Фан Kлуб: Осогово

[Архивист]

И 10 ПОГОДОКА БЕШЕ ЛОША РЕАЛИЗАЦИЈА

„ОСОГОВО“ - „ЗЛЕТОВИЦА ЦТТ-2008“ 10:0 (4:0)
Кочани. Стадион: „Никола Мантов“. Гледачи – 50. Главен судија: Стојанче Стојанов. Помошници: Крумислав Ѓорѓиев и Павле Темов (сите од Штип). Делегат: Јованчо Пилешков (Штип). Стрелци: С. Ѓорѓиев 3’ 23’ Митров 7’ 76’ Коцевски 32’ 75’ Данилов 51’ Дамески 52’ Белдедовски 80’ Постоловски 82’.

„ОСОГОВО“ – Лазаров, Коцевски, Постоловски, С.Манчовски, Шуманов, Белдедовски, С. Ѓорѓиев (Данилов), Митров, Коцев (Дамески), Паунов (Иванов), Цветанов.
„ЗЛЕТОВИЦА ЦТТ-2008“ – Антониев, Трајановски, Димитровски, Геновски, Ѓорѓиевски, Андонов (Арсеновски), Драганов, Тодевски, Тодоровски, Јордановски, Апостолов.

На отворањето на новата фудбалска сезона во Третата лига Исток се виде повторно дека во лигата ќе настапуваат екипи и рекреативни друштва. Минатогодишниот Шампион „Осогово“ добро ги „нагости“ гостите од Злетово, ги совлада само со 10:0, а доколку во нападот „жетварите“ беа посмирени можеше да постигнат уште двапати по толку погодока.

Уште со првиот погодок на Сашко Ѓорѓиев во 3 минута, беше најавено дека ќе има ревија на погодоци, а кога четири минути подоцна и Митров ја затресе мрежата на денес сепак најдобриот гостински играч, Антониев веќе беше сигурно дека злетовчани ќе доживеат вистинска катастрофа.

Гостите не покажаа ништо. Играа колку да пројде времето а и кога ќе добиеја топка гледаа што побргу да ја загубат. За деведесет минути не упатија ниту еден удар во рамките на голот на Лазаров. Головите што ги постигнаа домаќините беа плод на убави проигрувања. Се на се ако за ништо друго барем за десетте постигнати погодока вредеше да се биде на стадионот „Никола Мантов“.
​

 

[mujo]

И 10 ПОГОДОКА БЕШЕ ЛОША РЕАЛИЗАЦИЈА

„ОСОГОВО“ - „ЗЛЕТОВИЦА ЦТТ-2008“ 10:0 (4:0)
Кочани. Стадион: „Никола Мантов“. Гледачи – 50. Главен судија: Стојанче Стојанов. Помошници: Крумислав Ѓорѓиев и Павле Темов (сите од Штип). Делегат: Јованчо Пилешков (Штип). Стрелци: С. Ѓорѓиев 3’ 23’ Митров 7’ 76’ Коцевски 32’ 75’ Данилов 51’ Дамески 52’ Белдедовски 80’ Постоловски 82’.

„ОСОГОВО“ – Лазаров, Коцевски, Постоловски, С.Манчовски, Шуманов, Белдедовски, С. Ѓорѓиев (Данилов), Митров, Коцев (Дамески), Паунов (Иванов), Цветанов.
„ЗЛЕТОВИЦА ЦТТ-2008“ – Антониев, Трајановски, Димитровски, Геновски, Ѓорѓиевски, Андонов (Арсеновски), Драганов, Тодевски, Тодоровски, Јордановски, Апостолов.

На отворањето на новата фудбалска сезона во Третата лига Исток се виде повторно дека во лигата ќе настапуваат екипи и рекреативни друштва. Минатогодишниот Шампион „Осогово“ добро ги „нагости“ гостите од Злетово, ги совлада само со 10:0, а доколку во нападот „жетварите“ беа посмирени можеше да постигнат уште двапати по толку погодока.

Уште со првиот погодок на Сашко Ѓорѓиев во 3 минута, беше најавено дека ќе има ревија на погодоци, а кога четири минути подоцна и Митров ја затресе мрежата на денес сепак најдобриот гостински играч, Антониев веќе беше сигурно дека злетовчани ќе доживеат вистинска катастрофа.

