СЕ ЗА ПРИДОНЕСИТЕ: Кој мора да плаќа, кој е ослободен од давачки, како ќе се прават пресметките?
05/11/2014 // Пред 1 час //
ЕКОНОМИЈА //
Коментирај
inShare2
Вработените кои освен плата имаат дополнителен приход поголем од минималната плата, но и невработените кои имаат исто така имаат приход поголем од минимална плата за тоа тоа ќе плаќаат придонеси за пензиско и здравствено осигурување. Односно за овие хонорари наместо само 10% персонален данок, од следната година дополнително ќе се плаќаат и 17,6% за пензиско и уште 7,3% за здравствено осигурување.
„Сите лица кои добиваат приходи врз основа на склучен договор за дело или авторски надомест, без оглед дали веќе се вработени некаде и таму им се плаќаат придонеси или пак станува збор за лица кои се невработени и како такви се водат во Агенцијата за вработување, ќе мора да плаќаат пензиско и здравствено осигурување за приходите“, објаснуваат од авторските агенциите за Фактор.
При тоа, новите правила ќе важат ако нето-износот на надоместокот е поголем од минималната плата, односно од 9.590 денари.
Оние лица пак, кои имаат приходи од повеќе договори, чиј поединечен износ е под минималната плата, но кога ќе се соберат ако го надминат износот на минималната плата во тој случај ќе треба да плаќаат социјални придонеси.
„Ако едно фирма склучила договор за дело или авторски договор и на лицето со кое е склучен договорот му исплати нето-надомест од 22.000 денари, тоа значи дека фирмата ќе треба да ги уплати придонесите бидејќи износот за нето-надоместокот е поголем од минималната плата„ објаснуваат за Фактор.
Но, ако некоја фирма склучи договор и на лицето со кое го склучува договор му исплати 7.000 денари, тогаш обврзник за пресметка и уплата на придонесите не е фирмата, бидејќи во овој случај надоместокот е помал од минималната плата. Во овој случај, фирмата треба да плати персонален данок на доход и да го достави извешатјот до УЈП. Додека лицето кое ги добило парите ќе треба да договорот да го достави до Фондот за пензиско и до Фондот за здравствено. .
Кој ќе ја врши уплатата на придонесите?
Ако компаниите исплаќаат надоместок во нето-износ кој е поголем од износот на минималната плата, во тој случај самата компанија ќе врши пресметка и уплата на придонесите. Ако пак фирмите исплаќаат нето-надоместок кој е помал од минимлната плата тогаш фирмите не пресметуваат и уплатуваат придонес.
Тоа значи дека ако некој вработен има дополнителни нето-приходи помали од минималната плата нема да плаќа дополнителни придонеси за пензиско и социјално осигурување. А, истото важи и за оние кои се невработени и имаат дополнителни нето-прихдои помали од минимланата плата.
Но, ако лицата имаат повеќе договори, со нето-приходи помали од минималната плата, ама кога поединечните договори ќе се соберат ќе го надминат износот на минималната плата, тогаш лицата сами ќе треба да си ги уплатат придонесите. Во ваков случај Фондот за ПИОМ и Фондот за здравствено осигурување ќе вршат пресметка на придонесите.
Ќе се бришат од Агенцијата за невработени оние кои имаат хонорарна работа
Со новите законски решенија се предвидува и бришење од евиденцијата на на невработени на оние лица кои ќе имаат договор на дело или авторски договор, бидејќи и тие ќе имаат социјално осигурување.
На следниот линк:
Зошто нема одданочување на надоместоците на функционерите, судиите и спортистите?
http://faktor.mk/archives/130365
http://faktor.mk/archives/130361