ЕМЕНТАРНИЦА 55 (СКОПЈЕ) НИЗ ПРИЗМАТА НА БРОЈКИТЕ ВО ЕСЕНСКИОТ ДЕЛ ВО СЕЗОНАТА 2007/08
Можностите се далеку од желбите
*Цементарница 55 оваа сезона се врати во елитата, амбициите беа да се повторат резултатите од минатото кога овој клуб секогаш беше при врвот на табелата, го освојуваше Купот, играше во Европа. Оваа есен е дијаметрално различна, со триумф во последното коло го препушти "фенерот". По с$ изгледа, моменталните можности се далеку од желбите. Цементарница 55 ја чека пеколна пролет. Ќе се спаси ли од најлошото?
Да. Точно. Моменталните можности и квалитети се далеку од можностите и амбициите. Тие се во расчекор во таборот на Цементарница 55. Овој клуб оваа сезона се врати експресно во нашата фудбалска елита, овој клуб во минатото секогаше се бореше за врвот на табелата, го освојуваше националниот Куп и играше во фудбалска Европа. Оваа есен пак е дијаметрално различна, имено со триумф во последното коло го препушти "фенерот" на Башкими. Долго, долго време "цементарците" беа последни, но се спасија во последен час од таа позиција. Па така оваа екипа ја чека пеколна пролет во борбата за опстанок. Ќе успее ли да се спаси од најлошото? Има желби, има мотиви, но дали ќе добие и квалитет, останува да видиме во зимскиот преоден рок.
Сепак, ако нешто треба да се одбележи тоа што единствено "цементарците" на "Градски" кога биле домаќини одиграа нерешено и останаа непоразени. Колку да се знае.
С$ почна со реми дома против Шкендија 79 кога беше 1:1. Следуваа петте порази по ред од Милано, Работнички К во Кисела Вода, Македонија ЃП, Победа и Ренова. И конечно триумф во 7. коло. Башкими беше "прегазен" со 3:0. На следниот меч како домаќини играа против Вардар 2:2, водеа со 2:0, но на крајот не издржаа под налетот на фаворитот. На таа средба "цементарците" покажаа можеби најмногу. Во Битола нов пораз, а потоа дома реми со Силекс. На тој меч се спасуваа "цементарците". Во Кичево ништо ново, пораз, во Тетово со Шкендија 79 исто така. Па потоа пак нов пораз од Милано, сега како домаќини. И дојде тој момент кога Работнички К дома не успеа да победи, "херојска" борба на гостите. Следуваа очекувани порази од Македонија ЃП и Победа за на крајот во последните две кола да триумфира со Ренова и Башкими.
З. Ѓоршоски
ТОП ФУДБАЛЕР
Зе Карлос Фиљо
Како позајмен фудбалер на Вардар Бразилецот во целост ги оправда очекувањата на раководството на прволигашот од Кисела Вода. Особено блескаше на средбата токму со Вардар. Вкупно одигра единаесет натпревари со 820 минути. Постигна четири голови и двапати беше најдобар играч на еден натпревар. Токму затоа Зе Карлос е најдобриот "цементарец" во оваа есен. Штета за клубот, зошто Вардар има намера да си го врати.
Петмина играчи на натпревари
На 18 натпревари колку што одигра екипата на Цементарница 55, само петмина фудбалери биле најдобри играчи. Бразилецот Зе Карлос Фиљо бил двапати најдобар, додека другиот Бразилец Тиаго, Милевски, Ристовски и искусниот капитен Горан Христовски само по еднаш го понеле епитетот играчи на натпревари.
Димитровски најстандарден
Младиот стопер Божидар Димитровски е најстандардниот фудбалер на Цементарница 55. Единствено само тој беше на теренот во сите можни 1620 минути. По него следува Благоја Милевски со 1530 минути. Трет е Брњачевски со 1323 минути, четврти е пак Ивановски со 1234, а петти Игор Ангеловски, кој одигра 1213 минути. Инаку, најмалку, само 11 минути, на теренот престојуваше Стојановски. Од друга страна дресот на "цементарците" го носеле дури 30 фудбалери во изминавата есенска полусезона.
Три победи на "цементарците"
Прволигашот од Кисела Вода одигра 18 средби на кои освои вкупно 13 бодови па така го зазеде претпоследното 11. место. Победи трипати, еднаш повеќе одигра нерешено, а загуби на единаесет натпревари. Откако е прволигаш ова е една од најслабите сезони на оваа екипа.