Гостите не покажаа ништо. Играа колку да пројде времето а и кога ќе добиеја топка гледаа што побргу да ја загубат. За деведесет минути не упатија ниту еден удар во рамките на голот на Лазаров. Головите што ги постигнаа домаќините беа плод на убави проигрувања. Се на се ако за ништо друго барем за десетте постигнати погодока вредеше да се биде на стадионот „Никола Мантов“.
​

http://rezultati.blog.com.mk/node/244107
i godinava ke ima haops u ovoj region. samo 3 natprevari se odigraa.

 

[Гробар Мкд]

Само едно прашање... по толку големата супериорност веќе 2-3 години во 3-та лига Исток, никако неможете да влезете во 2-ра Македонска лига? Што направивте во баражот, не сум прочитал и со кој игравте? Ние од оваа недела почнуваме со Тиверија во Свети Николе, па одма потоа во среда ја играме оваа заостанатата со Василево... :smir:

 

[Архивист]

РЕШЕНИЕТО ВО ВТОРОТО ПОЛУВРЕМЕ

„ОСОГОВО“ – „ЈАКА“ 2:0 (0:0)
Кочани. Стадион: „Никола Мантов“. Гледачи-30. Главен судија: Стојанче Стојанов. Помошници: Сашо Иванов и Павле Темов (сите од Штип). Делегат: Јованче Пилешков (Штип). Стрелци: Коцев 57’, Коцевски 75’. Жолти картони: Коцев, С.Манчовски, Ѓорѓиев, Паунов, Коцевски (Осогово), Б.Арсов, Коцев, С.Јанев (Јака).

„ОСОГОВО“ – Данев, Коцевски, Постоловски, С.Манчовски, Соколовски (Митев), Митров, Коцев, Паунов, Данилов (Белдедовски), Цветанов, Љ.Ѓорѓиев (Арсов).
„ЈАКА“ – Андолиев, С.Јанев, Јашаров, Ефремов, Таранинов, Ристов, Коцев, Атанасов, Наков (Манев), Панев (Мијалов),Б.Арсов (В.Јанев)

По облачно но мошне пријатно време за игра во Кочани малобројните гледачи проследија не многу интересен натпревар во кој сепак за нијанса подобрата екипа на домаќините заслужено ги освои бодовите. Натпреварот според распоредот требаше да се игра во Радовиш но на барање на екипата на Јака поради уште неподготвениот фудбалски терен, натпреварот се одигра во „градот на оризот“.

Во првите 45 минути ништо позначајно не се случуваше, домаќините во главно напаѓаа, но нападите беа јалови, па борбените гостински играчи лесно излегуваа на крај со „жетварите“.

Во второто полувреме првата посериозна прилика за гол домаќините ја имаа во 47 минута. Коцев убаво го изведе слободниот удар од десната страна, биеше со парабола под пречката на гостите но искусниот Андолиев успеа топката да ја исфрли од под самата пречка и таа заврши во корнер. Домаќините поведоа во 57 минута. По убаво изведениот корнер од левата страна густата одбрана на радовишани ја исфрли топката вон својот шеснаесетник, на неа натрча Коцев и од околу 18 метри биеше од прва, топката заврши во левиот долен агол на немоќниот гостински голман. Конечниот резултат беше поставен во 75 минута. Повторно нафрлање од левата страна, топката дојде до итриот Коцевски кој ја зафати и таа по втор пат ја заниша мрежата на Андолиев.

