Portishead пристигнуваат на Exit
Легендите на trip-hop-от - Portishead, предводени од пионерите на овој жанр, Geoff Barrow и Beth Gibbons, пејачката со препознатлив глас, ова лето ќе настапат пред публиката на Exit фестивалот во Нови Сад, Србија.
Бендот од Бристол, формиран во почетокот на 90ттите, Portishead, наречен по градчето од кое потекнува продуцентот и мултиинструменталистот Geoff Barrow, веќе со првиот албум Dummy од 1994. година се оттргна од доминантниот островски brit-pop звук, со сингл хитовите Glory Box и Sour Times. Неодоливо меланхоличниот, а воедно и зачарувачкиот глас на Beth Gibbons, и со непроценливиот придонес на гитаристот Adrian Utley, ја зацрта својата естетика, која се разликуваше од се дотогаш трендовското. Сосема неочекувано, албумот оствари огромен комерцијален успех, со пофалбите и од публиката и од критиката, за сето тоа да кулминира година подоцна со престижната Mercury музичка награда.
Со синглот All Mine, три години подоцна, 1997. година, го најавија и албумот Portishead, а по објавувањето на албумот во живо со Њујоршката филхармонија, се повлекуваат се до 2008. година.
На малкумина им успева по десетгодишна пауза да објават камбек албум кој ќе го засака и публиката и критиката. Во април 2008. година се појавува албумот Third, најавен со синглот Machine Gun. Мешајќи различни естетски правци, со електро, џез и гаражни влијанија, Third повторно ги добива симпатиите на јавноста со високите оценки на сите еминентни музички медиуми. Магазинот NME албумот го оценува со 9/10, трендовскиот Pitchfork го прогласува за еден од најдобрите албуми на годината, а Thom Yorke го нарекува „преубав и најдобар во нивната кариера“.
Во декември 2009. година на Меѓународниот ден на човековите права, Portishead ја објавува песната Chase The Tear, достапна на нивната веб страница, со цел прибирање донации за организацијата Amnesty Interational.
По настапот на Tricky на Exit во 2003. година и по големиот концерт на Massive Attack минатата година во Белград, преостанува уште само настапот на Portishead за балканската публика да го заокружи светото тројство на trip-hop-от, музичкиот жанр чија меланхолија на Балканот во 90ттите е премногу позната и разбрана, со естетика која не престанува да ги допира и новите генерации вон меинстрим хиперпродукцијата и униформираната музичка понуда.
Exit ќе се оддржи оваа година по 12ти пат, од 7. до 10. јули на Петроварадинската тврдина во Нови Сад, Србија. Оваа година фестивалот го очекува и својот 2милионити посетител.
ПРОДАЖБА НА ВЛЕЗНИЦИ
* Стар посетител (чекирајте го својот мејл!) – 4дневна влезница + бесплатен камп + бесплатен превоз: 3050 ден.
* Нов посетител - 4дневна влезница: 3050 ден.
* Камп: 1550 ден.
По истекот на залихите
* 4дневна влезница: 3700 ден.
* Камп: 1550 ден.
Продажба на влезници во Југотон, Скопје (ГТЦ, прв кат) телефон: (02) 3239 860
www.facebook.com/exitmk |
www.exitfest.org
Благ оргазам. 