Седуммина стрелци
Тимот на Цементарница 55 во првата полуетапа не може да се пофали со којзнае колкава ефикасност. Имено, на 18 натпревари постигна само 17 голови. Со по четири погодици најефикасни се Бразилците Зе Карлос Фиљо и Тиаго. Два гола постигнаа Ангеловски, Михајлов и Спасовски, додека само по еднаш во листата на стрелците се запишале Ристовски и Белчев. 17. гол го постигна Гешоски од Победа, кој си даде автогол. Инаку, Цементарница 55 примила 27 голови, што во просек е помалку од по два гола на средба.
Вкупно постигнати голови: 17
како домаќин: 9
како гостин: 8
прво полувреме: 11
второ полувреме: 6
Вкупно примени голови: 27
како домаќин: 10
како гостин: 17
прво полувреме: 14
второ полувреме: 13
Ништо ново, лоша посета
Ништо ново барем кога се работи за Цементарница 55. Оваа екипа отсекогаш припаѓала на оние тимови кои се најслабо посетени. Па традицијата се повторува. На 18 средби "цементарците" ги следеле вкупно 13.000 гледачи, бројка која беше доволна само за претпоследното, 11. место. Кога играла дома Цементарница 55 ја следеле само 3.800 гледачи, а како гостин вкупно 9.200. Најмногу гледачи дома имало на средбата со Вардар, 1.000, а како гостин во Тетово кога со Шкендија 79 ја следеле 5.000 гледачи.
Петковски три пати "свирел"
Кога играла екипата на Цементарница 55 вкупно единаесет луѓе во црно ја делеле правдата. Од нив најмногу, трипати, главен арбитар била Зоран Петковски (Велес), додека по двапати суделе Зоран Бошков (Неготино), Марјан Маркоски (Охрид), Александар Ставрев (Скопје), Стевче Шулески (Охрид), Марјан Ецкоски (Охрид). А по еднаш суделе Владимир Кипријановски (Скопје), Жарко Димески (Прилеп), Горан Спиркоски (Прилеп), Дејан Јакимовски (Скопје) и Стојанче Стојанов (Штип).
Нема црвени за "цементарците"
"Цементарците" важат за едни од најдисциплинираните фудбалери во нашата Прва лига. Интересно е тоа што немаат заработено црвени картони. Што се однесува, пак, до жолтите картони, нив ги имало вкупно 40 опомени. На табелата на фер - плеј оваа екипа се наоѓа на второто место. Најмногу жолти картони, седум, добил Драган Јаковлевски, по шест имаат Игор Ангеловски и Благоја Милевски. Инаку, вкупно 18 играчи добиле жолти картони во оваа есен.
Еден "за" и два "против" пенали
И оваа рубрика е сиромашна барем што се однесува до Цементарница 55. Имено, само три пенали се покажани на сите 18 натпревари. И тоа само еден "за" и истиот е реализиран од страна на Бразилецот Тиаго на средбата од првото коло против Шкендија 79, додека двата пенала "против" се свирени на средбата со Ренова во Тетово. Арѓент Беќири погодил, додека Дарко Савески не успеа да го совлада голманот Мартин Богатинов.
ТАБЕЛА
10. Шкендија 79 18 4 4 10 10:24 16
11. ЦЕМЕНТАРНИЦА 55 18 3 4 11 17:27 13
12. Башкими 18 3 2 13 22:45 11
РЕЗУЛТАТИ ВО ЕСЕНСКИОТ ДЕЛ
ЦЕМЕНТАРНИЦА 55 - ШКЕНДИЈА 79 1:1
МИЛАНО - ЦЕМЕНТАРНИЦА 55 5:1
ЦЕМЕНТАРНИЦА 55 - РАБОТНИЧКИ К 0:1
МАКЕДОНИЈА ЃП - ЦЕМЕНТАРНИЦА 55 1:0
ЦЕМЕНТАРНИЦА 55 - ПОБЕДА 0:2
РЕНОВА - ЦЕМЕНТАРНИЦА 55 2:0
ЦЕМЕНТАРНИЦА 55 - БАШКИМИ 3:0
ЦЕМЕНТАРНИЦА 55 - ВАРДАР 2:2
ПЕЛИСТЕР - ЦЕМЕНТАРНИЦА 55 2:1
ЦЕМЕНТАРНИЦА 55 - СИЛЕКС 1:1
НАПРЕДОК - ЦЕМЕНТАРНИЦА 55 2:1
ШКЕНДИЈА 79 - ЦЕМЕНТАРНИЦА 55 1:0
ЦЕМЕНТАРНИЦА 55 - МИЛАНО 1:2
РАБОТНИЧКИ К - ЦЕМЕНТАРНИЦА 55 0:0
ЦЕМЕНТАРНИЦА 55 - МАКЕДОНИЈА ЃП 0:1
ПОБЕДА - ЦЕМЕНТАРНИЦА 55 4:3
ЦЕМЕНТАРНИЦА 55 - РЕНОВА 1:0
БАШКИМИ - ЦЕМЕНТАРНИЦА 55 0:2
ПЛАСМАН ОД КОЛО ВО КОЛО
ФУДБАЛЕРИ И МИНУТАЖА
ФУДБАЛЕР 1 2 3 4 5 6 7 8 9 10 11 12 13 14 15 16 17 18 ВК. ГОЛ
ГРОШЕВ 90 90 / / / / / 90 90 / / / / / / / / / 360 /
В. ПАНДЕВ 90 90 / / / / / / / / / / / / / / / / 180 /
ДИМИТРОВСКИ 90 90 90 90 90 90 90 90 90 90 90 90 90 90 90 90 90 90 1620 /
МИЛЕВСКИ 90 90 90 90 90 90 90 90 / 90 90 90 90 90 90 90 90 90 1530 /
МЕДИЌ 90 47 / / / 17 65 81 45 / / / 14 25 14 / / 14 412 /
ТУНЕВСКИ 66 90 90 90 28 / / 90 90 90 67 / / / 78 58 14 90 941 /
ИВАНОВСКИ 24 6 / 81 90 90 25 32 90 90 81 90 85 90 90 90 90 90 1234 /
АНГЕЛОВСКИ 90 66 78 79 90 90 90 90 / 90 90 90 90 90 90 / / / 1213 2
БРЊАЧЕВСКИ 90 90 90 90 90 90 90 90 90 77 90 90 90 90 76 / / / 1323 /
МИХАЈЛОВ 90 90 26 11 19 / 4 / / / / 10 5 / 12 13 12 76 368 2
СПАСОВСКИ 58 90 90 90 71 58 75 68 65 13 9 / 90 65 53 65 66 / 936 2
ЈАКОВЛЕВСКИ 32 90 90 90 90 73 90 58 / / 23 45 76 82 / 90 76 / 1005 /
ТИАГО 39 / / / 62 / / / 90 90 90 90 90 90 90 90 90 / 911 4
МАНЕВСКИ 51 / / 66 / / / / / / / / / / / / / / 117 /
НЕДЕЛКОВСКИ / 37 30 / 28 / / / / / / / / / / / / / 95 /
КОНЕСКИ / 24 / / / / / / / / / / / / / / / / 24 /
БОГАТИНОВ / / 90 90 90 90 90 / / 90 90 90 90 90 90 / / 90 1080 /
ТОДОРОВСКИ / / 90 90 90 90 90 90 90 60 45 90 82 90 / 90 / 90 1177 /
КОСТАДИНОВСКИ / / 70 / / / / / / / / / / / / / / / 70 /
ХРИСТОВСКИ / / 64 9 / 82 90 / 90 90 90 / / 10 / / 90 88 703 /
РАНГОТОВ / / 12 24 62 32 15 22 / / / / / / / / / / 167 /
ТРИПУНОВ / / / / / 8 / / / / / / / / / / / / 8 /
ЗЕ КАРЛОС ФИЉО / / / / / 90 86 90 90 90 90 80 90 80 90 / 24 / 820 4
СТОЈАНОВСКИ / / / / / / / 9 / / / / / / / / / 2 11 /
ПЕТРОВСКИ / / / / / / / / 45 / / 45 / / / 25 / 19 134 /
РИСТОВСКИ / / / / / / / / 25 30 45 43 8 / 27 32 74 71 355 1
СТЕФАНОВСКИ / / / / / / / / / / / 47 / / / / / / 47 /
БЕЛЧЕВ / / / / / / / / / / / / / 8 90 90 90 90 368 1
НУРЕДИНОВСКИ / / / / / / / / / / / / / / / 90 90 / 180 /
БЛАЖЕВСКИ / / / / / / / / / / / / / / / 77 90 90 257 /
Copyright © 2004 Македонски Спорт 2004 
httpool_src = 'http://ad.httpool.com/js.ng/site=mksport&targetsite=mksport&AdSize=1x1&PagePos=1'; now = new Date(); var ran = "" + now.getTime(); document.write ('');
