Две Русинки на проба во ЖРК Вардар Женската екипа на Вардар полека почнува да работи на составувањето на тимот за наредната сезона. "Црвено-црните" во вторник во Скопје ќе пречекаат две потенцијални засилувања за наредната сезона Се работи за ракометарки од Русија, кои во Скопје доаѓаат по препораката на екипата на Динамо Волгоград. Се работи за бекот Евгенија Жулкова, која на почетокот на сезоната од Динамо замина во КГУ Казахстан, и десното крило Катја Косјугова, која беше дел од школата на Динамо Волгоград, но во конкуренција на Геребнкина, Јаценко и Макарова не успеа да се пробие до првиот тим на актуелниот руски шампион.
