Планинарење

Almeida

поет, мрачна сила, гад
Член од
15 февруари 2015
Мислења
6.833
Поени од реакции
16.669
кои андроид апликации се најдобри за планинарење знае некој?
За што? Не разбирам...да правиш записи од патеки?
Strava или било која друга од тој тип.
За одење по снимени патеки апликација не знам колку е добро и паметно. Gps уред на Garmin или некој сличен. Компактни се и не ја трошиш батеријата на телефонот што е многу битно за безбедност.
 
Член од
22 август 2016
Мислења
53
Поени од реакции
11
За што? Не разбирам...да правиш записи од патеки?
Strava или било која друга од тој тип.
За одење по снимени патеки апликација не знам колку е добро и паметно. Gps уред на Garmin или некој сличен. Компактни се и не ја трошиш батеријата на телефонот што е многу битно за безбедност.
друже има ли некоја сам да си креирам патеки од дома јас кај што сакам по неа да идам а после да ја зачувам како GPX фајл и да ја користам за офлајн и која е најдобра според вас ако има.
 

Almeida

поет, мрачна сила, гад
Член од
15 февруари 2015
Мислења
6.833
Поени од реакции
16.669
Јас ја користам Strava. Во browser после има опција Export. Поддржани типови се gpx, kmz сигурно. Јас ги снимам со саат со вграден gps, а не со телефон, а апликацијата на телефон снима. Фората е што добро снимање значи refresh на 5 секунди. На тура од 8-10 саати тоа значи дека без батерија ќе останеш на пола ден, што ич не е паметно. Да не зборам за повеќедневни тури.
 
Член од
30 јануари 2009
Мислења
309
Поени од реакции
203
Знае ли некој од која страна е подобро да се искачи Галичица до врв Магаро, од преспанско или од кај Трпејца?
Дали воопшто има маркација и од каде почнува,за колку саати се искачува итн.
 
Член од
24 ноември 2013
Мислења
213
Поени од реакции
253
Знае ли некој од која страна е подобро да се искачи Галичица до врв Магаро, од преспанско или од кај Трпејца?
Дали воопшто има маркација и од каде почнува,за колку саати се искачува итн.
Имам одено од Трпејца, добро маркирана стаза, саат ипол пешки.
 
Член од
30 јануари 2009
Мислења
309
Поени од реакции
203
Имам одено од Трпејца, добро маркирана стаза, саат ипол пешки.
Фала ти, увидов дека ако не го знаеш теренот најпаметно е да тргнеш од Трпејца, ама толку брзо ли се искачува пошто гледам на wikiloc дека ја искачуваат за 4-5 саати.
 

Almeida

поет, мрачна сила, гад
Член од
15 февруари 2015
Мислења
6.833
Поени од реакции
16.669
Болеста за внимание е бескрајна.
Девојката што пред неколку години состави лажна приказна за соло искачување на Матерхорн, сега со нов обид да сврти внимание кон себе.


Направила фото-сесија на Матка, на алпинистичките делови на карпите и со куп лајфкоуч мотиваторски срања излегува во интервју со наводно провокативна фотосесија.

Не ја познавам лично и искрено, не ни сакам да се познавам со вакви глупи особи, само ме погодува што многу лошо влијае и создава лоша слика за една многу племенита работа. Ваквите, од дома невоспитани луѓе, дури ни планина не ги оправа, пошо и пристапуваат без респект, инстаграмски, турбо-фолкерски....просто. Голема штета е што у вакво зачаурено, затуцано општество, можеа планините да ни бидат еден коректор, мотиватор, учител, за тоа како да бидеме посилни и како индивидуи и како целина, ама ете, наместо тоа, секоја будала доби можност да си мисли дека е инфлуенсер, дека е многу креативен, кул, ин и што све не...

Имаш моќ девојче....уште мозок ти фали...

