Еве интересен текст од Елена Оровчанец Спироска.
Во Македонија се случува некоја голема ујдурма. -Се рушеше режим, а режимот и натаму функционира: -внатрешната политика ја води ДУИ; -надворешната СДСМ; -институциите се под капата на ДПМНЕ. Суштинските прашања како расчистување со криминалот, враќање на парите, реформи во судството, социјална држава, подобар живот за граѓаните, економска стабилност… со сите досегашни постапки излегува дека беа само маска за пред народот. Она што навистина ни се случува е дека народот се’ уште живее под јаремот на немаштијата, невработеноста, наметнување на давачки, секојдневно задолжување, плаќање на луксузи на мала група „избрани“ и секојдневно исселување. Целата енергија е концентрирана кон влез во НАТО и отпочнување преговори со ЕУ. Но за да се стигне до тоа треба исполнување на два предуслови, едниот поставен од ДУИ – Законот за јазици и вториот поставен од Грција – erga omnes. Првиот предуслов веќе го истуркаа и без разлика на фарсата (амандмани од опозиција) што од понеделник ќе се случува во Собранието знаеме дека Законот е изгласан. Вториот предуслов е пред прагот на решавање. Иако пред избори и непосредно по 27 април Заев ветуваше дека промена на Устав нема да има, за влез во НАТО и ЕУ тоа ќе мора да се случи. И за двата предуслови новиот претседател на ДПМНЕ (кој патем е либерална инсталација на западните земји, исто како што Груевски беше нивна инсталација само фашистичко-диктаторска) веќе даде согласност. За Законот за јазици со фарсата што ќе се случува од понеделник, а за egra omnes со отворената поддршка што им ја испрати на Заев и Ципрас за изнаоѓање решение. Останува отворено прашањето какви спинови тројката СДСМ -ДУИ – ДПМНЕ ќе пушта меѓу народот за нивните лаги да бидат прифатени како вистини. Разврската ќе ја видиме во април-мај, но по оваа ујдурма ќе остане длабока празнина.