По сигурното водство домаќините знаеја како да го приведат натпреварот до крај. Гостите се покажаа како мошне борбена екипа на која очигледно на новиот состав и недостасува уиграност. Натпреварот беше фер, а доделените картони се последица на мокриот и лизгав терен.
​

 

[Архивист]

ТРЕТА ПОБЕДА ПО РЕД

ОСОГОВО - МАЛЕШ 3:0 (2:0)
Кочани. Стадион „Никола Мантов“. Гледачи: 50. Главен судија: Дарко Стојанов. Помошници: Игор Филипов и Димитар Пилешков (сите од Штип). Делегат: Ванчо Саракинов (Штип). Стрелци: Паунов 9’ Митев 18’ Љ.Ѓорѓиев 82’. Жолти картони: Чавдарски, Радински, Тушевски (Малеш). Црвени картони: Коцевски (Осогово) и Ќамилов (Малеш).
„ОСОГОВО“ – М.Ѓорѓиев, Постоловски (Соколовски), С.Манчовски, Шуманов, Митров, Дамески, Коцев, Паунов (Данилов), Митев (Коцевски), Цветанов, Љ.Ѓорѓиев.
„МАЛЕШ“ – Печински, Ушевски, Ќамилов, Тушевски, Чавдарски, Зифовски, Радински, Везенковски, Гоцевски (Јовановски), Мишевски, Пачемски.

Осогово по контраверзното продолжување на првенството и по новиот распоред, по трет пат беше домаќин. Остварена е и третата победа со мошне незгодната екипа на Малеш од Берово, но не поради кој знае колку добрата игра на гостите, туку по постојаните провокации посебно од постарите играчи, кои секој момент можеа натпреварот да го воведат во „немирни води“.

„Жетварите“ почнаа агресивно по што „пензионерската“ одбрана на Малеш беше доведена неколку пати во „мат“ позиција. Сепак со головите на Паунов и Митев домаќините веќе по 18 минути игра имаа сигурно водство од 2:0. Ова беше знак гостите да се подотворат а домаќините преку брзи контра напади да создаваат прилики за гол. По повеќето неискористени сто постотни прилики за гол сепак на осум минути пред крајот мрежата на Печински по трет пат се нишаше. Шуманов силно биеше од слободниот удар од дваесетина метри, а гостинскиот голман успеа да го одбрани ударот, но за негова несреќа одбиената топка дојде до осамениот Љ.Ѓорѓиев кој од само пет метри ја упати во небранетата мрежа.

Единствената „црна дамка“ на овој натпревар се случи во 83-тата минута кога Ќамилов и Коцевски непотребно дојдоа во дуел по кој судијата Игор Филипов им го покажа патот кон соблекувалната.

​

 

[Prof.Dr.Beckett]

cestito pobeda

 

[Harry Potter]

собираме податоци од сите клубови за да ги има на новата Football Manager 2010, па ако сакате да ја има и вашиот Осогово, треба да доставите список на играчи со датум на раѓање и позиција на секој играч (пример: DC, WBL, MC, AMR, ST...)

ако сте заинтересирани, пратете ми ги информациите на приватна порака или едноставно ставете ги на форумот за македонскиот FM 2010: http://macedonianfootball.com/smf/index.php?board=17.0

 

[Архивист]

ДОБРИТЕ ВИНИЧАНИ ГО НАМАЧИЈА ОСОГОВО

„ОСОГОВО“ - „СЛОГА ФИЛИП II“ 3:2 (0:0)
Кочани. Стадион: „Никола Мантов“. Гледачи – 50. Главен судија: Мите Јованов. Помошници: Димитар Пилешков и Никола Мишевски (сите од Штип). Делегат: Кирчо Атанасов (Штип). Стрелци: Арсов 50’ Митев 55’ Натков 78’ (Осогово), Михајлов 62’(пенал) Петров 75’. Жолти картони: Коцевски, С. Манчовски, Д. Манчовски (Осогово), Костадинов, Николов, Ампов, Димитров (Слога Филип II). Црвен картон: Димитров (Слога Филип II).
„ОСОГОВО“ – М.Ѓорѓиев, Коцевски (Љ.Ѓорѓиев), Постоловски, Арсов, Шуманов, Белдедовски (Здравковски), Митров, Митев, Натков, Иванов (С.Манчовски), Д.Манчовски.
„СЛОГА ФИЛИП II“ – Довичински, Костадинов (Стојанов), Б.Димитров, О.Димитров, Михајлов, Михаилов, Николов (Алексов), Ампов, Илиев, Петров, Коцев.

