2010 - Како ви помина и што ви ја одбележа истата?:)

2010 година. Ова е онаа година за која некогаш ќе речам "еее... 2010 a hell of a year".
Почна интересно, делумно интересно. Милан си победуваше кај кој ќе стигнеше, ја тепавме Џенова дома, го тепавме Јуве гости, и двете работи многу ретки за гледање, а впрочем и за доживување.
После некако опадна ентузијазмот, февруари беше обичен, март и април исто, спласнаа ко Филипсова крива на долг рок, само во случајов кај мене се одеше хоризонтално, монотоно. Неможам да се сетам можеби ни на еден интересен настан во тој период, Милан веќе беше јасно дека нема сили за прво место, а Богами ни јас не се чувствував најдобро.
После дојде мај, обврски, јуни, уште поголеми обврски. Тогаш се случија интересни работи, преминав преку сите интерашки провокации, го истренирав мозоков лесно да не се провоцирам во врска со тоа и ми успеа. Летото беше интересно и необично. (овде веќе чувствувам дека пишам состав на 1ви септември). Играв оксан скоро секоја вечер со другари, се понашав пензионерски. Паметам многу интересни датуми, добри и лоши случки. Бев на планинарење еднаш, колку да разбијам монотонија, одев секој ден на плажа, не вежбав бицепс и трицепс, играв фудбал многу. Ах... чувството да дадеш гол после скоро 7-8 месеци рехабилитационен период во кој не можеш да чепниш топка, а не пак да играш. Ама помина и лошото, секое чудо за три дена.

Изгледав околу 100тина филма оваа година. Малку помалку од 2009та, ама сепак е добар скор со оглед на тоа што имав малку повеќе обврски. Дури еднаш имавме и "колоквиумска" Star Wars недела, која со другариве е традиција и одбираме една недела од летото, се собираме секој ден да гледаме по еден дел од Војна на ѕвездите, така да имаме 6 дена каде редоследно сме окупирани со Темната страна и Силата, и на многу интересен начин пробуваме да го одржиме духот на "старите добри времиња". Кога ќе дојде таа недела на гледање Star Wars, нас на мобилен ни ѕвони темата од филмот, слики на десктоп имаме од Дарт Вејдер, на мсн и фејсбук си редиме сличиња од Мастер Јода и често кога ќе се двоумиме за нешто го користиме цитатот "Use The Force, Luke!".
Ах, интересен период од годината е овој. Оној период кога пред сите изгледаш како морон, а длабоко во себе си џедај.

После летото почна нова фаза во мојов живот. Нов град, многу нови работи. Многу интересен период, впрочем, и вреден за сеќавање.
Сега, на крајот од оваа година, сите коцки ми се наредени. Мојов живот сега да беше слагалица од 1000 парчиња, ќе беа сите наредени, склопени и целата слика негде ќе беше урамена.
Сега и Милан е на врвот, а всушност, и секој "Милан" во мојов живот полека почнува да победува. И оној "Милан" кој длабоко во мене бил ете, скоро цела година без мотив да биде повеќе од второлигаш, сега се бори за титула. И прекрасно е чувството да ги имаш повторно работите кои одамна си ги посакувал и копнеел по нив. И доаѓа нова година, која имам чувство дека ќе е попрекрасна од која и да било.
 
Јако, многу јако. Ептен брзо помина :)
 
Освен Реал Мадрид, годинава ми беше најдобра година на секое поле. :)
 
Година на завршен факс, првите шест месеци поминати со една многу посебна личност, вторите шест месеци поминати во недостгиање на таа личност, тапа лето и моментални нервози/подготовки околу барање работа...
 
Резиме 2010 година:

Сакав да ја имам најубава новогодишна ноќ,но се направив дента камен и си легнав во 11часот со кофа до мене.Значи новата година ја дочекав во кревет,додека во другата соба го оставив дечкото со друштвото.И кога ќе трегне лошо,натаму продолжува.Ми ги извадија умниците со голема болка.Дечкото ми доби свински грип,бочници,врски,плачења,паники.Директорот ми беше лут,се карав секојдневно со шефицата.Во Март месец ми дојде нова колешка,во канцеларија направивме тим и конечно сакав да одам на работа.Потоа следеше месец на кавги со шефицата ме намести старата квалитетно.Останав без работа.Раскинав 8 годишна врска.
После два дена ми дојде идеја да отворам своја фирма.За еден месец бев „директорка“,имав своја канцеларија и вработени.Почнав нов живот со две адреси на живеење,многу напорно но интересно.Полека работите почнаа да се придвижуваат во позитива.Одговорноста ми се зголеми,финансиите и нервозите.Запознав интересни луѓе и се случија интересни работи.
Во глобала година на ризици и големи одлуки.Сега повлекувам нога во новата со најголемата одлука во мојот живот.Се надевам ќе биде успешна на деловен план.На сексуален нека биде како оваа,а љубовта нека почека има време :)
 
