Луѓето кои ги гледаат хомосексуалците како ненормални никогаш и не запознале хомосексуалец, или пак никој хомосексуалец не им кажал дека е хомосексуалец. Ако идеме по твоја логика, мнозинството во Македонија ги гледа како ненормални девојките кои се мажат за човек од различна религозна припадност, мнозинството во Македонија ги гледа како ненормални вегетаријанците, мнозинстовото ги гледа како ненормални атеистите итн итн итн. И сеа, значи ли тоа дека вегетаријанците, атеистите, девојките кои стапиле во брак со партнер од друга религија, се ненормални? Секако дека не. Него, ние Македонците како нација се уште не сме до толку развиени, и повеќето од народот кај нас се што е поразлично од нив го гледа како ненормално, болно. Кај нас поимот ,,почитување на различностите,, скоро и не е толку познат. Повеќето од луѓето не знаат нешто повеќе за хомосексуалноста освен дека хомосексуалците сакаат мажи, и затоа тие треба да бидат навредувани, а не знаат дека омразата и навредувањето не се начин за еден хомосексуалец да почне да сака жени. За среќа има и луѓе кои реално ги согледуваат работите, доволно се образовани, и гледаат со други очи. Како и да е, нештата се подобруваат, иако пред неколку години беше незамисливо еден човек јавно да се произнесе како хомосексуалец, еве пак сега дел од хомосексуалците во Македонија јавно излегуваат, организираат настани како Skopje Pride Week, и се борат за права. Со тек на време ситуацијата на хомосексуалците се повеќе и повеќе ќе се подобрува. Поентата ми е дека ние како општество сме во фаза на развивање.
Велиш дека хомосексуалците ги имале сите права, само немале право на брак и на посвојување деца.. Хм, па знаеш ли дека правото на оформување семејство е едно од основните човекови права? Не е така сеедно за еден хомосексуалец тоа што нема право да изгради семејство со свој партнер.
Иначе, никаков закон нема да присили еден необразован човек кој живее со сфаќања од пред неколку века, кој од дома го воспитувале на омраза кон се што е поразлично од него, да ги прифати хомосексуалците. Туку еден закон може само да му даде до знаење дека дискриминирањето врз основ на различна сексуална ориентација не е во ред, и истото се казнува. Исто како што е и со дискриминацијата врз основ на различна религиозна припадност, на различна етничка припадност и сл.
)
