Препорака за модерни руски филмови:
1. Ноќна стража (тоа е првиот дел) и Дневна стража (втор дел) од режисерот Тимур Бекмамбетов. Солиден руски филм со елементи на фантазија и акција. Главниот актер Константин Хабенски е навистина одличен глумец.
2. Адмирал.
(клик) Историски филм со дозирана романса за контаадмирал, а потоа и адмирал Александар Колчак, белогардеец кој како последен мохиканец се бори против болшевиците.
3. Дух
(клик) Добар психолошки трилер за необично пријателство помеѓу еден писател кој се наоѓа во креативна криза и убиец кој сака да му „помогне“.
4. Руски ковчег. Филм на Александар Сoкуров. Филмот е необичен и по тематика и по тоа што е снимен во еден кадар и тоа за крајно кратко време во Зимскиот дворец. Кој сака историја и уметност ќе се изнаужива гледајќи ги убавините и уметничките дела во Ермитаж.
5. Остров
(клик) Филмот е ремек-дело. Најтопло го препорачувам на сите кои сакаат да размислуваат во насока „зошто Каин го уби Авел?“
6. Цар
(клик) Филм повеќе за ликот отколку за делото на Иван Грозни.
7. Диригент
(клик) Режисер на овој и на Остров и Цар е Павел Лунгин.
8. Во движење
(клик) Филмов има малку чуден и нејасен крај, се нешто се случува, нон-стоп има некоја неизвесност ама сепак вреди да се препорача.
9. Иронија на судбината.(
клик без превод) Продолжение. Како што кажува и самиот наслов, филмот е продолжение на најпопуларниот советски филм „Иронија на судбината“ кој традиционално се пуштал на телевизија секоја Нова година.