

-60 филмови во 2016
-по 5 секој месец
-според некоја определена тема.​

Доколку го прифаќате предизвикот, ние (јас и модераторите на подфорум Филм и ТВ: @wot и @џимеј ) ви гарантираме искуство какво што не сте доживеале пред екранот, зашто сами не би ви текнало да пуштиле дел од овие филмови. Исто така, доколку одвоите време да изгледате уште 5 филма кои ќе ви ги предложиме, секој месец, ќе го зголемите бројот на избројани филмови во Moviespotting, а со тоа и полесно ќе ја остварите вашата цел. Сметаме дека бројката не е воопшто голема, а на крајот на годинава која само што пристигна, ќе бидете задоволни што сте го прифатиле овој предизвик.

Да не должам јас многу, да не изгледа сѐ како мотивациски говор со кој ќе ве придобијам да гледате тоа што ние сакаме да гледате, само накратко за правилата. Едноставно:

Секој месец задаваме некоја тема според која ви предложуваме 5 филмови кои треба сите да ги гледаме, а потоа и да коментираме за нив. Слободно можете да давате предлози на која тема да играме следниот месец. Секој кој сака може да учествува, а на крајот од 2016-та, ќе сумираме кои се луѓето што успеале да го финишираат нашиот предизвик. Почнуваме веднаш:
-----------------------------------------------------
ЈАНУАРИ 2016 - 5X Sundance

Се одлучивме за оваа тема, затоа што Sundance е филмскиот фестивал кој токму во месец јануари се одржува традиционално секоја година почнувајќи од 1978 во Солт Лејк Сити, Јута, САД. Го организира Sundance Institute, компанија основана од Роберт Ретфорд, и претставува најголемиот фестивал на независен (инди) филм во САД. Значаен е затоа што огромен дел од режисерските и актерските имиња кои се денес популарни, својот прв чекор го направиле токму на Sundance: Роберт Родригез, Квентин Тарантино, Дејвид О. Расел, Пол Томас Андерсон, Стивен Содеберг, Дарен Аронофски, Џим Џармуш и многу други се само дел од режисерите.

Sundance е исто така виновен што некои „малечки“ независни филмчиња станаа огромни хитови потоа. Дел од нив: Saw, Super Troopers, The Blair Witch Project, Reservoir Dogs, In the Bedroom, Little Miss Sunshine, Donnie Darko, Clerks, Sex, Lies, and Videotape, (500) Days of Summer, Whiplash, Winter's Bone, Me, Earl and the Dying Girl и многу други. Во 2010-та година, дури 9 филмови од Sundance освоиле вкупно 15 номинации за Оскар!

Фестивалот доделува награди поделени во неколку категории:
-награди од жирито за игран филм
-награди од жирито за документарен филм
-награди од жирито за странски филм
-награди од публиката за игран филм
-награди од публиката за документарен филм
-награди од публиката за странски филм

Најзначајна е Grand Jury Prize - Dramatic наградата, која во последните години ја имаат освоено:
-2015 - Me, Earl and the Dying Girl
-2014 - Whiplash (подоцна номиниран и за Оскар)
-2013 - Fruitvale Station
-2012 - Beasts of the Southern Wild (подоцна номиниран и за Оскар)
-2011 - Like Crazy
-2010 - Winter's Bone (подоцна номинира и за Оскар)
-2009 - Precious (подоцна номиниран и за Оскар)...

А ова се петте филма кои треба да ги гледате во јануари:

1. Poison - првиот филм на Тод Хејнс, освојувач на Grand Jury Prize во 1991
2. Welcome to the Dollhouse - освојувач на Grand Jury Prize во 1995
3. You Can Count on Me - освојувач на Grand Jury Prize во 2000
4. The Believer - освојувач на Grand Jury Prize во 2001, филмот кој на некој начин го лансираше Рајан Гослинг во Холивуд
5. Me and You and Everyone We Know - освојувач на Special Jury Prize во 2005

Зошто баш овие филмови? Сите се освојувачи на Grand или Special Jury Prize, а според letterboxd малкумина од нас, Кајганџиите ги имаат гледано.

Ова е листа на letterboxd на која ќе може да го следите предизвикот и ако се приклучите подоцна да фатите чекор со останатите: http://letterboxd.com/zlatikevichius/list/5x-film-challenge-kajgana/

За ептен големите филмски сладокусци за кои 5 филма месечно се малце, направив и EXTENDED CHALLENGE со по 10 филма секој месец. Листата може да ја најдете овде: http://letterboxd.com/zlatikevichius/list/10x-extended-film-challenge-kajgana/

И плус, доколку има такви на кои и 10 им се малце, па сакаат да ѕирнат и нешто плус, еве за јануари листа со најдобрите остварувања од Sundance воопшто: http://letterboxd.com/rbkn/list/best-of-sundance-1985-2014/

Ракавицата е фрлена!

 

[Tegla]

Јас нема да учествувам во предизвикот но ќе ја користам темава од време на време како инспирација што следно да гледам.

 

[Zlatikevichius]

Јас нема да учествувам во предизвикот

Бууууууууу...

