Пак ќе повторам, прочитај ја темата овие работи се повеќе пати дискутирани.
Келнерите, бармените, куварите... одат во кафана за да работат, не да се забавуваат. Таму се секој ден по 8 до 12+ саати.
Сите што имаат обврска да вршат времени работи во тие објекти, различни инспекциски служби, водоинсталатори, електричари, сервисери од секаков вид. Сите тие одат службено во такви локали и имаат право да не бидат загрозени од пасивно пушење додека работат.
Ти се изјасни дека не можеш да ја напуштиш работата само заради тоа што не ти дозволуваат да пушиш на работно место. Да не се залажуваме, во денешно време не е лесно да се најде работа. Соодветно на тоа никој не може да си дозволи да напушти работа заради пушење на работно место. И во тој случај по твојата логика е нормално некој да биде изложен на пасивно пушење против негова волја. За среќа законот го вели спротивното.
Сега со примери ќе ти покажам дека не си во право... Пред некое време доаѓаа луѓе од општината по домовите, за да измерат колку се големи куќите/становите и да се направи ’нова’ пресметка за данокот, а пред само неколку денови имаше луѓе кои што одеа по домовите за да попишуваат, може да се споменат и инкасаторите од водовод кои влегуваат во домот да го проверат сатот за потрошена вода, понатаму полицаец поради одредена интервенција, разговор и т.н., а има и други. Сигурно меѓу овие луѓе ќе има и непушачи. Дали поради овие луѓе треба да се забрани и пушење по домовите? По твојата логика би требало, ако не целосно барем привремено додека тие се тука, а можеби ќе треба да се донесе закон и да се изврши големо проветрување неколку дена пред да се појават тие службеници. Или што правиме со истите тие инспектори, полицајци кои што ќе треба да направат истрага во простории каде се пушело?
Но, зошто непушачите да имаат приоритет?
Што правиме ако некој службеник е алергичен на прашина? Дали значи дека во домовите ќе мора да биде избришана и прашината кога ќе доаѓаат службениците или во спротивно ќе следува казна за домаќините?
Ако сето ова не изгледа логично, а на моменти е и смешно, кога се работи за домовите, зошто би било поинаку кога се работи за други приватни објекти? Зошто таму би се кршеле правата на сопственост, слободата на избор. Извини, но овие работи се многу побитни од тоа дали некој вработен или службеник е антипушач.
Вработените во тој објект се наоѓаат по сопствена волја. Не им е прекршена слободота. Проблемот би бил доколку некој со сила ги натера да работат во тој објект. Ако му пречат цигарите тој ќе отиде да работи на друго место, ако не може да најде работа на друго место ќе остане да работи тука и ќе трпи. Можеби на некој не му е убаво да работи во чевларска индустрија (пр. му пречи лепак), но не значи дека во тие простории треба да се почне со производство на ИТ технологија, или барем да почнат да се прават производи без лепак.
Доставувачи... Исто и со нив. Доколку им пречи нема да доставуваат во тој објект, сопственикот ќе најде други кои што нема да имаат проблем со димот и готова работа.
Службеници (општински/државни)... За нив најмалку ми е жал, но и за нив ќе објаснам, погоре нешто веќе и напишав. Полицаец оди во акција, во таа просторија се пушачи, тој не може да каже, еј, јас не можам да влезам, затоа што ми пречи димот. Дали треба акцијата да не биде исполнета затоа што на него му пречи димот? Не, туку ќе треба да се запосли друг полицаец кој ќе ја заврши таа работа. Зошто да биде различно и со другите службеници? Инспекторите исто одат во средини кои што не се добри, може да наидат на покварена храна, во фармите на лош мирис, на некои отрови. Одредени работи си носат со себе добро и лошо, позитивно и негативно, поволности и тешкотии. Како што полициската акција нема да пропадне поради тутунски дим, така и другите службеници ќе си ја завршат својата работа и покрај тутунскиот дим. Тој ако станал инспектор кој меѓу другото ќе треба да оди и по објекти каде се пуши, тогаш тоа ќе го трпи, ако не нека си бара друга работа. На крај, тие се платени од нас граѓаните, власта/државата само ги трансферира нашите пари до нив.
И сосема за крај. Што правиме со службениците кои ќе влезат во објект каде се пуши, а со закон е забрането, а со цел да изречат казни? Тие се подложни на тутунски дим, дим од кој ти ги штитиш... А, тоа најчесто се истите тие инспектори кои што доаѓале и претходно во тие објекти и вршеле одредена работа, а ти ги штитиш од дим. Која е разликата? Зошто тогаш не треба да се подложни на дим, а сега тоа не е страшно?
