Се изначитав глупости по темава и тоа претежно од личности кои поим немаат од бокс или некоја борбена вештина. Зашто коментирате за тема која не ви е позната, која е поентата?
Од мое искуство како и од искуство на дечки што тренираат, во фудбал и кошарка и други колективни спортови често настануваат многу посериозни повреди него во бокс, проверено во пракса и кај мене и кај други а да не спомнувам профи спортисти.
Тоа дека боксот дава многу повреди е глупост, ако си добар нема да се повредуваш ако не те бива ќе те маваат ама тоа е мавање во кое свесно идеш зашто никој не те тера да идеш во ринг со супериорен противник. Сепак и ако е подобар не значи дека ќе те повреди затоа си постои држење дистанца и ескиважи. Само лош боксер чека да го удрат па да се тргне.
Откога почнав со кајгана фудбал имам повеќе повреди него за 10 год боксерски тренинг а играм активно само неколку месеци, фудбалов е крш во споредба со боксот.
Сеа по темата.
Почетник не смее да спарингува барем неколку месеци а да е до мене неколку години нема да иде со противник, има премногу други работи за учење.
Кога се работи сам со тренерот нема како да се повредиш освен ако не си ептен глуп па со тупаница да мавнеш во нешто тврдо. Палците у зглобчињата на раката мора да се чуваат, еден неконтролиран удар во чело може да ти ги повреди трајно.
Повреди можат да настанат и при тренинг на ескиважи ако не ескивираш добро па тренерот те погоди во лице однодно нос, тој е најкритичен дел но и тоа се регулира.
Ескиважите од почеток се прават бавно и во тек на неколку месеци се наголемува брзината за ученикот да има време да ја совлада техниката и да добие осет како да не ја мести главата за удар.
Со добар тренер повреда нема да има, ниту една!
Спарингот со друг боксер е веќе друга работа но не се спарингува ако веќе не си стварно на некое ниво и се спарингува по можност со подобар од тебе кој намерно ќе те штеди, значи може да се договорите да не се удирате во глава или ударот да е строго контролиран.
Јас спарингувам со татко ми без ракавици со голи раце (што е поопасно) и никогаш не сум имал повреда ама спарингот е контролиран.
Ако спарингуваш со полуобучен тип кој ќе почне да боксира како реална борба (што знае да се случи) е тука стварно треба концентрација како на ринг зашто може да му се отпушти вистински удар и ако не му ескивираш ќе те погоди во глава.
Боксот е прекрасна вештина ама си бара посвета, внимание и целосна концентрација додека се тренира впрочем како и кај сите други спортови и вештини.