Хамилтон „бега“ во Браун ГП, го менува Баричело? 13.04.2009.
Возачот на Браун ГП, Рубенс Баричело може да биде најголемиот губитник на новонастанатата афера во Формула 1, доколку екипата на Мекларен биде исфрлена од натпреварувањето.
Во британските медиуми се шпекулира дека Хамилтон може да го заземе местото на Баричело, доколку Светската автомобилистичка асоцијација (ФИА) го исклучи тимот на Мекларен поради лажни изјави кон стујардите по трката за големата награда на Австралија во Мелбурн.
Ако ова се случи, но и самиот Хамилтон доколку не биде суспендиран, светскиот шампион највероватно ќе го напушти Мекларен, а негов нов тим би можел да биде Браун ГП.
Моментално за екипата која е водечка во генералниот пласман во тековната сезона, која исто така користи мотори на Мерцедес, настапуваат Баричело и Џенсон Батон.
„Бидејќи Батон во овој момент е водечки во Формула 1, не би требело да се грижи за своето место во тимот, но Баричело би можел да си оде и да го ослободи местото за Хамилтон“, изавуваат во Браун ГП
Таткото и менџер на најмладиот шампион во Формула 1, Ентони Хамилтон наводно изгубил доверба во Мекларен и бара начин да го „извлече“ својот син од таа екипа.
Легендата на „најбрзиот циркус“ Џеки Струјард е противник на ваков вид на сценарио бидејќи смета дека моментално на Браун ГП му треба искуството на Баричело кое што Хамилтон сеуште го нема.
„Дали Рос Браун е сериозен во настојувањата да го смени Баричело со Хамилтон? Рубенс е многу искусен во подесувањето на болидот, а Хамилтон не е. На Рос тоа знаење му е потребно поради забраната за тестирање на неговата екипа пред и на почетокот на сезонава“, рече Струајрд.
Да потсетиме, светската автомобилистичка асоцијација закажа сослушување со Хамилтон на 29. Април поради инцидентот во Австралија.
