FILMOVISION CHALLENGE - Запознај ја филмска Европа

[Violetova]

Маклабас е со сила правен да личи дека е филм, а всушност глупости со нафрлани сцени, во обид да се поврзат... единица од филм

Автоматски споено мислење: 20 мај 2022

Инаку, повеќето македонски филмови сум ги гледала, тие што вредат секако се веќе гледани, не би знаела што да одберам

Автоматски споено мислење: 20 мај 2022

Дедо и внук не ви е спомнат, или го прескокнав во списоците?

 

[Shawn Spencer]

Никако! Ни под разно.

Ќе се гледаат ваљда некогаш.
Какви глупости се изгледани и тие два би ги шкртнал од списокот.

 

[Violetova]

Ќе се гледаат ваљда некогаш.
Какви глупости се изгледани и тие два би ги шкртнал од списокот.

Трето полувреме и До балчак многу ниско ти котираат?
Ако редниот број значи дека ти се подредени од најдобри кон најлоши?

 

[Zlatikevichius]

Тешка одлука што да се гледа.
Од негледани на располагање имам:
- Дубровски со ужасна слика и лош српски превод
- Аматерскиот Маклабас и брат му Самит на шаманите
- Созерцание на чешки без превод.

Или репризирање на некој класик.

Пошто Злате ја споделил мојата листа на best to worst, таму може да погледнете мои препораки.

Може и ТВ филмови, кратки, документарци... До душа тебе и тие ти се гледани, ама сепак ќе се најде некој неизгледан, верувам.

И јас планирам да репризирам некои култни но и да гледам некои неизгледани. Се надевам ќе ѕирнам барем 5 филма од Македонија, па ќе видиме.

 

[Shawn Spencer]

Трето полувреме и До балчак многу ниско ти котираат?
Ако редниот број значи дека ти се подредени од најдобри кон најлоши?

До балчак кога го гледав во кино ми беше уау. Ми летна времето, не ни осетив дека траел три саати. После некоја година го даваа на тв, газот ме здоболе, предосаден ми се виде и оцената падна од 3,5 на 2,5. Столе Попов си го ценам, Среќна Нова ‘49—та и Џипси Меџик му ги обожавам, Тетовирање му е доста добар, ама со До балчак малку потфрла.

Трето полувреме е солиден филм, али далеку од најдобрите што се снимени.

и Хај-фај и Мирно лето што се доста ценети од критика кај мене котираат слабо, ама сум ги гледал пред 10 години и тогаш може толку сум знаел.

Автоматски споено мислење: 20 мај 2022

Може и ТВ филмови, кратки, документарци... До душа тебе и тие ти се гледани, ама сепак ќе се најде некој неизгледан, верувам.

И јас планирам да репризирам некои култни но и да гледам некои неизгледани. Се надевам ќе ѕирнам барем 5 филма од Македонија, па ќе видиме.

Да барам од тие што се во пост—продукција, да не репризирам најарно.

 

[Violetova]

После некоја година го даваа на тв...

Затоа треба понекогаш да го оставиме првиот впечаток, посебно ако ти се допаднал филмот

доста ценети од критика...

Критиката цени и некои други работи освен она што ние како гледачи го цениме. Нејќам да мислам дека и кај нас може да се поткупи критичарот да пише позивтивна критика

 

[Mark Renton]

Wooohooo. Немам баш време за филмови периодов, ама викендов ќе се посветам да ги прегледам моите омилени македонски дела. А за борбата за торенти, би се нафатил ли некој да ми прати download од тие филмови за кои ќе се одлучам?

 

[Shawn Spencer]

Затоа треба понекогаш да го оставиме првиот впечаток, посебно ако ти се допаднал филмот

Критиката цени и некои други работи освен она што ние како гледачи го цениме. Нејќам да мислам дека и кај нас може да се поткупи критичарот да пише позивтивна критика

Кај нас, драга, критика скоро и да нема и повеќето режисери се среќни поради тоа. Повеќето се арогантни и самобендисани од тоа што сум имал прилика да промуабетам или што муабетеле новинари со нив. Нема да именувам, ама досега ми рекле режисери кажи како ти се допадна филмот, ама ако е негативно мислењето, не сакам да знам.

