Ај да споделам нешто интересно со вас, што ископав овие денови.
Веројатно многумина љубители на фудбалот се прашуваат кој беше фудбалерот што го постигна првиот гол з Вардар по неговото формирање во далечната 1947 година.
п.с еве и решението за формирање на клубот.
Вардар требаше да одигра две средби со Слога од Нови Сад(подоцна Војводина).
На првиот натпревар во Нови Сад, на 4 август 1947 година по голема борба мечот заврши без победник 1:1. Стрелец на првиот официјален меч за Вардар и првиот гол беше професорот Саво Цветковиќ.
-Се уште се сеќавам на тој меч во Нови Сад, на мојот гол првенец за Вардар што го постигнав со левата нога иако бев изразит деснак. Додека играв за клубот Македонија играв халф. Но првиот тренер на Вардар Благоја Павловски-Ситното, кој како техничар работеше во Радио Скопје и не беше платен за тренирањето на играчите, бараше од мене во Нови Сад да носам дрес со број 9 и да бидам центарфор, ни раскажуваше Цветковиќ. Ме чуваше Симо Милованов, подоцна репрезентативец на Југославија, не многу нежно. Сепак, во еден момент на нафрлената топка од Цинциевски успеав да ја упатам кон голот на Слога и таа покрај изненадениот голман се најде во мрежата. Не беше тоа силен шут, но топката доби некое чудно ефе. Дури во финишот домаќините израмнија но со овој резултат имавме големи шанси да се пласираме во Првата лига со оглед дека реваншот се играше во Скопје. - изјави Саво Цветковиќ во интервјуту со Миодраг Мицковиќ за ФФМ.
Првата вардарова генерација што заигра во првата сојузна фудбалска лига на Југославија, Вардар како трет македонски прволигаш.
Од лево кон десно: ДРАГАН ГЕРОВ-ГАГУШ, АНТЕ АНДОНОВСКИ-КОЗИЦА, ХРИСТО ХРИСТОВСКИ-МУЛАЦ, ГАЛЕ ГЕРАСИМОВСКИ, ТОШО НИКОЛИЌ, ЈАНЕ ЈАНЕВСКИ, БЛАГОЈА ПЕТРОВСКИ-БАЛА, ГОТА СЕЗАИР, КИПРО КИПРОВСКИ, ВАСКО КОКИНОВСКИ-МАКАРА И ВАСИЛ ДИЛЕВ.
Од овој прв состав на Вардар најмногу првенствени и пријателски натпреватри во неговиот дрес има одиграно Васко Кокиновски -335, Цинциевски 277, Јаневски 242, Геров 134, Петровски 101, Балевски 59, Гота 53, Ивановски 52, Давидовски 36, Димитровски 15 и Цветковиќ само 2, најважните.