Јас кога го учев МИС беше подобро кај Давчев. Сега каква е ситуацијата незнам
Ама тоа со различен материјал кај различен професор а ист предмет се учи - ЗОШТОО?
Исто и бази. Тројца професори, три различни материјали.
Одговарам бидејќи учествувам во бази, графика, информациски системи. Предмети на кои дефинитивно се работело по различен материјал за различни групи студенти и тоа со причина.
Ситуација 1: Во типичниот предмет Бази на податоци, не се учи ништо за администрација на системи за управување со бази на податоци, за организацијата на физичко ниво, нешто што многу ги засега систем администраторите. Затоа, студентите на насока Администрација на компјутерски мрежи дефитивно не треба да ги учат истите работи по предметот Бази на податоци, со студентите на насока Софтверско инженерство. Основата е иста, но потоа предметот мора да се разијде за да покрие различни аспекти за соодветната област. Вежбите би морало да бидат различни.
Ситуција 2: Дури и кај еден ист предмет, кај една иста насока, различни наставници даваат различна важност на различните теми од предметот. Затоа еден ќе посвети повеќе внимание на едно, а друг на друго. И тоа е во ред, тоа е академска слобода. Но, не академска слобода на наставникот од мрза да држи нешто на ист начин цел живот, туку да се прилагоди на ситуацијата. Наставникот треба да има слобода да ја процени групата студенти, контекстот, времето и според тоа да одлучи за најдобар материјал и најдобар приод. Да менува секоја година.
Ова е во идеална, а дали Факултетот се држи до овие идеали, или се обидува да штеди, дали Факултетот ги дели студентите по интерес/профил/област/насока и им прилагодува настава или ги дели по презиме, тоа се други прашања. Нема веќе да дискутирам тука на темава бидејќи е преопширна дискусијата, но повелете ако сакате
побарајте ме може и да организираме некоја дебата на ФИНКИ.