 

[Zlatikevichius]

Wooohooo. Немам баш време за филмови периодов, ама викендов ќе се посветам да ги прегледам моите омилени македонски дела. А за борбата за торенти, би се нафатил ли некој да ми прати download од тие филмови за кои ќе се одлучам?

Не е проблем, јас можам да ви пуштам било кој филм (освен тие што ги немам, секако ), само малку проблем е upload-от, ќе треба да ме почекате, зашто навистина споро иде.

 

[The Cooler King]

Медена земја или Honeyland (2019)

Пред околу десет години имав период кога ме привлекуваа македонските филмови, се трудев да најдам торенти од нив, сум гледал со лоши снимки само за да ги изгледам. Според листата на Zlatikevichius на Letterboxd имам изгледано само 27 македонски филмови. Во последниве пет до шест години изгубив целосен интерес за македонските филмови, особено за новите. Ова не се должи затоа што сметам дека имаме лоши филмови или кинематографија, едноставно престанаа да ме привлекуваат, а ако би гледал, би одбрал некој постар филм.
Медена земја и покрај целата слава што ја стекна и позитивните оцени не планирав да го гледам доколку не ми беше предложен од пријател, па со оглед дека дојде Македонија на ред се решив да го изгледам конечно и да не ми стои во watchlist.
Не сум гледал многу документарци, па така што не можам да кажам дали вреди или е квалитетен во тој аспект. Дејството ми беше типично за македонски филм, сиромаштија и беда, проблеми со "неразбрани трговци" и соседи. Сум гледал вакви појави во реален живот, знам дека и филмот е реалност затоа што сепак е документарец за вистински луѓе а не глумци и никогаш не ми прават да се чуствувам убаво.
Не би го пофалил филмот ама не би ни го критикувал премногу. Не ги оценувам македонските филмови, затоа што ги ставам во посебна категорија, неспоредлива со филмовите од другите држави.

 

[Џонтра Волта]

ИСЦЕЛИТЕЛ (2017)

Филмов ко да е снимен во 1993та година. Па мислам дека ги надминавме тие времиња на транзиција, сиромаштија, голф 1, радио, интернет кафе, мобилен телефон со копчиња и слично. Не дека смета ама вака у светот оставаме впечаток дека уште сме заборавени у социјалистичка Југославија. Не дека не сме сиромашни и за нигде, ама не сме баш вака.
Поготово па за приказнава што ја прикажува.

Во ред е поентата на филмов, за тоа каква нација сме и колку сме забегани во све што ќе слушнеме. Прво ми сметаа малце нелогичностите ама во текот на филмот легнав на брашното и сконтав дека тера на сатира иако сето тоа беше убаво сместено и непретенциозно. Клише моменти секако дека има, тој стил на лош приказ на мафијата и криминалците си стои и тешко дека ќе се искорени коа збориме за балкански филмови.

Не знам што друго да допишам. Ми се свиѓа, не е лош.

7ца.

 

[devilko]

Iluzija (2004)

Ги репризирав пред скоро заедно со Исцелител, но да не се повторувам со други рецензии, ќе напишам збор-два за Илузија, кој гледам не е многу актуелен, а е еден од подобрите македонски филмови, бар од овие поновите, после 2000.


Филм на Светозар Ристовски, за едно дете, Марко, кое го мине своето детство во пост-воена Македонија, транзициски период во најпогодениот индустриски град, Велес. Во типично македонско семејство каде што кавгите се составен дел во нивниот ден. Татко, кој не земал плата со години, протестира пред фабриката во која работи, се опива и троши пари на бинго, томболи и кафани, мајка, на која не и се слуша гласот. Сестра, насилник кон својот брат кој е немоќен. Немоќноста на Марко се манифестира и во училиштето каде што е секојдневно мета на невоспитаните дечишта кои малтретираат професори, соученици и го реметат секое предавање.
Единствена сламка за спас, е професорот по Македонски (Мустафа Надаревич), кој му ветува на Марко доколку напише песна за татковината која ќе ја рецитира на патриониот празник во учичиштето, ќе добие патување за Париз. Но, дали така лесно може да се избега од овој гериз?

Илузија е длабок депресивен филм кој го портретира македонското секојдневие, корупција и безизлезност од ситуацијата. Плени со убави кадри и пејсажи кои се засенети од црнилата на карактерите кои се дел од еден град кој се дави во геризот и ги влече надолу сите со него.