Натпреварот помеѓу секогаш „лутите“ комшии покажа дека во фудбалот е се готово кога ќе биде готово. Високиот пораз што Виничани во претходното коло го доживеаја на свој терен од екипата на Зрновка како да ги успа играчите на Осогово. Играа колку да одиграат и како да очекуваа победата сама да им дојде од некаде. Во првото полувреме гледачите ништо не видоа од натпреварот, освен неколкуте полу шанси на двете страни, од кои оние на екипата од Виница беа повеќе на број.

Но по се изгледа критиките од тренерот Крстев на полувремето ги размрдаа „подзаспаните жетвари“ па во вторите 45 минути се виде дека ќе одат на победа што само со труд ќе можат да ја остварат. Во 50 минута по една убаво нафрлена топка од десната страна највисок во скокот беше Арсов и со глава ја упати топката во небранетиот дел од голот на инаку сигурниот Довичински. Само пет минути подоцна Митев ја надмудри гостинската одбрана, го мина и голманот Довичински и топката ја пласираше по земја во празната мрежа. И тука Осогово повторно застана.

Гостите тоа го искористија и во 62 минута по оправдано досудениот пенал го намалија резултатот. Михајлов биеше по земја, голманот Ѓорѓиев го прочита се фрли на таа страна но ударот беше силен и под неговото тело топката заврши во мрежата. Во 75 минута ладен туш за малубројните гледачи. О.Димитров биеше силно од дваесетина метри, Ѓорѓиев со убава парада одбрани но на негова несреќа топката се одби до слободниот Петров кој непречен од никого биеше и ја затресе мрежата на домаќините со што го изедначи резултатот.

Сепак благодарение на искусниот Натков домаќините ги освоија бодовите. Натков во 78 минута убаво го изведе слободниот удар од дваесетина метри упатувајќи ја топката во самиот горен десен агол на овој пат немоќниот Довичински. По голот на тревата се најде ветеранот на Осогово, Здравков, а судијата Јованов кој патем да кажеме дека со грешки го водеше натпреварот му покажа црвен картон на гостинскиот играч О. Димитров.

На крајот Осогово победи но и да завршеше средбата нерешено немаше да биде незаслужено бидејќи гостите од срце играа за својот клуб и беа на дофат на еден за нив драгоцен бод.

​

 

[Маск]

Изгубивте денес,оваа година сте слаби..

 

[Архивист]

ТРЕТА ФУДБАЛСКА ЛИГА ИСТОК

„ОСОГОВО“ – „БРЕГАЛНИЦА“ Д. 1:0 (0:0)
Кочани. Стадион: „Никола Мантов“. Гледачи – 50. Главен судија: Стојанче П. Стојанов. Помошници: Стојанче Д. Стојанов и Никола Мишевски (сите од Штип). Делегат: Горанчо Трајчев (Карбинци). Стрелци: Митров 72’ (Осогово). Жолти картони: Д. Манчовски, Митев, Данилов, Коцев, Митров (Осогово), Гоцевски, Трајановски, Ѓеорѓиевски (Брегалница Д.). Црвени картони: Д. Манчовски (Осогово), Ѓеорѓиевски (Брегалница Д.).
„ОСОГОВО“ – Данев, Коцевски, Постоловски (Данилов), Здравков (Коцев), Арсов, Шуманов, Митров, Митев (Белдедовски), Цветанов, Љ. Ѓорѓиев, Д. Манчовски.
„БРЕГАЛНИЦА“ Д. – Димовски, Борковиќ, Шонтевски, Златковски, Стаменовски, Стојчевски, Гоцевски, Николовски, Пешовски, Ѓеорѓиевски, Трајановски.

МИТРОВ ЈА ДОНЕСЕ РАДОСТА
По дождливо време и терен лизгав за игра гледачите видоа еден борбен но не и многу квалитетен натпревар. Токму лизгавиот терен беше причина да нема квалитет во играта на двете екипи бидејќи топката беше брза и на моменти не можеше да се контролира.

Малобројните гледачи во првите 45 минути не видоа речиси ништо. Домаќините беа тие кои ја диктираа играта но нивните напади беа јалови и гостинската одбрана лесно излегуваше на крај со нив. Единствената полу прилика за гол „жетварите“ ја имаа во средината од полувремето, но Љ.Ѓорѓиев не се снајде најдобро и шансата отиде во неповрат.

