„Нека е благословен твојот извор, и радувај се со жената на својата младост, нека ти е како мила срна и љубезлива кошута; нека те напојуваат нејзините гради во секое време и нејзината љубов те восхитува непрекратно!“ (Изреки 5:19, Библијата)
Ок, нека ти биде. Тогаш ајде кажи ни што вели погоре мудриот Соломон? Какви совети ни дава? Што мисли Соломон кога вели „нека те напојуваат нејзините гради во секое време“?
Оците го толкуваат стихот така како што го толкуваат: го толкуваат од позиција на поединци/толкувачи, кои се очистени од својата гордост, страсти и похоти, и кои во стихот не гледаат „дозвола„ за безумно и бесконечно (..секое време? 24/7?...) похотствување, туку ја гледаат личносната релација помеѓу машкото и женското, и тоа онака како што Бог ги створи првите луѓе и онака како Бог допушта, ради човековата отпадната (острастена, похотна, самољубива, среброљубива, сластољубива...) природа, но не неразумно, безмерно, непрекидно, туку личносно. Во 20-от и 21-от стих, од истата глава од Изреки, стои и опомена за опасноста и казната од безааконието, ради „трчањето„ по други/туѓи жени.
Накратко: целиот Стар Завет се толкува во духот од милоста и благодатта Христова од Новиот Завет. Слични совети кон сопружниците, дава и Св Ап. Павле.
--- надополнето: Aug 15, 2011 1:24 PM ---
Тоа значи дека Господ ги создал без чувства (љубов, радост, пријателство, гнев, тага...) и оние нам природни потреби (или како што велиш со изразот Адам да ја познае Ева) со спротивниот пол, а овие потреби (сексуалниот однос) и чувства се јавуваат откако се населуваат вон Градината односно откако станеле грешни.
Господ ги создал првите луѓе како трихотомни/троделни, но целосни/неделиви битија:
- од дух (духот има разум и слободна волја)
- од душа (душата има чувста и ум)
- од тело (кое има сетилен контакт со материјалниов Свет)
Значи, начелно, се што имаме ние, денес, имале и Адам и Ева во Рајот, а она кое го немале, е: гордост, страст, похоти...Од кои произлегуваат сите денес познати начини на однесување кај луѓето.
--- надополнето: Aug 15, 2011 1:26 PM ---
...по објаснувањата сфатив дека првите луѓе Господ ги има создадено без чувства.
Види малку погоре. Адам и Ева не биле без чувства, напротив, оти да биле бесчувствителни, и ние денес би биле такви.
Со своите тела, Адам и Ева ужувале во благодатите од Едемската градина, а нивниот ум, посебно Адамовиот, бил насочен кон Творецот.
