Фан Kлуб: Осогово

[Архивист]

ТРЕТА ЛИГА - ИСТОК

„РУДАР“ - „ОСОГОВО“ 1:2 (0:2)
Пробиштип. Градски стадион. Гледачи: 200. Главен судија:Марјан Гоцевски (Струмица). Помошници: Сашо Крстевски (Струмица) и Васе Вражов (Пиперево). Стрелци: Василевски 79’ (Рудар); Паунов 7’ Натков 21’ (Осогово). Жолти картони: Ампевски (Рудар); Паунов, Коцевски, Данев (Осогово).
„РУДАР“ – Марковски, Кралевски, Са.Донев, Ампевски, Михајлов (Атанасов), З.Кацарски, Јаневски, Насевски (Василевски), Милев (Кузев), Јовчевски, Спасовски.
„ОСОГОВО“ – Данев, С.Манчовски, Здравков, Горгиев, Коцев, Дамески, Натков, Шуманов (Постоловски), Д.Мачовски, Данилов, Паунов (Коцевски, Арсов).

ОСОГОВЦИ ГО ОДРЖАА ВЕТУВАЊЕТО
Како што најавија пред заминувањето за Пробиштип, така се вратија. Играчите на тренерот Крсте Крстев триумфално минаа низ „градот на рударите“ и со трите освоени бода над силната екипа на „Рудар“ ја задржаа предноста пред најлутиот конкурент „Тиверија“.

Осоговци поведоа во раната фаза од натпреварот што се покажа како пресудно за конечниот резултат. Во 7’ Паунов беше проигран во празно, и не му беше тешко да ја погоди мрежата на домашниот голман. Веќе во 21’ минута „жетварите“ го зголемија водството. По една нафрлена топка последниот човек од одбраната на домаќините киксираше, тоа го искористи итриот Натков распали од прва и молк на „Градскиот стадион“ во Пробиштип.

Домаќините намалија на единаесет минути пред крајот на средбата кога Василевски со извонреден удар најпрвин ја погоди пречката а потоа топката заврши зад грбот на Данев.
​

 

[acemetal]

Осогово VS Тиверија

Заедно сме ПОСИЛНИ ! Навивачка Група СЕЈМЕНИ ве повикува 13/12/2009 12 часот ЗБИРНО МЕСТО : ГРАДСКИ ПАРК ! Oсогово ја заслужува нашата подрашка-Бидете таму !

 

[Vetrence]

Се надеваме на фер и коректно навивање од ваша страна како и добра гостопримливост.

 

[Др.Офболи]

Заедно сме ПОСИЛНИ ! Навивачка Група СЕЈМЕНИ ве повикува 13/12/2009 12 часот ЗБИРНО МЕСТО : ГРАДСКИ ПАРК ! Oсогово ја заслужува нашата подрашка-Бидете таму !

Имате ли слики,видео?

 

[ziko bt]

Имате ли слики,видео?

:pos2:од кај да имат слики утакмицата денес ке биди т.е во недела:smir:

 

[Др.Офболи]

:pos2:од кај да имат слики утакмицата денес ке биди т.е во недела:smir:

Јас не реков од денешнава од претходните прашав дали имат?

 

[Prof.Dr.Beckett]

како стои табелата во 3 лига исток?

 

[ziko bt]

Јас не реков од денешнава од претходните прашав дали имат?

добро моја грешка ама и глупо тие прашањето тие воопшто дали се собират ако се собираја досеа ке имаја клаено слики

 

[Др.Офболи]

како стои табелата во 3 лига исток?

http://www.rezultati.blog.com.mk/

 

[acemetal]

Навивачката група Сејмени, пред најзначајниот натпревар на Осогово во есенскиот дел од првенството најави фешта, и фешта имаше. Од првиот свиреж на судијата Сејмените со своето навивање како на крилја ја носеа својата екипа. Голема зрелост во навивањето покажаа и кога Осогово остана со десет играчи, но се чини дека најважната улога ја одиграа во финишот на натпреварот кога нивните љубимци се бранеа. Крајот на натпреварот го дочекаа со кренати раце, а играчите на Осогово знаеја како да им се заблагодарат. Откако добриот судија Стојанов отсуди крај на натпреварот, играчите на Осогово се качија на оградата која ги „делеше“ од Сејмените и заеднички и се радуваа на победата и на есенската титула.