Како си ја поминав 2010-та, а? :)

Епа да почнам со ред:

Јануари - Одамна веќе не ми е интересна новогодишната ноќ, па затоа и не се замарав што си ја преседов дома и си гледав некои серии и се смеев ко ненормален цела вечер. Журката на 1-ви јануари, сите што славеле и вечерта пред тоа кажаа дека била далеку подобра, така да се осеќав ептен победнички :) После тоа следуваше празничниот дел (вообичаено депресивен за мене, со моменти на среќа, затоа што не се собира семејството цело на исто место, туку мора и скајп да се користи), па колоквиуми и полагања...Се на се, ништо посебно беше јануари.

Февруари - единствено по што ќе го паметам е дека некои личности почнаа да ми покажуваат дека им значам и дека се залагаат за мене. И по тоа што ме известија дека сум примен за еден настан 3 дена откако нашата експедиција тргна, па морав да откажам.

Март - почна да се зголемува заемната љубов во моето 'ново' друштво, станавме поблиски, почнавме да правиме и подобри работи од пијанчење по кафани. Во март можеби беше и единствената лоша работа годинава, кога загина татко му на еден од најдобрите другари...навистина лош период беше тоа...

Април - колоквиуми, ништо битно, освен што првиот дел од февруари почна уште појако да се повторува. Тоа ептен ме израдува и сфатив кој е кој во мојот 'нов' студентски живот.

Мај - патување во Белград. Запознавање на многу луѓе, од ширум Европа, спријателување со многумина, одржување контакти до ден-денес. Гледање на Партизан на фајнал-форот во Белград, навивање заедно со Срби и Хрвати (и други нации:) бесценето. Назад во Скопје. Поигрување со мене од страна на една девојка. Од чекор до љубов, до чекор до омраза дојде работата. Шпански серии :))

Јуни - завршување на втора година од студии - успешно. Чикаго стана шампион во НХЛ. Славење на роденден 2 пати во една недела, со 2 групи на луѓе, едни кои ги засакав вистински годинава и другите кои ги сакам цел живот. Светско првенство, на нов голем хд телевизор. Се на се, фантастичен месец.

Јули-Август - буквално одморање. Неколку пати на плажа, на море, на базени, се на се, многу забавни моменти. Ништо лошо.

Септември - Почеток на нова учебна година. 2 дена таму, па пат за Софија. Недела дена таму. Фантастични недела дена, повторно со луѓе од цела Европа, ширење на нови познанства и тоа доста добри за кратко време, кои како што тргнало ќе прераснат во ептен големи пријателства што навистина ме радува. Иста приказна со девојката од мај месец...Добивање позиција во организацијата која ја рекламирам подоле :))

Октомври - Прв настан организиран како член на истата, повторно ширење на познанства и добивање на нови искуства. Дури тоа да заврши, почнаа колоквиуми. Помина и тоа.

Ноември - Ново лето во Македонија. Уживање на сонцето, многу зафркавања, дружења, кафиња на отворено по кратки ракави и слично :)

Декември - до сега имаше некои убави моменти. Сега почна да ме фаќа депресијата карактеристична за овој период од годината, кој секоја година едвај чекам да помине. Почнаа и да ме нервираат некои работи, кои во друг случај не би ме чепнале воопшто, па расипав некои работи, кои морам, а и почнав да ги исправам.

Како и да е, годината беше одлична. Имав здравје и бев среќен. Имав и успех. Од тоа што ми е потребно за животната филозофија ми фали само љубов, во вистинската смисла на зборот :) Се што сакам за следната е, доколку е можно да се повтори истото што беше и во оваа, на другите полиња и плус да се дополни овој дел, љубовниот :) Се надевам тоа не е премногу да се бара, шо викаат западњаците - ај хоуп итс нат ту мач ту аск! :))

Поздрав од мене, нека ви се подобри следната година на тие што сакате, нека ви се повтори истава на тие што сакате итн.
 
