@cool@
Η Μακεδονία δεν είναι Ελληνική
- Член од
- 2 јуни 2007
- Мислења
- 23.601
- Поени од реакции
- 27.109
Кандидат за конгресмен се фали дека спасил 27 Американци од македонскиот Див Запад
Политичарите многу не се разликуваат во светот, без разлика на развиеноста на демократските традиции. Така изгледа барем по лажењето.
Глен Нај од државата Вирџинија, новиот херој на американскиот конгрес, со сите сили ита кон Вашингтон, користејќи ја и Македонија.
Овој млад политичар си нарачал статија насловена „Ниеден Американец нема да биде оставен“, во која безмалку е опишан како Рамбо, кој сам спасува 27 американски државјани од завојуваните места во западна Македонија во март 2001 година. „Нова Македонија“ ги проверуваше неговите наводи. Станува збор за измислен настан, кој многу личи на кризата во Арачиново од август 2001 година. Неколку пати контактиравме и со неговиот изборен штаб, испративме и електронска порака, но одговорот беше секогаш ист: „Ќе добиете одговор за неколку дена“.
Херојот во акција
„Македонија март 2001 година. Само што американската амбасада беше нападната од толпа што фрлаше камења, итна порака беше испратена до маринците да нè заштитат. Истовремено, американските граѓани што беа во западна Македонија се најдоа загрозени од вооружените герилци, кои поставија и контролни пунктови по патиштата. Голема група Американци беа заглавени меѓу две села во северозападна Македонија. Телефонските врски беа прекинати. Тогаш Глен се досети да им се јави на локалните политичари и со нивна помош да ги идентификува сите Американци“, пишува во статијата објавена на интернет-страницата на Глен Нај. Тој нашол храбар возач на автобус, кој требало да појде меѓу овие две села и да ги евакуира Американците.
„Глен воедно преговараше и со локалниот градоначалник, кој го имал единствениот автомобил во тие краишта. Лично Глен го возеше автомобилот со кој до автобусот пренесе постара американска брачна двојка“, пишува во статијата.
Според Нај, останал уште еден проблем. Герилците киднапирале еден американски државјанин. Иако Стејт департментот имал политика да не преговара со терористи, Глен ја презел најголемата одговорност во заложничката криза. Преговарал со герилците и тие му дозволиле да разговара со заложникот. Така го утврдил неговиот идентитет и го информирал неговото семејство во САД.
„Притисокот се исплатеше. Глен доби повик и му беше кажано дека герилците ќе го ослободат заложникот. Тој потоа се јави во Црвениот крст и ги замоли да го преземат заложникот. Американскиот државјанин по медицинскиот преглед, беше испратен дома, каде што му се придружи на расплаканото, но сега спокојно семејство“, завршува статијата.
Извитоперена копија нанастаните во АраЧиново?
Од амбасадата на САД вчера само ни потврдија дека Глен Нај навистина работел таму во 2001 година. Иако не можеа да се сетат на некаков напад на амбасадата во март 2001 година, не сакаа да ги потврдат или демантираат наводите во статијата.
Горан Митевски во тој период беше директор на Управата за безбедност и контраразузнавање. Тој имал постојани контакти со вработените во американската амбасада.
- Не сум се сретнал со тој Нај. Мислам дека описот на настаните во статијата личи на Арачиново од август 2001 година - вели Митевски.
Кризата во Арачиново почна набргу по акцијата во Љуботен, кога Џезаир Шакири, алијас командант Хоџа, и неговата група од ОНА се вовлекоа во селото. Жителите набргу го напуштија, а безбедносните сили го ставија Арачиново во обрач. Хоџа и неговите се закануваа дека со минофрлачи ќе удрат по Скопје, по што следуваа хеликоптерски, артилериски и пешадиски напад на селото. Во зенитот на кризата, се ангажираа странските претставници, најмногу од амбасадата на САД. Во хотелот „Белви“ беше договорено припадниците на ОНА да бидат извлечени од селото во климатизирани автобуси и со своето оружје, што предизвика силен револт кај околното население и жестоки протести пред Собранието.
Припадници на полицијата што влегоа во селото најдоа 18 американски државјани со дипломатски пасоши. Се испостави дека се тоа пензионирани воени лица од приватната воена организација МПРИ.
- ЦИА жестоко реагираше на оваа акција бидејќи сметаше дека Македонците ќе се побунат, што и се случи. Но преовладеа мислењето на американската воено-разузнавачка служба, за која најверојатно работел и Нај - вели висок поранешен владин функционер, кој учествувал во овие настани.
