Пред стартот на натпреварот од ЛШ во Мадрид од инфаркт почина Австриецот Хајнц Фанлер, кој требаше да биде делегат на вечерашниот меч
Смртта на Хајнц Фанлер ја потресе шпанската метропола пред стартот на вечерашниот дуел меѓу Реал Мадрид и Бате Борисов во рамките на Лигата на шампионите.
Австриецот требаше да биле делегат на овој натпревар, но тој по рутинираната инспекција на теренот на стадионот „Сантијаго Бернабе“ на патот кон хотелот каде бил сместен доживеал инфаркт.
Лекарите не успеале ништо да сторат за да го спасат 65-годишниот Фанлер, а вечерва двата тима ќе излезат со црни ленти на своите дресови за да му оддадат чест, а секако ќе има и едноминутен молк пред стартот на натпреварот.
Инаку, Фанлер од септември 1990 година е делегат на УЕФА, а ова требаше да му биде 188-ми меч на кој ќе ја извршува таа функција.
:nesum: