Гроздановски се враќа во Вардар!
"Денеска треба да разговарам со претседателот на Дамаш околу добивање раскин на договорот, по што би се вратил во македонскиот фудбал, и тоа само во Вардар", вели Гроздановски
Најтрофејниот македонски клуб би можел да го реализира најголемото играчко засилување за пролетниот дел од актуелнава сезона, доколку деновиве се реализира можноста за враќање во клубот на македонскиот репрезентативец Влатко Гроздановски, кој во моментов настапува во ирански Дамаш Лорестан.
"Да, посакувам пролетва да се вратам во македонскиот фудбал и тоа само во Вардар", ни изјави низ вчерашниот телефонски разговор од Техеран, Влатко Гроздановски притоа нагласувајќи дека реализацијата на овој трансфер ќе зависи единствено од волјата на претседателот на неговиот актуелен клуб.