Атила...не треси глупости!
Нешто ново изгледа е на повидок, имено...
Куба е руски одговор на американскиот ракетен штит
Руските воени авиони би можеле по своите патролни летови да слетуваат на Куба
Од нашиот дописник
Бранко Влаховиќ
МОСКВА - Како одговор на разместувањето на американскиот ракетен штит во Полска и во Чешка, а можеби и во земјите на Балтикот сосема е можно Русите повторно да се вратат на Куба. Надзвучните носачи на ракети „ТУ-160“, кои уште ги нарекуваат и „бели лебеди“, како и стратегиските бомбардери „ТУ-95 МС“, кои на Запад ги нарекоа „мечки“, би можеле по своите патролни летови да слетуваат на Куба. Засега за тоа се водат разговори, но за враќање на Русите на Куба треба да се договорат двете раководства.
Московскиот весник „Известија“ пишува во најновиот број дека негови извори во врвот велат дека „бели лебеди“ и „мечки“ неодамна слетале на кубански воен аеродром. Од Куба до американското крајбрежје има само деведесет милји. Добро упатени извори, сепак, тврдат дека тие авиони засега не слетале на Куба, бидејќи тоа би го регистрирале Американците и би кренале врева. САД на тој остров ја имаат базата Гвантанамо.
Точно е нешто друго, руските пилоти се' почесто летаат на Куба, но се работи за транспортна воена авијација. Тие извршуваат платени комерцијални летови, но во исто време и тренираат. Новиот руски амбасадор во Хавана, Михаил Камињин, неодамна изјави дека односите меѓу Куба и Русија се стабилни и дека не зависат од моменталната конјунктура.
Ако Русија сака да се врати во старите советски бази на Куба, би требало да вложи пари во нивна модернизација. Би требало да се направи нова инфраструктура во пристаништето Мариел. Патем, во тоа пристаниште некогаш на Куба пристигнуваа руските ракети со бродови. Главен симбол на советското присуство на Куба беше базата во Лурдес, која се наоѓа недалеку од Хавана. Таму во советско време се наоѓаше моќна радарска станица со која Советите следеа она што ги интересираше во САД. Таа радарска станица беше затворена во октомври 2001 година. Москва и' плаќаше на Хавана за Лурдес 200 милиони долари годишно.