Еве го мојот пост од 2018та во врска со тогашната глупост:

https://karas4training.com/mk/news/irina-dishovska-treta-makedonka-na-materhorn-i-prva-so-solo-iskachuvanje



Не ја видов оваа вест кога беше објавена, туку ме заинтригира целиов настан денеска, по објавата на Македонската Алпинистичка федерација. Да разграничиме прво, оваа федерација е нешто друго во однос на планинарската на хирургот. Алпинизам и планинарање не е едно исто, ама поставуваме вести и од едната и од другата активност, па оваа вест тука е најсоодветна.
Луѓево фатиле да го анализираат целиов потфат на девојкава (не ја познавам, искрено) и воочиле некои очигледни недостатоци во фотографиите што ги приложила. Затоа и ја ставив голема оваа - на нејзе, страната на сенките е тотално спротивна на лицето, со таа од ридовите доле. Потоа различните јакни...има и некои други детаљи што стварно се сомнителни, ама јас не би да судам....не анализирав многу. Да не го тупам јас, ете го соопштението на федерацијата.
Ако вистина се качила и честитам, а ако не, искрено, ваква работа е за греота.
Во продолжение, соопштението од Федерацијата.

Соопштение до јавноста

Македонска Алпинистичка Федерација чувствува должност да се обрати до јавноста по повод неодамнешната објава на планинарката Ирина Дишовска за нејзиното соло искачување на врвот Матерхорн на Алпите.
Изминативе денови преку социјалните медиуми и одредени портали до некои од членовите на МАФ дојде информацијата за соло искачување на врвот Матерхорн од страна на Ирина Дишовска, член на ВАК Анапурна при ФПСМ.

При читање на извештајот објавен на нејзината facebook страна и разгледување на фотографиите, наши членови забележаа дека постои основа да се сомневаме во веродостојноста на фотографиите, или за можно лажирање на дел од искачувањето, кои според нашите видувања и етички кодекси не е прифатливо.
Пред се, ние ги немаме сите факти за тоа искачување, и нема да навлегуваме во процена дали било или не извршено искачувањето, и оставаме да одлучат одговорните луѓе при ФПСМ кои веруваме сериозно и темелно ќе го истражат тоа, како и дека ќе донесат правилна одлука, а укажуваме на она што според нас е сомневање во веродостојноста на фотографиите.
Она што не наведува на ова сомневање се две фотографии во извештајот на планинарката.

1. Фотографијата на самиот врв каде што планинарката е фотографијата пред крстот. Тука сме сигурни дека се работи за очигледна и неумешно направена фотошоп интервенција во оргинална фотографија која е претходно објавена на интернет од страна на Македонски планинар, и која е од неговото искачување на Матерхорн на 23.07.2018. Ирина во текстот вели дека се сликала со свој мобилен телефон!
2. Втората според нас спорна слика е онаа, каде Ирина укажува на еден клучен дел – Џордановите скали. Тука е употребена слика која е превземена од интернет од Италијански портал, и датира уште од 8 јули 2017та година.
3. Повеќете слики се близу домот, а двете клучни се според нас неверодостојни. Би ја потенцирале и контрадикторноста во користењето јаже – приказната дека е кристено нејзиното јаже за абзел со Пољаците. На една од сликите тие носат розево јаже, на уште фотографија се гледа поставено за абзел на снег тоа розево јаже, на неколку други слики се гледа Ирина како абзелува на друго плаво јаже.

Како Македонска алпинистичка федерација за нас е нерифатливо прикажување на лажни информации за едно качување, со кое се менува ликот на експедицијата, тежината на насоката, стилот и севкупно успешноста на тоа качување.

Како дел од заедницата, МАФ остро протестира против вакво нешто, и очекуваме од надлежните итно да го истражат овој случај, со што би се отфлиле било какви сомнежи околу ова искачување, за да се избегне било каква трага која би го нарушил угледот на сите луѓе кои ја почитуваат планината, и сите оние кои без разлика на кој врв се качуваат тоа го прават на етички исправен начин.

Не прејудицирајки децидно каков ќе биде ставот на матичната организација каде што планинарката членува, сакаме само да напоменеме дека МАФ во својата работа се води од високи етички принципи кои се неспоиви со лажирање фотографии за лажно прикажување на активностите во јавноста. Бидејќи искачувањето беше означено во дел од медиумите како врвно алпинистичко достигување на алпинистот Ирина Дишовска, ние чуствуваме должност да ја информираме јавноста и медиумите дека Ирина не е алпинист, ниту член на МАФ или некој од алпинистичките клубови, и нема завршено алпинистичка обука во Алпинистички клуб односно регистрирана институција која согласно законот за спорт може да се занимава со алпинизам и да дава таква обука.

Со почит,
Македонска Алпинистичка Федерација
 
Последно уредено:
На врв Bottom