Судејќи според неговата повеќедецениска кариера како циркузант, типов никогаш не делувал како некој сериозен политичар, а не па како некој со потенцијал за да биде сериозен државник.
Но да се појавиш на конвенција на друга политичка партија и да бараш поддршка од нејзините членови и поддржувачи, говори дека ептен си одлучен да соборуваш нови циркузантски рекорди, или навистина си посебен тип на државник.
Како и да е, типот вети дека ако биде ре-избран за втор претседателски мандат ќе стави крај на тековните процеси за воведување на централна дигитална валута во САД, ќе го укине таканаречениот Зелен нов договор, ќе забрани биолошки машки спортисти да се натпреваруваат во спортови во женска категорија, ќе укине секакви финансии за училишта кои бараат задолжително носење на заштитни маски или задолжителна вакцинација, ќе ги амнестира сите осудени за упадот во американскиот Конгрес на 6 јануари 2021, а исто така најави и дека ќе го амнестира Рос Улбрихт - основачот и сопственик на веб сајтот за Интернет трговија преку криптовалути Silk Road, осуден на доживотна затворска казна поради трговија со наркотици и нелегални фармацевтски производи преку неговиот веб сајт.
И сето тоа додека во меѓувреме толпата е поделена помеѓу луѓе кои го поддржуваат и луѓе кои му урлаат и само што не почнале да го маваат со дрва и камења.