Од стартот на второто полувреме се виде дека „Осогово“ е решено да ги освои трите бода. Со игра по крилните позиции го освојуваа побрзо теренот и шансите една по една почнаа да се нижат. Во 54’ Данилов убаво влезе во казнетиот простор на гостите, но премногу се местеше и шансата пропадна. По него следуваа шансите на Љ.Ѓорѓиев (58’ и 63’) и Митров но мрежата на Даниловски и понатака мируваше. Правдата беше задоволена во 72’. Една длабочински топка по левата страна еден гостински играч не успеа да ја исфрли во корнер, до неа дојде упорниот Љ.Ѓорѓиев кој ја стигна на самата корнер линија и веднаш испрати одличен центар – шут, акцијата ја следеше Митров кој за чудо беше сосема сам на 7-8 метри од гостинскиот гол, ја зафати со глава и таа на радост на домашните играчи и навивачи заврши зад грбот на Димовски.
До крајот домаќините задоволни од водството ја затворија играта и не дозволија гостите за Делчево кои патем да кажеме не упатија ниту еден шут кон голот на Данев, да однесат барем бод. Се на се заслужена победа на „Осогово“. Главниот судија покажа 8 жолти и 2 црвени (повторени жолти) картони кои беа плод на лизгавиот терен, а никако на некаква груба игра од која и да е екипа.

Резултати: „Каменица Саса“ – „Тиверија“ 1:1(прекината во 65’); „Мак Млин“ – „Карбинци“ 3:6; „Рудар“ – „Младост О“. 4:2; „Злетовица“ – „Василево“ 0:2; „Зрновка“ – „Овче Поле“ 5:2; „Астибо“ – „Слога Филип II“ 4:0; „Малеш 1919„ – „Плачковица Јака“ (одложена). Слободен: „Младост М“.
​

 

[Архивист]

ИГРАЧИТЕ И УПРАВАТ ЗАСТАНАА ЗАД КЛУБОТ

Само нешто повеќе од 24 часа по прес конференцијата на челните луѓе и на некои играчи на Ф.К. „Осогово“ денес (петок) ни се обратија група членови од управата на клубот и ни соопштија дека играчите и управата цврсто решиле да не дозволат да згасне клубот, туку дека овие натпревари ќе се обидат од свој џеб да ги финансираат, што значи дека „Осогово“ во недела сепак ќе отпатува на натпреварот со „Овче Поле“.

Потегот е за поздравување бидејќи како што сме информирани, веднаш по тренингот во петокот играчите цврсто изразиле желба дека сакаат да играат за својот клуб и дека нема да дозволат некој да си поигрува и со нивните нерви а и со реномето кое еден клуб го градел цели 85 години.

Ако со ваква мисла водилка „Осогово“ ја заврши полусезоната тоа би требало да влезе во аналите на спортот за тоа како се сакаат и се почитуваат боите на својот клуб.
​

 

[Архивист]

ТРЕТА ЛИГА ИСТОК

„ОСОГОВО“ – „ВАСИЛЕВО“ 2:0 (2:0)
Кочани. Стадион: „Никола Мантов“. Гледачи-50. Главен судија: Зоран Саздовски. Помошници: Никола Мишевски и Ристе Горгиев (сите од Штип). Делегат: Митко Зарков (Штип). Стрелци: Арсов 30’32’ (Осогово). Жолти картони: Дамески (Осогово), Стојменов, Горгиев (Василево).
„ОСОГОВО“ – Лазаров, С.Манчовски, Коцевски, Постоловски (Гаврилов), Арсов, Горгиев (Здравков), Митров, Дамески, Шуманов, Д.Манчовски, Митев (Натков).
„ВАСИЛЕВО“ – Тимов, Шавиев, Митев, Илиев, Донев, Јусеинов, Стојменов (Мустафов), Панов, Горгиев, Ристовски, Фетиов.

АРСОВ ЈА ДОНЕСЕ ПОБЕДАТА
По сончево и убаво време за игра во еден интересен натпревар домаќините за две минути успеа да го скрши отпорот на солидната екипа на Василево и да прокнижи уште два драгоцени бода на своето конто.