„Им благодарам на Сејмените за се што направија да ни помогнат на овој натпревар. Не бодреа за цело време за што ние им возвративме со тешка но заслужена победа. Посебно би сакала да го истакнам нивното навивање во финишот на натпреварот кога нивните скандирања ни даваа некоја додатна сила за да го победиме жилавиот противник“ веднаш по натпреварот ни изјави тренерот на Осогово Крсте Крстев.

Стрелецот на единствениот гол вреден три бода Иван Митров, беше краток: „Кога појдов кон голот на гостите не размислував многу се решив на удар, топката едноставно ми легна и на моја голема радост заврши во мрежата. Им благодарам на Сејмените што ни помогнаа во овој мошне важен натпревар да дојдеме до трите бода. Голот што го постигнав им го подарувам на Сејмените“.

Драган Здравков: „Немам зборови колку сум радосен по победата. За навивачката група Сејмени само едно големо браво и благодарам од мое име и од името на сите играчи. Без нивна поддршка тешко дека ќе го постигневме ова што го постигнавме. На теренот еден час игравме со 10 играчи, но со поддршката на Сејмените како да бевме 12“.

komarec.com.mk

 

[PxFxCx]

Сејмени
http://img2.imagetitan.com/img.php?image=31_100_3553.jpg
http://img2.imagetitan.com/img.php?image=31_100_3554.jpg
http://img2.imagetitan.com/img.php?image=31_100_3555.jpg

 

[Архивист]

ЕСЕНСКИОТ ШАМПИОН ЗАПОЧНА СО ЗАСИЛУВАЊАТА
Есенскиот шампион во Третата фудбалска лига „Исток“ започна да го формира тимот кој напролет со еднакви шанси ќе јуриша на првото место заедно со екипата на „Тиверија“ од Струмица.

За да се успее во намерите за освојување на Шампионската титула потребни се нови играчи со проверен квалитет. Првата принова која ги засили редовите на „жетварите“ е Роберт Трајков (23).

Ова младо момче во „Осогово“ доаѓа од редовите на второлигашот „Дрита“ од Боговиње. Инаку Трајков кариерата ја има започнато во матичниот клуб од Турново, од каде потоа како шеснаесет годишен играч заминува во грчкиот второлигаш „Паналијакос“. Има настапувано и за „Нов Милениум“, „Муртино“ и „Беласица“.

Во Репрезентацијата на Македонија до 19 години под водството на селекторот Добре Димовски и на неговиот помошник Баже Лазаревски има одиграно 8 натпревари на кои има постигнато 5 погодоци (Србија 1; Унгарија 1; Бугарија 2 и Албанија 1).

Стручниот штаб на „Осогово“ очекува многу од овој скромен играч кој играјќи на местото класичен напаѓач треба да ја зголеми ефикасноста на екипата во пролетната сезона.

Освен Роберт Трајков на списокот на играчи кои треба во овој преоден рок да потпишат за „Осогово“ се и повратникот од „Брегалница“ – Штип, Влатко Коцев и Иван Постолов од екипата на „Силекс“.

Очигледно е дека на „сино жолтите“ им претстои светла фудбалска пролет

 

[Архивист]

ВО ОРИЗАРИ ОСОГОВО – БЕЛАСИЦА 3:0 (0:0)
ВТОРОЛИГАШОТ НА КОЛЕНА

Игралиште покрај Масалница. Гледачи: 50. Главен судија: Драганчо Јаневски. Помошници: Игор Богатинов и Благој Лазаров (сите од Кочани). Стрелци: Трајков (2) и Данилов (1) за Осогово.

ОСОГОВО – Данев, Д.Манчовски, Дамески, Здравков, Цветанов, Јанев, Постолов, Јаневски, Трајков, Митров, Јованов. (Уште играа: Митев, Коцев, Коцевски, Паунов, Горгиев, С.Манчовски, Гаврилов, Иванов, Натков, Данилов)
БЕЛАСИЦА – Цветков, Стојановски, Ристов, Јанев, Ничев, Василев, Танушев, Коњарски, Марков, Лиманов, Тимов. (Уште играа: Гетев, Дамјанов, Варадиновски, Глигоров, Иванов, Ѓоргиев, Багажовски, Јурчевски, Донев).

По сончево но мошне студено време за игра на теренот покрај Масалница во рамките на подготовките за пролетната фудбалска сезона есенскиот шампион од Третата лига исток Осогово со подобра игра особено во второто полувреме го надигра и заслужено го совлада второлигашот Беласица. Домаќините од почетокот го респектираа противникот но како времето одминуваше полека ја презимаа играта во свои раце и од неколкуте создадени поволни прилики особено во второто полувреме искористија само три и заслужено славеа. Гостите кои имаа само две прилики за гол се претставија како млада но мошне перспективна екипа на која очигледно дека ќе и треба време за да почне да функционира подобро одошто на овој натпревар.