Ретроспектива на лето Господово 2010 година...
Кога почна годинава, се некако мислев дека конечно ќе почнам со себереализација, факултети, испити, пет години студирање завршија во февруари и тек после дојде тешкото. Ја напуштив работата, за да се вработам на друго место кое се покажа како погубна грешка и ме чекаа два три месеци седење дома. После тоа работев нешто безвезално, за што не сум ама ич, ама не можам да поднесам да сум зависна, особено кога се финансии во прашање. Едноставно морав, оти од дремење дома ништо од небо не паѓа.
И така пет месеци ко црнец си работев секој ден, не дај Боже да се социјализирам од што немав време. Нејсе. Моето вработување заврши така што го отерав газдата у три лепе, не дека јас сум некоја си HC личност, туку зашто да се истрпи онакво суштество требаат нерви, кои јас очигледно ги немав.
Љубов па да речеме тапанарија жива. Емотивно ниедна година досега не била моја, мада мислам дека половина проблем сум јас, зашто не знам никако да го изведам емоционалното врзување. Може ќе се најде некој што ќе го смени тоа, оти си досадив сама на себе со солирање.
Единствена светла точка оваа година, се неколку нови познанства со луѓе кои ме воодушевија, и го негираа во корен мојот тврдокорен став дека не вреди веќе да се запознаваат нови луѓе освен како познаници, зашто имам доволно пријатели.
Како почна годинава така и заврши, комплетно непродуктивно, со шетање по интервјуа без никаков резултат.
Ова не беше моја година. Можам само да се надевам дека другата нема да ги типкам истиве зборови.
 
Моето резиме за 2010 би било :

- После 1 година успеав да се откачим врска која можеше длабоко да ме закопа. Многу падови на почетокот имав, без работа, ги мењав работите на секои 2 недели, да ме гледаше некој од страна ќе мислеше дека не сум сериозен. После тоа почна нова мала романса но порасна во нешто големо, се надевам дека ќе трае. Нов факултет, нова средина помеѓу Албанците, мислев дека ќе ми биде одбивно но напротив, баш ми е супер, највеќе мрзев Хемија но сепак тој дел воглавно ќе го изучувам. Од пред некој месец почнав свој мал бизнис препродажба на парфеми и мислам дека како до сега никогаш немам мирисано хаха :kesa:.

Пополека се средуваат работите одат кон подобро, време беше да се почне само со успеси.
 
Кај мене беше ТАКА-ТАКА 2010 година... Почна супер како и сите, потоа заглавив малце со пари немав многу, па летото почнав со работа и цело лето така, не отидов на одмор - МН МИ Е КРИВО, убавата страна е што оваа година ја запознав девојката моја и сум со неа, не отидов на факултет оваа година па така си го ебавам секој ден те по дома, па на кафе и поминува некако ама досадно, уште една убава страна е што зедов возачка која ако не работев целово лето немаше да ја имам па така си сум горд на себе што со свои заработени пари имам нешто што ќе ми трае цел живот и ќе се гордеам со тоа, од 2011 очекувам да ми биде супер година, сите проблеми кои ги имам да си ги решам и со господ напред да си се запишам на факултет и да терам даље со животот....
 
Среќа што не се запознавме преку форумов, иначе готов ќе бев. Освен во тавче друга кајгана немаше ни да помирисам :)
 
2010 беше најлоша година во мојот живот, година со две дупки (читај: нули). Речиси и ништо добро не се случи. Се надевам искрено и со сета сила дека 2011 ќе биде барем малку подобра од 2010. Искрено се надевам :)
 
Добра година кога се ќе се собере и одземе, само се надевам поразот во финалето лани, оваа година ќе се претвори во победа и ќе го освоиме првото месо :) ( младинска кошаркарска лига )

И да, што помалце повреди во следната ! :D
 
Се’ и ништо.

Не сум веќе во бендот во кој бев 3 години речиси.
Не сум во врската во која бев 1 година.
Починаа неколку луѓе кои ми значеа, ги знаев, и така... Шубе.
Се вработив.
Згазнав еден куп сопствени принципи.
Пораснав нагло во главата ем срцето, сконтав дека луѓето се неблагодарни, често.

Учам секој ден да живеам со поразите, а да се стремам кон победите.
На повидок ми е дипломирањето, пат на некој остров, многу планови и желба мојата љубов да се всади во некое заслужено срце.
Ослабнав 10 кг, од немајкаде.
Дома, живи здрави, среќни, такви нека ми останат.
Поетски се реализирам грам по грам, во план ми е стихозбирка.
Пола пола е годинава.
Чудесии, е животов.

Среќна сум, генерално.
 
Ќе морам да ја опишам поделувајќи ја на тромесечја.
Во првото романса. Неочекувана, но романса. Трае низ останатите 3 тромесечја.
Во второто сериозни промени на професионално поле. Унапредување. Свој човек, напокон.
Во третото, авантура. Шибање на кратко надвор од тука, со Индијана Џонс идеја. Интересно, промена, искра.
Во четвртово, тотално уозбилуење. Магистратура. Голем збор, тежок пат.

Многу падови, но и многу полетувања годинава. Падовите ги имаше низ сите 12 месеци. Но, тука се да не буцнат и да не натераат на низок старт. И шибај даље.
 
You must log in or register to reply here.

Kajgana Shop

Back
На врв Bottom