Натпреварот почна со иницијатива на „жетварите“ а гостите својата шанса ја гледаа од контра нападите. Домаќините напаѓаа а гранитната одбрана на гостите не дозволи сепак да создадат некоја посериозна шанса за погодок. Двата обиди на кочанчани од далечина завршија во рацете на сигурниот гостински голман Тимов. Сепак во 30 минута Тимов капитулираше. Денес одличниот Арсов доби топка на 14 метри од гостинскиот гол, убаво ја зафати, но на патот кон гостинскиот гол таа удри во еден одбранбен играч го смени правецот и заврши во долниот лев агол. Гостите уште не се отрезнија од водството на Осогово а веќе беше 2:0. Домаќините изведоа слободен удар од десната страна, највисок во гостинскиот шеснаесетник беше повторно Арсов ја зафати топката со глава и таа отседна во долниот лев агол на немоќниот Тимов. Со тој резултат се замина на одмор.

Второто полувреме започна со поотворена игра на гостите. Тие ја имаа повеќе топката во нозете но немаа расположен играч да направи нешто повеќе. Додека во вториот дел „црвено-црните“ од Василево играа домаќините успешно се бранеа а својата шанса ја гледаа од контра напади. Сепак во вториот дел возбудувањата изостанаа. Единствено во 68 минута гостите по една центрирана топка бараа пенал но денес одличниот судија Саздовски покажа играта да продолжи. Дека судијата беше во право потврдува ТВ снимката каде убаво се гледа дека домашниот играч топката го погоди во раката која беше залепена за телото.

Се на се коректен и добар натпревар кој судиската тројка од Штип мошне добро го отсуди.

Резултати од IX коло: „Осогово“ – „Василево“ 2:0; „Мак Млин“ – „Тиверија“ 1:1; „Зрновка“ – „Младост О.“ 4:2; „Астибо“ – „Брегалница“ 3:1; „Младост М.“ – „Слога Филип II“ 4:1; „Рудар“ – „Каменица Саса“ 1:3; „Малеш“ – „Овче Поле“ (одложена); „Плачковица Јака“ (слободна); „Карбинци“ (слободен по дисквалификацијата на „Злетовица СТТ Црешово топче 2008“).

​

 

[Архивист]

ТРЕТА ЛИГА - ИСТОК

МЛАДОСТ О. - ОСОГОВО 2:4 (1:2)
Оризари. Терен покрај Масалница. Гледачи-200. Главен судија: Горан Горгиев. Помошници: Благој Лазаров и Спире Арсов (сите од Кочани). Делегат: Тодорче Гигов – Свети Николе. Стрелци: Ивица Митев 45’ Манев 81’ (Младост О.), Коцев 15’ Натков 28’75’ Данаилов 89’ (Осогово). Жолти картони: Николовски (Младост О.), Коцев, Коцевски, Митров, Д.Манчовски (Осогово).

„МЛАДОСТ О.“- Дончев, Ивица Митев (С.Николов), Николовски, Спасевски, Манев, Соколов, Ангелов, Јаневски, Наков, Јанев, Игор Митев (М.Николов).
„ОСОГОВО“ – Лазаров, С,Манчовски, Коцевски (Паунов), Горгиев (Здравков), Коцев (Арсов), Митров, Дамески, Натков, Шуманов, Д.Манчовски, Данаилов.

ЛОКАЛНОТО ДЕРБИ ЗА ОСОГОВО
По сончево но мошне студено време локалното дерби од Третата фудбалска лига Исток заслужено му припадна на Осогово. Домаќините кои се спој на младост и искуство како да изгореа во желбата за победа, повеќе грешеа што мошне добрите играчи на „жетварите“ го искористија и на брзина постигнаа два гола што се покажаа како пресудни за конечниот исход.

