Само ти напоменав дека дресовите немаат ама баш никаква врска со името на клубот, барем не во македонскиот фудбал... Многу добро знам кој највеќе јадеше бурек, искрено и ме заболе за нивното мислење за ситуацијата што се случи со Вардар, бидејќи денеска тие истите се би дале нивниот клуб да е на ова место. Од ваш фан клуб имаше неколку луѓе, а пази вие сте оние кои најмалку треба да се бунат за такви работи. За Пелистер уште летоска пишав, ако веќе Вардар не е оној стариот, тогаш зошто дел од битолчаните се фалеа со тоа дека РК Пелистер е синоним за македонскиот ракомет кога денешниот клуб е формиран пред 3 години. Прилепчани плукаа, ама се тепаа за карта кога играше Вардар против 11 Октомври во август. Најлесно е да се плука по туѓото кога пропаѓа своето, така сигурно одредени фаци си го полнеа егото, а кај и да е ќе го преполнат од "успесите" на своите клубови.
Јас лично бев за тоа Вардар да игра во втора лига, но сигурно нема да престанам да навивам за клубот откако остана во прва, не сум јас од оние кои го баталуваат клубот поради тоа што дел од трибината не им бил заграден со ограда.
Рано е за титула, има уште многу до крајот... Инаку да, во овој момент сме сосема заслужено на првото место, иако реално требаше со поголема бодовна разлика.
--- надополнето: Nov 14, 2011 8:37 PM ---
Еве ја и Балканската лига...
Балканска лига - најобична фарса!?
За вистинските познавачи на фудбалските состојби на Балканот но и во Европа добро беше познато уште по најавите на иницијаторите, ЦСКА Софија и Црвена Звезда, за формирање на некаква Балканска лига во која би влегле клубови од Бугарија, Србија, Романија, Грција и Турција дека во моментов еден таков проект е далеку од реално остварлив.
Но, како и да е, останаа поканите за утрешниот состанок од 18 часот во Софија, на кој домаќин ќе биде ЦСКА, со тоа што од првично поканетите гости не остана речиси никој. Денеска последни кои го откажаа присуството на утрешниот состанок на кој би се разговарало за формирање на Балканската лига се грчкиот Олимпијакос и новосадска Војводина, откако претходно се откажаа и најдобрите грчки и турски клубови Панатинаикос, Галатасарај и Фенербахче, плус и белградски Партизан.
„Откако УЕФА не даде поддршка за една таква идеја сега нема смисла ние да учествуваме на еден таков состанок. Затоа не одиме во Софија“ - соопштија денеска и од ФК Војводина.
Токму негативниот став на УЕФА за овој проект индиректно потврди дека всушност во моментов најавите за Балканска лига се најобична фарса. На утрешниот состанок кој го организираат Бугарите сега останаа единствено неколку бугарски клубови плус Црвена Звезда и Динамо Букурешт во варијантата да организираат регионално натпреварување поради што, сега во недостиг на клубови, се спомнува вклучување на екипи од Азербејџан и Украина што, пак, само дополнително ја засилува потврдата за несериозниот пристап кон ова фудбалско прашање.
“Раководството на ЦСКА не може како што треба да го организира ниту својот клуб, а сега ќе организира некаква Балканска лига. Каква е таа глупост? Тоа е нешто најнереално што сме го слушнале, поради што и сите посериозни клубови од Балканот веќе јасно се дистанцираа од една ваква пародија“ - пишува во денешниот број бугарскиот весник „Спортимо“.
Претходно со можно учество во регионална лига се спомнуваше и Вардар, како единствен клуб од Македонија, но од ЦСКА Софија во ниту еден момент официјално ниту го спомнаа најтрофејниот македонски клуб ниту испратија покана до „црвено-црните“ за утрешниот состанок. И, факт е дека Вардар во моментов треба да остане надвор од еден таков собир кој апсолутно ништо не ветува!
http://ekipa.mk/News.aspx?newsId=2623
!!!
