Тасовски потпишува со Фершпед Работнички
Кошаркарскиот репрезентативец на Македонија, крилото Диме Тасовски, денеска треба да го потпише договорот со Фершпед Работнички. Тасовски ги договорил сите детали со управата на „шпедитерите“ и денеска ќе го парафира договорот кој ќе биде со важност од две години. - Можам да потврдам дека Тасовски ќе биде наш член во претстојната сезона. Денеска треба само да се официјализира трансферот, откако ќе го завериме на нотар. Со тоа полека се склопува мозаикот во екипата за која мислиме дека ќе биде доволно конкурентна. На крилната позиција бевме малку послабо покриени, па со доаѓањето на играч од калибарот на Тасовски и таа празнина е пополнета - вели спортскиот директор на најтрофејниот македонски клуб, Горан Костовски.
Ф. Работнички, кој во новата сезона ќе игра во домашното првенство и во Балканската лига, во преодниот рок од Струмица го доведе и бекот Тони Грнчаров. Од странците, клубот ги пријави староседелците Филиповиќ и Зивчевиќ, како и Црногорецот Љуца и Американецот Рос.
Тасовски во минатата сезона го носеше дресот на Струмица 2005, каде што дојде токму од Ф. Работнички. Претходно овој крилен кошаркар играше уште за Вардар и за Жито Вардар. По финансискиот колапс на струмичани, Тасовски и уште неколку играчи од сениорскиот тим станаа слободни и можеа да избираат во која екипа ќе одат. Уште по објавувањето на веста дека Струмица има проблеми и ќе ги пушти своите најдобри играчи, се најавуваше оти Тасовски ќе се врати во клубот од „Градски парк“.
и ај бе вие од fa прекинете веке со таа ваша победа над реал аман веке ја отечивте секаде али и ок е работа нема пак за што друго да се фалите само тоа е од вашиот долг преиод на постоење.