 

[Архивист]

ОСОГОВО ЈА ЗГОЛЕМИ ПРЕДНОСТА ПРЕД ТИВЕРИЈА
Во неделата со една седмица задоцнување започнаа натпреварите од пролетниот дел на фудбалската сезона 2009/2010 во Третата Фудбалска Лига – Исток.

Уште на стартот есенскиот шампион „Осогово“ покажа дека е решен што побрзо да го реши проблемот околу освојувањето на конечното прво место. „Жетварите“ започнаа силно. Иако настапија без неколку клучни играчи, на секогаш незгодниот терен во Берово го совладаа мошне добриот домаќин „Малеш“ со резултат 3:0 (1:0), со головите на Коцев во 44’, Постоловски 49’ и Дамески 86’. Според извештаите што пристигнаа од Берово, Осогово бил посупериорен и од многуте создадени прилики за гол реализирале само три а додека домаќините освен двете поволни прилики во првиот дел ништо друго не направиле против разиграните „жолто-сини“. За одбележување е и податокот што во Берово „жетварите“ имаа голема поддршка од педесетина навивачи од популарните „Сејмени“ кои на крајот знаеја како да и се израдуваат на победата на нивните миленици.

На „воденицата“ на „Осогово“ во првото пролетно коло одеше и резултатот од Струмица, каде единствениот „конкурент“ на кочанчани „Тиверија“ како домаќин ремизираше со „Василево“ играјќи 2:2.

Вториот клуб од општината Кочани, „Младост“ од населбата Оризари беше успешен на гостувањето во Свети Николе. Со четирите погодока на расниот стрелец Славчо Наков, оризарци го торпедираа домаќинот „Овче Поле“ совладувајќи го со 4:2.

На другите натпревари постигнати се следните резултати: „Брегалница“ (Д) – „Карбинци“ 3:0, „Јака“ – „Каменица Саса“ 4:0, „Слога Филип II“ – „Мак Млин“ 4:1, „Астибо“ – „Зрновка“ 3:0 и „Младост“ (М) – „Рудар“ 1:3, слободна во ова коло беше екипата на „Злетовица“.

 

[St3]

ОСОГОВО ЈА ЗГОЛЕМИ ПРЕДНОСТА ПРЕД ТИВЕРИЈА
Во неделата со една седмица задоцнување започнаа натпреварите од пролетниот дел на фудбалската сезона 2009/2010 во Третата Фудбалска Лига – Исток.

Уште на стартот есенскиот шампион „Осогово“ покажа дека е решен што побрзо да го реши проблемот околу освојувањето на конечното прво место. „Жетварите“ започнаа силно. Иако настапија без неколку клучни играчи, на секогаш незгодниот терен во Берово го совладаа мошне добриот домаќин „Малеш“ со резултат 3:0 (1:0), со головите на Коцев во 44’, Постоловски 49’ и Дамески 86’. Според извештаите што пристигнаа од Берово, Осогово бил посупериорен и од многуте создадени прилики за гол реализирале само три а додека домаќините освен двете поволни прилики во првиот дел ништо друго не направиле против разиграните „жолто-сини“. За одбележување е и податокот што во Берово „жетварите“ имаа голема поддршка од педесетина навивачи од популарните „Сејмени“ кои на крајот знаеја како да и се израдуваат на победата на нивните миленици.

На „воденицата“ на „Осогово“ во првото пролетно коло одеше и резултатот од Струмица, каде единствениот „конкурент“ на кочанчани „Тиверија“ како домаќин ремизираше со „Василево“ играјќи 2:2.

Вториот клуб од општината Кочани, „Младост“ од населбата Оризари беше успешен на гостувањето во Свети Николе. Со четирите погодока на расниот стрелец Славчо Наков, оризарци го торпедираа домаќинот „Овче Поле“ совладувајќи го со 4:2.

На другите натпревари постигнати се следните резултати: „Брегалница“ (Д) – „Карбинци“ 3:0, „Јака“ – „Каменица Саса“ 4:0, „Слога Филип II“ – „Мак Млин“ 4:1, „Астибо“ – „Зрновка“ 3:0 и „Младост“ (М) – „Рудар“ 1:3, слободна во ова коло беше екипата на „Злетовица“.

Злетовица оддамна се откажа од натпреварување во 3-та лига Исток