Мора во секој пост да го спомнеш ВМРО?
Ак одаваат реприза гледај и ќе видиш дека така беше. Штро сега јас да правам кога кај анс во све се меша политика и се од политика зависи. Дури како што се зезаа на буба мара владата денес ти е стројник и за да најдеш жена :pos2: А додека даваат реприза еве прочитај малку од весници.
„ЗЛАТНА БУБАМАРА НА ПОПУЛАРНОСТА“ ПОРАЧА:
Европо, отвори врата доцниме како бруто-плата
Вака звучеше „Инсјеме“ од Тото Котуњо во верзијата на „Златна бубамара“ чие 12. издание на комичен начин се осврна на актуелни теми
Веселата академија, предводена од Ранко Петровиќ, творецот на „Златна бубамара на популарноста“, на завчерашното 12. издание на манифестацијата, уште еднаш понуди одлично сценарио и режија, надополнето со квалитетни музички точки. Публиката во преполната Универзална нема да ги заборави миговите на смеа предизвикани од концептот што, на препознатлив начин, со доминација на кумановскиот дијалект, го презентира водителот, актерот Сашко Коцев.
ПАК НЕ ГИ СЛЕДИМЕ СВЕТСКИТЕ ТРЕНДОВИ
„Без разлика дали сте политичар или аналитичар, отпуштете се и бидете дел од народот. А од овој народ никој ништо лошо не видел“ беа зборовите со кои на почетокот на манифестацијата организаторот им се обрати на публиката, навестувајќи оти на удар повторно ќе бидат актуелните теми во земјава. „Бубамарата“ почна со седумгодишниот Ишан од Индија, кој на клавир ја отсвири „Билјана платно белеше“. По неговиот настап Коцев му порача да ги поздрави неговите најблиски во Индија, кои можеби се и наши роднини, веројатно алудирајќи на една слична ланска „летна посета“ во Македонија.
Под мотото „Етаблирање на слободата на говорот“, Коцев почна да ги „обработува“ актуелните теми. Прва на „удар“ беше рецесијата. Неговата „анализа“ зошто не ја чувствуваме и заклучокот дека пак не сме во тренд (ја има во сите земји, но не и кај нас), предизвика многу смеа кај публиката. За спас од рецесијата во САД сценаристите на „Бубамара“ на Американците им ја понудија рекламната кампања „Ти си Македонија“ и нашето тајно оружје, Слободан Томиќ од „Гласот на народот“, со напомена неговата емисија трипати да ја репризираат на Си-ен-ен. Смеата кулминира со „советите“ како и каде да си ја најдете жената на својот живот.
- Ако барате жена економистка, одете во УЈП. Ако имате желба за цврста и едра жена, со црвени образи, одете на автопатот што води за Битола или за Куманово. А ако имате желба за очајна интелектуалка, посетете ја улица Бихаќка - реч меѓу другото Коцев.Своите актерски способности ги покажа во делот кога истакна како да ја најдете Античка Македонка. Одете кај „Бристол“ и кажете и' само „Јас сум Александар и ќе водиме љубов на секое емитување на рекламните спотови на владата на телевизиите“.
Дел од стиховите на македонска верзија гласеа: „Европо, отворај врата доцниме ко бруто-плата. Европо, чекај не' ти, па кај ќе најдеш вакви бајадери, дојди лапни не' ти“. Манифестацијата заврши со спектакуларниот настап на Гарабет Тавитијан и неговите синови. Настанот од публиката го следеа министерот за транспорт и врски Миле Јанакиевски, европратеникот Ерван Фуере, пратеникот Јани Макрадули, кандидатот за претседател Љубе Бошковски, Мила Искреновиќ, независен кандидат за градоначалник на Општина Карпош.
повеќе инфо овде
http://www.dnevnik.com.mk/?ItemID=69E873ABA0820E49AA14909E328D144C
и на крај оној Тавитјан кога извади еден крст голем и кога рече “Наградава ја посветувам на Бога’’ со еден потресителен глас, како лејм ми прозвучи тоа ми се слоши жими се. Па да добие некоја награда појака овој кој знаеш шо ке напраи. 
