Се ближи...

[Anco]

Се ближи Велигден,ќе не носат на шишање...,јас тогаш стално плачам...,мама во четврток ќе стане рано да вапца јајца...,тато ќе и донесе ливчиња од магдонос и каранфил...,мама ќе ги врзе јајцата во најлон чорапи...,тато ќе ги кречи собите...,мама ќе постеле нови черги...,тато ќе ги чука и олуците од шпоретот...мама ќе прави баклава или кадаиф...тато ќе набере јоргован...во сабота ќе одиме во Стара -Нова бања...,потоа ќе одиме во црква...,дедо не оди со нас во црква,тој има пиштол...ноќта таму ќе се кршиме со црвени јајца...,ќе ни дојдат гости во недела...,тато ќе оди да ги чека на железничка станица...бато ќе бара да му купат дрвено црвено јајце и џамлии...јас ја сакам топката од излогот од нама...дедо сигурно ќе ми ја купи...мама ќе ја викне комшиката да и ја витка косата...можеби ќе ни донесе шеќерно јаболче...,тато ќе купи глава од јагне и млад кромид...,баба ќе ни сплете кошнички за јајца...на масата ќе има многу леблебија и шарени бонбони...,ќе одиме сите на панаѓурот...,ќе има и рингишпил...,ќе не облечат во нови блузи...,можеби ќе ни купат и нови чевли...,потоа ќе се сликаме кај сликарот на Кале на кончето со брат ми...јас седам на кончето,брат ми стој позади...Скопје 1959г.

 

[LordDragonII]

Коњ да седи на коњ, прв пат гледам вакво здание.
Интересно.

 

[Ryan Giggs]

ааа дедно анцо нели не беше активен на кајгана ? на фејсбук со бабата растураш добро е што те потсетив дека и кајгана постои

 

[Sungerot Bob]

Мене искрено @Anco ми фалеше на форумов и драго ми е што се врати

Иначе баш ми се свиѓа тоа што си го напишал. Така слично Велигден се дочекуваше и кај нас дома кога бев мал. Сега кога веќе сум возрасен, кога членовите на семејството се повозрасни/постари и кога има еден куп проблеми во секојдневиево, тој Велигденски дух и не се осеќа како некогаш, некако се набрзина се прави, без тоа целосно да се почувствува.

 

[MARCELLO]

И мене @Anco ми е мило што се врати бидејќи тој е еден од постари личности на форумов кој знае да ни раскаже за животот некогаш и да сподели некој негови искуства. Има некој глупи и одвратни теми некогаш како што му е онаа со дињата но сепак е интересен за читање. Не знам зошто темава е во сеир делот ЧДА.

Исто вака слично и јас кога бев малав се дочекуваше и славеше Велигден, само што кај нас Тетово дента кога се слави машките деца и малите девојчиња одат по гости кај фамилијата и пријателите од мајка ми, татко ми. Децата со кошничка на гости, дотерани во нови панталончиња, кошулчиња, патичиња или кондурчиња, потстрижени, пицнати од глава до пети собираат јајца и по некое паре кој ти ги даваат баба, дедо, вујче, чичо и други. Жените и постарите девојки седат дома и пречекуваат гости со богата трпеза кифлички, салати, месо, пиење. Малку и напорно можеби е за децата и потоа дома не можеш да направиш семеен ручек на раат затоа што си најадаен и напиен од идење по гости.

Сепак беше интересно кога бев помал па гледавме да собереме што е можно поинтересни украсени јајца и повеќе парички. Денес семејно веќе не сме дома секој Велигден и одиме на викенд во Србија кај што имаме куќа на планина во зеленило, мир, со трпеза, забава и други работи.

 

[M-1]

Кај си стрико Анчо, куќо стара?