Осогово уште во првата минута можеше да поведе но Коцевски од само неколку метри биеше покрај голот. Сепак во 15’ гостите поведоа. Беше изведен слободен удар киксираше потесната одбрана на домаќините па на Коцев не му беше тешко топката да ја упати во небранетиот дел од мрежата на немоќниот Дончев. Тринаесет минути подоцна веќе беше 0:2. Натков изведе слободен удар од триесетина метри а Дончев направи почетничка грешка и дозволи топката да му помине низ нозете и отседне во мрежата. Во финишот на првото полувреме домаќините го намалија резултатот. Манев биеше од слободен удар, Лазаров ја одби топката која дојде до осамениот Ивица Митев на кого не му беше тешко од само 2-3 метри ја упати во голот на Осогово.

Во второто полувреме Осогово беше многу подобра екипа. Гостите предводени од брзиот Натков создадоа неколку убави прилики за гол но Дончев ги спаси овој пат домаќините и се извади за грешката во 28’. Петнаесетина минути пред последниот свиреж на судијата, Шуманов во празно го проигра брзиот Натков кој од својата половина изби сам и рутинирано ја заниша мрежата на домаќините. Сепак ветеранот Манев го направи интересен финишот откако по нафрлената топка на Наков од десната страна биеше со глава и го совлада Лазаров. Конечниот резултат го постави Данаилов во 89’ минута кога по корнерот, непречен од никого со глава биеше за 2:4.

Натпреварот беше фер и коректен а судијата Горан Горгиев со своите помошници одлично го отсуди.

​

 

[Архивист]

ТРЕТА ФУДБАЛСКА ЛИГА - ИСТОК

ОСОГОВО – КАРБИНЦИ 6:4 (2:1)
Кочани. Стадион: „Никола Мантов“. Гледачи-100. Главен судија: Влатко Ситновски (Каменица). Помошници: Тоше Џамов и Спире Арсов (двајцата од Кочани). Делегат: Кирчо Темчев (Каменица). Стрелци: Дамески 24’(пенал) 42’ Арсов 53’85’ Натков 64’ Постоловски 74’ (Осогово), Јованов 26’ Темелков 65’75’ Белташев 78’ (Карбинци). Без картони.
„ОСОГОВО“ – Ѓорѓиев, Белдедовски (Шуманов), Постоловски, Здравков (С.Манчовски), Арсов, Иванов, Дамески, Митев, Гаврилов, Велков, Паунов (Натков).
„КАРБИНЦИ“ – К.Велинов, Спасов, Д.Стојанов, З.Стојанов, Ј.Велинов, Анѓелов, Зафиров, Јованов (Темелков), Гигов, Левков, Тасков (Белташев).

РЕВИЈА НА УБАВ ФУДБАЛ И ГОЛОВИ

Во интересна но и мошне ефикасна игра и двете екипи прикажаа добар но пред се и ефикасен фудбал. Осогово постојано беше во водство но одличната екипа на Карбинци секогаш се надигруваше и постигнуваше голови што домаќините ги присили да стравуваат за резултатот до последниот свиреж на судијата.

Резултатот беше откриен во 24 минута по оправдано досудениот пенал за домаќините. Сигурен реализатор на најстрогата казна беше Дамески. Гостинскиот голман ја прочита намерата на Дамески но ударот беше доста прецизен и заврши во мрежата. Само две минути по водството на домаќините, по една грешка на домашната одбрана топката ја прифати Јованов изби сам пред домашниот голман и рутинирано ја пласираше топката во мрежата. Сепак на одмор се отиде со водство на домаќините. Беше изведен слободен удар од десната страна, на топката натрча Дамески и го смени правецот и таа заврши зад грбот на К. Велинов.

Во второто полувреме ревија на убави голови. Најпрвин Арсов со глава убаво нафрлената топка од корнер ја спроведе во мрежата, за да во 64 минута Натков по убавиот пробив на Гаврилов го зголеми водството на „жетварите“. Но не помина ниту една минута а некогашниот играч на Осогово, Темелков успеа да ја намали негативата откако по едно убаво проигрување остана сам на десет метри од голот на Ѓорѓиев. Во 74 минута Постоловски откако изби сам го матираше гостинскиот голман. Но одличните гости не се предаваа така лесно. За само три минути постигнаа два гола и ја вратија неизвесноста. Најпрвин Темелков со волеј удар постигна вистински евро-гол а само три минути подоцна по убаво изведениот слободен удар од Темелков, Ѓорѓиев ја одби топката која дојде до ново влезениот Белташев и по четврти пат се заниша мрежата на домаќините. Ревијата на голови ја затвори Арсов на пет минути пред крајот на средбата откако по убавото проигрување изби сам од десната страна и рутинирано го совлада сепак денес добриот К. Велинов.