 

[Goodfella]

Торенти за првиот и третиот филм ?

 

[Zlatikevichius]

Торенти за првиот и третиот филм ?

Poison 1991 720p WEB-DL AAC2 0 H264-FGT и
You Can Count on Me 2000 720p HDTV x264 DD5 1-FGT

 

[iksimkd]

Challenge accepted! Се надевам само дека ќе имам доволно време да гледам по 10 на месец.

 

[Kris_GT]

I'm in

 

[grande-juve]

Јас имам еден предлог амандман. Пример еве сега за филмови од Санденс, нека бидат 5 филмови што сами би си ги одбрале од Санденс, а не 5 дадени. Да биде подемократски , а целта пак ќе си се оствари, да глеаме 5 Санденс филмчиња.

Еве Welcome to the dollhouse е супер филмче, али скоро ми е глеан и не ми се репризира.. веројатно слично ќе биде и со другите предизвици.

 

[Zlatikevichius]

Јас имам еден предлог амандман. Пример еве сега за филмови од Санденс, нека бидат 5 филмови што сами би си ги одбрале од Санденс, а не 5 дадени. Да биде подемократски , а целта пак ќе си се оствари, да глеаме 5 Санденс филмчиња.

Еве Welcome to the dollhouse е супер филмче, али скоро ми е глеан и не ми се репризира.. веројатно слично ќе биде и со другите предизвици.

Не мора да ги репризираш оние што ги имаш гледано. Поентата со овој предизвик е да се изгледаат што е можно повеќе филмови за прв пат, а не само да се билда бројка, па макар и да мора да репризираш. Затоа кога го правев предизвикот гледав да се филмови кои ги немаат повеќемина гледано. Ете, нека биде - ако имаш гледано некој, да можеш да го замениш со друг, а да останат негледаните задолжителни.

 

[Толстој]

Ќе учествувам и јас, веќе го симнав Welcome to the Dollhouse, вечер му седнувам.

Браво за идеиве. Патем и среќна нова година на сите

 

[grande-juve]

Не мора да ги репризираш оние што ги имаш гледано. Поентата со овој предизвик е да се изгледаат што е можно повеќе филмови за прв пат, а не само да се билда бројка, па макар и да мора да репризираш. Затоа кога го правев предизвикот гледав да се филмови кои ги немаат повеќемина гледано. Ете, нека биде - ако имаш гледано некој, да можеш да го замениш со друг, а да останат негледаните задолжителни.

И мене ми е тоа поентата, али место 5 задолжителни од тебе(или било кој), ете ја таа последната листа од воведниот пост, па секој од таму да си избере 5 филма што му фаќаат око. Некои од задолжителните може нема на секој да му се гледаат ... а за Филм Клубот на пример, логично е да е задолжителен еден филм на две недели.

 

[Zlatikevichius]

И мене ми е тоа поентата, али место 5 задолжителни од тебе(или било кој), ете ја таа последната листа од воведниот пост, па секој од таму да си избере 5 филма што му фаќаат око. Некои од задолжителните може нема на секој да му се гледаат ... а за Филм Клубот на пример, логично е да е задолжителен еден филм на две недели.

Имаше на еден странски форум таков обид, не функционираше баш, затоа се одлучив да не ја прифатам таа опција. Плус, ако ти гледаш филм кој никој друг нема да го гледа, на пример, нема да се развие никаква дискусија, само ќе се набројуваат филмови - кој што гледал.

Но, ОК, ете, ако некој сака да си тера на тој начин, не дека може да му забраниме...

 

[grande-juve]

Имаше на еден странски форум таков обид, не функционираше баш, затоа се одлучив да не ја прифатам таа опција. Плус, ако ти гледаш филм кој никој друг нема да го гледа, на пример, нема да се развие никаква дискусија, само ќе се набројуваат филмови - кој што гледал.
Но, ОК, ете, ако некој сака да си тера на тој начин, не дека може да му забраниме...

Работата е значи шо е првичната цел, дали повеќе нови филмови од одреден предизвик(тогаш нема потреба од задолжителни, по мое.. а и не мора да значи дека само набројување ќе има), или за дискусија("Филм Клубот" е идеален за тоа).

Како и да е, не е нешо страшно ја мислам, важно замислата е супер, али сепак за првиов предизвик ќе го изменам малку мојот избор:
Me and You and Everyone We Know
You Can Count on Me
Stranger Than Paradise
Sex, Lies, and Videotape
Crumb

 

[Zlatikevichius]

Работата е значи шо е првичната цел, дали повеќе нови филмови од одреден предизвик(тогаш нема потреба од задолжителни, по мое.. а и не мора да значи дека само набројување ќе има), или за дискусија("Филм Клубот" е идеален за тоа).

Како и да е, не е нешо страшно ја мислам, важно замислата е супер, али сепак за првиов предизвик ќе го изменам малку мојот избор:
Me and You and Everyone We Know
You Can Count on Me
Stranger Than Paradise
Sex, Lies, and Videotape
Crumb

Сѐ од горенаведеното.

 

[Tegla]

Бууууууууу...

кукавица хехе