Никој не може да ги негира корумпираноста и криминалноста како на руските олигарси, така и на западните држави на кои не им чини Русија како држава таква каква што е, но истовремено не им смета рускиот капитал, особено ако доаѓа од профитери кои го стекнале во најмала рака на сомнителен начин, да не речам на криминален начин. Тука секако се издвојува Велика Британија како светски лицемер број 1 (ЕДЕН).
Лицемерието на западот не е ништо ново, едно велат, друго мислат, трето прават.
Но ниту еден од наведените аргументи во твојот коментар не го оспорува тоа што јас го спомнав: дека немаше потреба од вакви крвопролевања.
Западните држави ја третираат Русија како држава агресор - изгледа тоа е едно ниво над бензинска пумпа со нуклеарки, како што гласи/гласеше нивниот омилен опис на таа држава - но Русија не е државата која натрупува оружје, муниција и воени бази низ светот, ниту па проширува воен сојуз низ Европа и Азија.
Немој погрешно да ме разбереш, се согласувам дека Русите се криви за ситуацијата во која сега се наоѓаат, не требаше да им продаваат гас на европејците и на Украина по багателни цени, односно на сопствени финансиски загуби, во замена за наивни - да не речам будалести - очекувања дека европејците ќе бидат подобри трговски партнери, а Украина ќе стане фискално одговорна држава и ќе си ги плаќа сметките и долговите кон руските енергетски компании.
Владимир Путин цело време игра(ше) на картата на дипломатијата и изгуби на дебело, тоа е факт кој не може да се негира. НАТО и понатаму се шири кон границите на Русија, САД од самиот почеток се противеа на изградбата на Северен поток и Јужен поток - овој вториот успешно го спречија пред воопшто да стане реалност, тоа беше надворешната политика која ја водеше федералната влада на САД на чело со Барак Хусеин Обама, истата надворешна политика на САД ја продолжи и Доналд Трамп, Џо Бајден ја ескалираше со уништување на цевководот Северен поток, а еве го плавиот Трамп во најава дека ќе биде само побетер после неговото враќање во белата куќа на Авенија Пенсилванија број 1600 во Вашингтон, САД, на 20 јануари 2025.
Русите се изиграни на дипломатски и економски план од страна на САД, НАТО и ЕУ, и тоа велемајсторски.
Но сакале или нејќеле, ќе мораат да подвлечат црвена линија и да ја бранат истата. Ете, ја повлекоа на 24 февруари 2022, потоа седнаа на преговарачка маса во Истанбул на која постигнаа договор за примирје, но истиот беше успешно саботиран од страна на истите тие лицемери од островската страна на Ла Манш на кои не им смета да им пружаат засолниште на руските олигарси и криминалци - под услов да го донесат и својот капитал со себеси, се разбира.
Не мораше да има крвопролевање, но сега кога веќе го има, Русија може или да се повлече и да се подготвува за Трета Светска Војна со НАТО бази на границата со Украина, или да ја истера воената интервенција во Украина до крај додека не издејствува неутрална и де-нацифицирана Украина.