Судиската тројка немаше тешка задача бидејќи двете екипи играа крајно фер и коректно. Домаќините денес настапија без пет играчи од првиот состав кои поради „жолтица“ паузираа на овој натпревар.​

 

[Архивист]

ТРЕТА ЛИГА ИСТОК

„ОСОГОВО“ – „МАК МЛИН“ 7:4 (6:3)
Кочани. Стадион „Никола Мантов“. Гледачи – 150. Главен судија: Никола Мишевски. Помошници: Зоран Саздовски, Ристе Горгиев (сите од Штип). Делегат: Штерјо Горгиев – Свети Николе. Стрелци: Коцев 5’ Натков 8’9’32’ Митров 14’37’ Постоловски 70’ (Осогово), Бојаџиев 18’28’ Горгиев 42’ Заов 75’ (Мак Млин).
„ОСОГОВО“ – Георгиев (Данев), С.Манчовски, Постоловски, Здравков, Коцев (Белдедовски), Митров (Паунов), Дамески, Натков, Шуманов, Д.Манчовски, Данаилов.
„МАК МЛИН“ – Јованов, Шахинов, Дивчов, Костов, Стојчев (Стефанов), Иванов, Постолов, Бојаџиев, Горгиев (Ефтимов), Заов, Илиев (Марков).

ФУДБАЛ ЗА ГЛЕДАЧИТЕ
„Осогово“ и „Мак Млин“ по студено време пред задоволителен број на гледачи за оваа лига одиграа натпревар во кој беа создадени голем број на поволни прилики и беа постигнати единаесет погодоци.

Серијата на ревија голови ја отворија домаќините во 5’. Коцев беше побрз од своите чувари, изби сам и го совлада немоќниот Јованов. Гледачите уште доаѓаа на натпреварот а домаќините веќе водеа со 3:0. Најпрвин во 8’ Натков вешто избегна една лошо поставена офсајд стапица, изби сам и по втор пат го матираше гостинскиот голман, за да веднаш потоа во наредната минута по лошо упатениот центар-шут на Натков погреши гостинскиот голман Јованов и дозволи мрежата да му се затресе по трет пат. Во 14’ се навестуваше дебакл на гостите. Митров доби топка во празно изби сам на 40 метри од гостинскиот гол, а кога дојде на пет метри од голманот рутинирано го совлада. Ова брзо водство како да ги отрезни играчите на „Мак Млин“. Конечно почнаа да играат фудбал. Создадоа неколку шанси а искористија две. По корнерот Бојаџиев убаво се снајде во шеснаесетникот на Георгиев, биеше од прва топката закачи некого, го смени правецот и низ „шума“ на нозе ја затресе мрежата на домаќините. Истиот играч по убавото проигрување биеше од десеттина метри малку откосо и по втор пат го совлада немоќниот Георгиев. Домаќините од 32’-37’ возвратија со два нови погодока. Најпрвин Натков од само неколку метри одличниот центар-шут го претвори во гол а потоа и Митров уште еднаш се запиша во листата на стрелците кога од седум метри непречен од никого го совлада немоќниот Јованов. Серијата на одлични погодоци во првото полувреме ја затвори ветеранот Блашко Горгиев, кој откако доби повратна топка од Бојаџиев биеше од прва од работ на шеснаесетникот и го погоди самиот горен десен агол на немоќниот Георгиев.

Во второто полувреме и двете екипи како да беа задоволни од постигнатото во првото полувреме. Играа смирено без некој поголем жар и затоа гледачите видоа само два погодока. Најпрвин Постоловски со удар од петнаесетина метри го матираше Јованов за да само пет минути подоцна Заов од два обида го совлада Данев.

По овој единаесетти погодок играта сосема падна. Играчите изморени од високото темпо како одвај да чекаа сигурниот судија Мишевски да отсвири крај на оваа мошне ефикасна средба.

​