А што би рекле на ова противкандидатите на Нај во кампањата?
ИЗВОР
Глен Нај од државата Вирџинија, новиот херој на американскиот конгрес, со сите сили ита кон Вашингтон, користејќи ја и Македонија.
Овој млад политичар си нарачал статија насловена „Ниеден Американец нема да биде оставен“, во која безмалку е опишан како Рамбо, кој сам спасува 27 американски државјани од завојуваните места во западна Македонија во март 2001 година. „Нова Македонија“ ги проверуваше неговите наводи. Станува збор за измислен настан, кој многу личи на кризата во Арачиново од август 2001 година. Неколку пати контактиравме и со неговиот изборен штаб, испративме и електронска порака, но одговорот беше секогаш ист: „Ќе добиете одговор за неколку дена“.
Херојот во акција
„Македонија март 2001 година. Само што американската амбасада беше нападната од толпа што фрлаше камења, итна порака беше испратена до маринците да нè заштитат. Истовремено, американските граѓани што беа во западна Македонија се најдоа загрозени од вооружените герилци, кои поставија и контролни пунктови по патиштата. Голема група Американци беа заглавени меѓу две села во северозападна Македонија. Телефонските врски беа прекинати. Тогаш Глен се досети да им се јави на локалните политичари и со нивна помош да ги идентификува сите Американци“, пишува во статијата објавена на интернет-страницата на Глен Нај. Тој нашол храбар возач на автобус, кој требало да појде меѓу овие две села и да ги евакуира Американците.
„Глен воедно преговараше и со локалниот градоначалник, кој го имал единствениот автомобил во тие краишта. Лично Глен го возеше автомобилот со кој до автобусот пренесе постара американска брачна двојка“, пишува во статијата.
Според Нај, останал уште еден проблем. Герилците киднапирале еден американски државјанин. Иако Стејт департментот имал политика да не преговара со терористи, Глен ја презел најголемата одговорност во заложничката криза. Преговарал со герилците и тие му дозволиле да разговара со заложникот. Така го утврдил неговиот идентитет и го информирал неговото семејство во САД.
„Притисокот се исплатеше. Глен доби повик и му беше кажано дека герилците ќе го ослободат заложникот. Тој потоа се јави во Црвениот крст и ги замоли да го преземат заложникот. Американскиот државјанин по медицинскиот преглед, беше испратен дома, каде што му се придружи на расплаканото, но сега спокојно семејство“, завршува статијата.
Извитоперена копија нанастаните во АраЧиново?
Од амбасадата на САД вчера само ни потврдија дека Глен Нај навистина работел таму во 2001 година. Иако не можеа да се сетат на некаков напад на амбасадата во март 2001 година, не сакаа да ги потврдат или демантираат наводите во статијата.
Горан Митевски во тој период беше директор на Управата за безбедност и контраразузнавање. Тој имал постојани контакти со вработените во американската амбасада.
- Не сум се сретнал со тој Нај. Мислам дека описот на настаните во статијата личи на Арачиново од август 2001 година - вели Митевски.
Кризата во Арачиново почна набргу по акцијата во Љуботен, кога Џезаир Шакири, алијас командант Хоџа, и неговата група од ОНА се вовлекоа во селото. Жителите набргу го напуштија, а безбедносните сили го ставија Арачиново во обрач. Хоџа и неговите се закануваа дека со минофрлачи ќе удрат по Скопје, по што следуваа хеликоптерски, артилериски и пешадиски напад на селото. Во зенитот на кризата, се ангажираа странските претставници, најмногу од амбасадата на САД. Во хотелот „Белви“ беше договорено припадниците на ОНА да бидат извлечени од селото во климатизирани автобуси и со своето оружје, што предизвика силен револт кај околното население и жестоки протести пред Собранието.
Припадници на полицијата што влегоа во селото најдоа 18 американски државјани со дипломатски пасоши. Се испостави дека се тоа пензионирани воени лица од приватната воена организација МПРИ.
- ЦИА жестоко реагираше на оваа акција бидејќи сметаше дека Македонците ќе се побунат, што и се случи. Но преовладеа мислењето на американската воено-разузнавачка служба, за која најверојатно работел и Нај - вели висок поранешен владин функционер, кој учествувал во овие настани.
А што би рекле на ова противкандидатите на Нај во кампањата?
ИЗВОР