Ние ако имавме сериозни амбиции за титула немаше никаква потреба воопшто да ги потпишеме Танкоски, Крсманчиќ и Маргели.
Ајде за последниот и покрај тоа што бевме големи скептици, имавме некоја ситна надеж дека може да изненади, другите двајца ни беа добро познати и јасно беше дека го немаат потребниот квалитет.
Многу лошо пазаревме летото и направивме еден куп нелогични потези кои не може да си ги дозволи екипа со буџет како нашиот.
На платен список имаме 22 ракометари, мислиш на 5 фронта играме.
- Која е улогата на Марко Богдановски како трет голман?
- Која е улогата на Ќосевски кој цел живот е трето десно крило?
- Која е улогата на Марио Стојановски како трето лево крило?
- Зошто го потпишавме Томче Стојановски како дефанзивец ако веќе го задржавме Мело?
- Зошто го потпишавме Стаменковиќ кога веќе ги имаме Томи и Маргели на таа позиција?
Сите овие се млади играчи и за нивни години е најлошо нешто да бидат трета опција на нивната позиција.
Подобро и за нив и за Вардар ќе биде да раскрстат што побрзо, ако веќе не се во плановите на тренерот и не добиваат минутажа.
Сум кажал и претходно, не може екипа што има амбиции за титула да потпишува играчи како Хансер, Мело, Маргели, Бакар или тој Норвежанецот што беше на проба.
Такви трансфери се погодуваат 1 од 10 и тоа може да си дозволат екипи како Тиквеш или Бутел, што немаат некои големи амбиции па може да чекаат вака да погодат некој играч од тепка.
Титула се освојува со проверени сили и квалитетни играчи од кои знаеш што можеш да очекуваш, а тука мислам дека Пелистер е далеку пред нас и ќе биде апсолутен фаворит за титула.
