Ќе почнам од најпочеток. Запознав девојка. Девојката има чудни енергии. Според мое толкување, чакрите и кундалини енергијата и се отворени на високо ниво. Се сакаме.
Првиот пат лежевме заедно. Бидејќи прв пат лежев со девојката, имав голем сексуален нагон. Решив да го игнорирам, да го претворам во нешто пофино. Во истиот момент почувствуав како пулсот ми се забрзува. Во исто време девојката ме допираше на различни места околу главата и сето тоа ми создаде силна еуфорија околу пределот на срцето. Во одреден момент дури ми дојде и да се расплачам. Решив да се соземам и прекинав. Кога ја прашав што се случи и дали она имаше некаков уддел во тоа несакаше да ми каже. Дури после месец дена ми кажа дека ја почувствувала мојата енергија и само ми потпомогнала да ја кренам нагоре.
После еден месец, како што седевме во кревет, она почна да влегува во медитација. После некои 6-7 минути почна телото да и трепери. Потоа видов дека влезе длабоко во себе, имаше широка несвесна насмевка на лицето. Откога излезе од медитација после 15тина минути ми кажа дека сакала да види дали можам да ја следам енергетски. Но јас бев премногу аналитичен во тој момент за да се препуштам и да ја следам.
Друг ден. Решава да ми даде Дикша (божји благослов за побргу исполнување на желбите). За Дикша може да прочитате повеќе
овде. Процесот почнува, а она ја рецитира
Муламантра па потоа легнува до мене. После 10тина минути нејзиното тело почнува да се тресе, многу повеќе од минатиот пат. Јас не се исплашив, но во мене се роди едно ново чувство, чувство на посакување да ја почувствувам таа состојба. Се отворив комплетно, се предадов... и во истиот момент пулсот ми се зголеми 150/160. Откога заврши процесот дланките ми беа испотени, а јас се затресував од студ. Она ми спомна дека е енергијата, а јас мислев дека е едноставно студ.
Трет ден. Медитираме заедно. После неколку минути медитација и рецитирање на 2 мантри почнува повторно да се тресе. Овојпат енергијата ја почувствував уште посилно. За помалку од 3 секунди пулсот повторно ми се крена 150/160. Откога заврши медитацијата овојпат телото навистина ми се тресеше. Тогаш сфатив дека дефинитивно не е студ, туку како што ми спомна она, се разбудила енергијата во мене, па ми рече да легнам, со прав рбет, да се опуштам. Откога легнав треперењето продолжи а јас чувствував фини екстатични чувства. Почнав дури и да испуштам звуци. Несвесно вратот ми одеше наназад. Понекогаш енергијата ми го креваше и целото торзо. Сето тоа траеше околу 20 минути.
...
Поминаа 2 недели, а јас ја немав видено. Почна премногу да ми недостига. Почна да ми се развива физичка болка во соларниот плексус. Тие денови активно вежбав јога и медитација со мантра. Решив да прилегнам. Во полусон состојба имав визија, слушав звуци како да бев илјадници километри во некој голем град, а сепак лежев во соба, во викендица, каде што се слуша само птичји звук. Во текот на денот телото почна да ми трепери, а одвреме навреме ми се случуваа затресувања, слични, но послаби од оние кога го имав физичкото присуство на девојка ми. 3 дена и ноќи не спиев како што треба. Само што ќе заспиев, енергијата ми се будеше. Чувствував силни експлозии во срцето, драстична промена во нормалниот тек на дишење, де забрзано де успорено и длабоко. Чувствував и огромна жештина во тие моменти. Да не зборуваме за апетитот. За 3 дена ослабев 3 кила. Едвај еден оброј на ден и тоа на сила. При сет тој период од 3 дена, јас имав премногу силни емоции, и негативни и позитивни. Неописливо силни.
Еве веќе поминаа 7 дена откога ми почна овој процес и конечно емоциите ми се смирија. Исто така и енергијата. Истражував и според мој заклучот ми се отворија чакрите и во одредена мала доза, кундалинито. Лошото е што сето ова ми се случi во не многу стабилен период, па затоа и емотивните тубруленции. Недостигањето кон девојката во тие 3 дена ми се зголеми неколкукратно.
Од ова искуство ми останаа неколку прашања што неможам да си ги одговорам.
1. Зошто тоа што го доживеав со девојка ми сега ненормално ме привлекува да го правам повторно, и бидејќи неможам сам да го произведам до таа мера, имам чувство како да сум во криза за дрога.
2. Исто така, слушнав и за Шактипат. И тоа е еден сличен метод каде што гуруто ја префрла неговата духовна енергија и доколку оној што прима е доволно отворен и без его, може да му ја отвори кундалини енергијата. Ме преплаши фактот кога умот почна да се сомнева како ли може ученик комплетно да му се препушти на гуруто за да му ја даде таа енергија. Однадвор делува како да ученикот е обземен од демон, а внатрешното чувство е непроценливо совршено. Доколку гуруто не е со комплетно чиста душа, може да му наштети на ученикот. Во противно, може многукратно да му го забрза духовниот развој.
Знам дека со ова мое исповедување ќе следи реметење и тролање, но се надевам барем некој имал слично искуство. Споделете доколку имате!