7

 

[Zlatikevichius]

27. Денови на искушение (1965)



Ова е еден од најдобро оценетите наши филмови на сите времиња, плус гледам дека и на сите членови од форумот кои го гледале им се допаднал. Мене ме одвраќаше од намерата да го гледам самиот факт дека е филм за убиството на Ѓорче Петров, а искрено, не сакам такви историски драми, најмногу зашто се снимени по еден ист шаблон кој не ми се допаѓа. Но сега, додека го гледав, всушност сфатив дека филмов го имам гледано претходно - веројатно како дете, или можеби во средно додека ја работевме драмата Црнила од Коле Чашуле, според која е направен. Во извонредна режија на Бранко Гапо, со прекрасна глума како од нашите Прличко, Џувалековски и др, така и од актерите од поранешна Југославија, од кои сите освен за Божидарка Фрајт, за другите не може да познаеш дека македонскиот не им бил мајчин јазик! Почист македонски од 90% од Македонците денес говорат! Приказната (актуелна и денес) ни е добро позната на сите - Ѓорче Петров го убиваат од самата Организација, поточно најмуваат едно „дете“ да го убие, без да знае кого убива, зашто испаѓа дека Ѓорче е баш неговиот идол. Има доста симболика тука, има многу за дискусија, не само од историски аспект, но делот со приказната беше она што и најмалку ми се допадна во филмот. Едноставно досаден ми беше, знаев што ќе се случи, немаше ништо што би ме изненадило... Затоа оценката ми е измеѓу 6 и 7. На LB повисоката, само зашто се работи за македонски филм. Значи 7/10 од мене.

 

[Shawn Spencer]

Македонија
#21. Мирно лето (1961)

Прв македонски филм од македонски режисер и прва македонска комедија. Првпат го гледав пред едно 10—11 години кога лепев високи оцени на наши филмови, ама паметам дека не ме воодушеви многу, а така беше и денес кога го гледав на реставрирана снимка.

Заре и Мира добиваат престој во Охрид на лето благодарение на работата на Заре, ама планираниот престој кој треба да биде исполнет со тишина и мир, за да работи Заре, се претвора во ‘ат пазар’.

Има некои интересни моменти, ама ни тогаш ни сега не ми беше смешен и не сфаќам зошто го сметаат за комедија.

Технички е снимен ко холивудски или европски филм од тоа време, не може да му се најде никаква замерка за тоа. Музиката на загребската филхармонија е одлична, ама сценариото кај мене не функционира и тие 90 и кусур минути ми се видоа ко 190. Оцена 3/5

 

[Варвара]

Неколку месеци подоцна, сфаќам дека лб сум полнела од вашите листи
Слично како и The Cooler King, пред околу исто толку време, и јас бев обземена од македонска кинематографија. Изгледав скоро сè што ме интересираше и запрев. Пред дождот го репризирам скоро секоја година, но ако го изземам, не се сеќавам кога последно сум пуштила наш филм. Затоа ептен се израдував што дојде приликата коонечно да ги гледам Татко и Три Ани! Одамна ми беа на листа ама не беа приоритет.

Три Ани (1959)

По седумнаесет години од војната, Марко добива вест дека неговата ќерка можеби сепак е жива. Следејќи ги трагите, стигнува до три различни жени - белградска глумица, загребска домаќинка и докторка. Постои шанса било која од нив да е неговото дете, исто како што постои шанса и неговите надежи да се залудни.
Три Ани или филмот што ми го поткрши срцето. Игра на карта емоции и ја постигнува целта. Колку е тешко талкањето во еден таков лавиринт, со силен жар, без да се изгуби надежта. Сѐ што останува после војната се скршените животи.

Татко / Колнати сме, Ирина (1973)

Откако маж ѝ заминува во војска, Ирина останува сама со свекорот Витан. Оставени еден на друг си бидат утеха додека го исчекуваат Дамјановото враќање, заеднички се грижат за куќата и воденицата, секојдневно зближувајќи се. Измачувани од новонадојдените чувства, двајцата се трудат да се спротивстават на поривот.
Бата Живоиновиќ и Неда Арнериќ со силната игра го носат филмот на грб. Најмоќна ми беше последната сцена и заледениот поглед како совршен приказ на скрешена, но силна жена.

Многу ми е тешко да оценувам македонски филмови, тој дел ќе морам да го скокнам.