Случајно ги фатив господата како се расправаат за овој закон. Ми се допадна размислувањето на еден пратеник (Ќурчиев мислам рекоа, не сум сигурен, не ги знам баш кој како се вика) кој постави дилема дали постои анализа на состојбите воопшто во оваа проблематика. како пример ја спомена Голема Британија каде од 20% пушачи тенденцијата е истите да се намалат на 10%. Но тоа се одвива со разни активности, програми и проекти кои се организирани од страна на нивната влада.
Има многу показатели кои треба да се земат предвид
- дали некој извадил, споредил, искористил податоци за тоа колку цигари на ден се пушат, колку кутии по пушач, колку болести (поврзани со пушењето) и болни се јавуваат годишно, колку од нив се активни пушачи, колку се издвојуваат пари за унапредување на здравството посебно за превенција од пушење (но и за квалитетно дијагностицирање, лекување...), кампањи и служби, институции кои би се занимавале со оваа појава и со одвикнување на активните пушачи, колку средства се добиваат од продажбата на цигарите, тутунот, трговијата...(отприлика 1/4 од помошта во земјоделството оди на тутунопроизводителите, што не е за занемарување).
Иако овие последниве се повеќе економски показатели, ме интересира барем другите дали некој ги проучил, која е опасноста од цигарите, а која од другите зла. До вакви податоци тешко се доаѓа, посебно статистика на болести и нивна евентуална поврзаност со цигарите или друг причинител.
Зборот ми е -факти и реални бројки- без нив само може вака да си имаме став секој сопствен, субјективен, но не и реален. Цигарата убива, но колки, како и каде...тука е битно да се даде податок и да се најде нзс во вакви и слични решенија.
Инаку се спомена солидна бројка за бројот на пушачи основци па и од тој аспект дали нешто се презема или сме оставени како граѓани сами на себе...многу дилеми.